ابي حل حق نفسي بنات ..

[المستشارة]

السلام عليكم ورحمة الله وبركاته

شلونكم شخباركم؟
جايتنكم يا بنات وابي من عندكم حل لمشكلتي..

انا الله يسلمكم حساسة جدا جدا واحس هالحساسية زيادة عن اللزوم
اقل شي ازعل واقل شي دمعتي تطيح

هذا الشي فيني من انا وبنت .. بس كنت لمن ابكي من شي اكون بروحي محد يدري
اما الحين فزوجي موجود وساعات اذا كنت زعلانه منه تلقائيا تطيح دمعتي قدامه حتى لو حاولت امسك نفسي
وعقب الحاح منه لمعرفة شنو اللي مزعلني يقول لي كل ازعل على اشياء تافهة ما تستاهل ويضحك..
يعني هو يسوي اشياء يعتقد انها عادية بس انا ما تعجبني وفيني طبع بعد ما عندي الجرأة اني اصارح

اخر موقف صار البارحة .. هو يجي من الدوام الساعة 3 الظهر نتغذاء وياخذ قيلولة لي اذان المغرب وبعد الصلاة
يرد يرجع المكتب لي 9.30 او 10.00

طيب انا تعودت على الوضع واقعد انطره بشووق واعد الساعات وانا جالسه بروحي بين الجدران ملل
المهم جهزت نفسي وانطره يجي عشان نتعشاء مع بعض .. الا في اخر الوقت مطرش لي انه تعشاء مع اهله تحت
اللي قهرني مو انه تعشى مع اهله اللي قهرني انه بعد ماخلص اكل وكل شي تفرغ يخبرني وهو يدري اني ناطرته
وبعدها خلى الخدامه تجيب عشاي وهو بعد ساعة شرف ولا كأن صاير شي ..


بنات تجوفون اني من حقي ازعل ؟؟ والا هذا شي تافه...؟
والله تعبانه من حالي
وقمت ابكي

[دروب الأمل]

هالشيء يستحق بس مثلا تقولين له بهدوء

حبيبي كام قلت لي انك بتتعشى تحت لأني انتظرتك وكنت ميييته جوع

لو تقول لي برساله مو مشكله

كذا راح يتدرب انه يقول لك دائما لو بيتأخر أو لا
..
اما انها تكون مشكله كبيره فماتستاهل

[4يو]

الله يهديكي الحساس يتعب كثير انتي لسى باول الطريق الحياه قدامك مدري كيف راح توجهينها الله يصلحك اجل لو تسمعي من البنات قصص تعوذي من ابليس وعاتبيه بسلوب حلو وربي يهدي سرك مقدرت اخرج بدون مارد

[المستشارة]

شكرا حبوبات على الرد
انا للحين ما عاتبته ولا قلت له شي ولا قط هاوشته مو انا اللي اسوي جذي
ولا ابي المشاكل .. الله لا يجيب المشاكل بينا يااارب

هو عرف اني زعلانه لاني اذا ازعل افضل الصمت ما اتكلم طول الوقت واذا تكلمت كلمات قليلة بس وهذي عاده فيني
وهو يبيني اقوله ليش زعلانه بس مو قادره اقول له لاني اذا تكلمت بطيح دمعتي ادري خو هي بسبب وبدون سبب حاشره روحها هالدمعة اللي مفشلتني
ابي اصارحه باللي يضايقني من تصرفاته عشان لا يعيدها بس مادري ما اقدر :/

عطوني حل ؟؟

[مشاعل الدوسري]

ههههههههههههههههههه اذا لقيت حل اسعفيني ...

انا لو قالي لا بنبره مو حلوه على شي ابيه بعض الاحيان ابكي ..


و اقول حق نفسي ميشوو سخيفه ههههههههههه

مااحب يرفع صوته علي مهما كنت انا غلطانه مايرفع صوته لان الدمعه قرريبه


يالا بنات سااعدونا ..

ابكي و هو يضحك و يقولي انتي حساسه بجد زياده عن اللزوم اوقات امسك نفسي و ماابين له ..
انتي لا تبين له ابد حاولي على قد ماتقدرين تتهربين منه ..

و بنفس الوقت اقعدي معاه بمرره و انتو تسولفون عن شي من اشياء الحياة
قوليله ماابيك تزعل من طريقتي اني ابكي و هيك .. شغلات اشياء بنظرك بسيطه و انا معاك لكن لا شعوريا ابكي فا اتمنى انك تراعي شعوري ههههههه مع ضحكه حلو و حضن دافي هههههههههه .. انشالله تفيد ...

انا عن نفسي اتنرررررررررررررررفز لما يضحك على و ابكي زيااده ..

الله يعينك

[المستحيله]

كانك تتكلمين عني انا زي حالتك حساسه ودمعتي على طول تنزل...ودائما ابكي من تصرفاته ولا اقدر اقوله ليش ابكي اذا سالني...شوفي لي 6 سنوات متزوجه وهذا طبعي ما قدرت اغيره ..
احيانا احاول اصارحه بسسبب زعلي واذا قالي السبب تافه اقول عندك انت تافه اما انا لا..
صراحه ما عندي حل لك لاني مثلك وان شا الله البنات ينصحوننا ويعطوننا الحلول..

[أم ريهام]

اما انا لا لكن هذه المشكلة في بنتي الكبيرة جدا جدا جدا حساسة وانا ما ابغاها كذا

الدنيا ما تساعد

والله لو يطيح منها شي بالغلط تجلس تصيح أقلها خلاص سلم شيليه وخلاص تعصب وتروح غرفتها وتبكي تبكي تبكي

ما اعرف كيف اتصرف معاها

[مشاعل الدوسري]

لسى محد لقى حل

[جرح البعاد]

ياعيني عالنعومات قلنا صيروا نعومات بس مو لهالدرجه ياكافي 000قووا قلوبكم مو على اتفه شي تبكون دلع حريم انتم موصغار باقي تعجزون وانتم تتبكبكون على اتفه شي 00الحل التطنيش ولما تصير مشكله قولي لنفسك بصوت مسموع عادي وفروا دموعكم وزعلكم لشي يستاهل اما انا تعودت اي شي يصير لو يزعل مازعلت بس معاتبه بسيطه ليه حبيبي تسوي كذا ونتفاهم وينتهي كل شي

[halawa]

شوفي حبيبتي انا وانتي واغلب النساء حساسات وانا اتحسس فكل شي وهويضحك بس انا كل ما زعلت اتوجه الي ربي وادعيه واقراءة القران واستغفر ترى الدنيا ما تستاهل زعل وبالاخير انا وانتي بنات ضعفاء ودائما الرجل اقوى ادعي ربك الله معك ما بينفعك حد حبيبتي الله هو الكبير اشتكي لربك هو بيساعدك وشكرا