فى السابع ابي اتابع الحمل بمستشفى الحبيب..

[المستحيله]

مرحبا..
الله يعافيكم انا بالشهر السابع ابي اتابع الحمل بمستشفى الحبيب..
وابي اعرف كم يكلف برنامج متابعه الحمل؟؟؟
او وش تنصحوني وين اتابع انا اول مره اولد بالرياض.. الشهور الي قبل كنت اتابع بالقصيم بس زوجي عنده دوره بالرياض واحتمال كبير اولد بالرياض؟...
ولا اعرف شي عن مستشفيات الرياض

[صرخة الخاطر]

هلا بكـ عزيزتي"

انصحك بمستشفى الحبيب .. او دلــه .. او مستشفى الملك فهد <<يكون على جسابك تبع مركز

الأعمال

الله يتمم لك على خير ويسهل ولادتك وولادتي وووالجميع

[المستحيله]

مشكوره اختي...
جزاك الله خير

[نبع المحبة]

ما عندي خلفية
الله يوفقج وييسر لج الولادة

[نوووره]

انا كمان اتابع بمستشفى حكومي وراح أحول للحبيب اللي بالريان لأنه أقرب لنا وسمعت انه ممتاز وفيه عنايه واهتمام (خمس نجوم) للي تولد عندهم , بس ماعندي فكره عن اسعار المتابعه لكن الولاده الطبيعيه بــ 7000 بسبع ألآف والولاده القيصريه بـــ 14000 أربعة عشر ألفاً , وغرفة تنويم خاصه يعني انتي وحدك بـ 500 وعلى فكره هذي الاسعار اول مافتح هالفرع وسمعت انهم نزلوها اخذي رقمهم واتصلي واستفسري بتلقين رقمهم بالنت

[~*جْ ــوَلىْ*~]

المتابعة 2700 ريال

نصيحة متابعتهم عادية لاتروحين لهم

والولادة ماجربتهم

[ام بسوول25]

بلعكس الحبيب سمعه فقط
والله اليوم خالتي ولاده فيه تسبه تخيلو جاتهم الساعه 4 الفجر
طبعن بطاقه الصرف ماتصرف غير خمسه عيو يرقونها قسم الولاده الابعد تحصيل المبلغ كامل زوجها دبر الفين كاملو سبعه الاف وعيو ايرقونها الابعد دفع الف ريال تامين
تخيلو ارتفع عندها الظغط والسكر والدكتوره المنوبه ضاق صدرها لان الرحم مفتوح 6
ولا رقوها لاين مارح زوجها وتسلف الف ريال حسبي الله عليهم
ولاده والحمد الله ورقوها فوق من الساعه سبعه الي الساعه اربعه مااحد جاها لا دكتوره والا ممرضات حتي عاملات النظافه مافيه يعني هي مريضه ظغط وسكر وين العنايه
حتي عاملات الظافه يوم طالبنها تجي تنظف قال الغرف كثيره وين المسؤلون
نصيحه ابتعدي عنه هذا فرع الريان
والله على ما اقول شهيد

[~*جْ ــوَلىْ*~]

المشاركة الأصلية كتبت بواسطة ام بسوول25

بلعكس الحبيب سمعه فقط
والله اليوم خالتي ولاده فيه تسبه تخيلو جاتهم الساعه 4 الفجر
طبعن بطاقه الصرف ماتصرف غير خمسه عيو يرقونها قسم الولاده الابعد تحصيل المبلغ كامل زوجها دبر الفين كاملو سبعه الاف وعيو ايرقونها الابعد دفع الف ريال تامين
تخيلو ارتفع عندها الظغط والسكر والدكتوره المنوبه ضاق صدرها لان الرحم مفتوح 6
ولا رقوها لاين مارح زوجها وتسلف الف ريال حسبي الله عليهم
ولاده والحمد الله ورقوها فوق من الساعه سبعه الي الساعه اربعه مااحد جاها لا دكتوره والا ممرضات حتي عاملات النظافه مافيه يعني هي مريضه ظغط وسكر وين العنايه
حتي عاملات الظافه يوم طالبنها تجي تنظف قال الغرف كثيره وين المسؤلون
نصيحه ابتعدي عنه هذا فرع الريان
والله على ما اقول شهيد

الحمدلله علىسلامتها

للأسف الحبيب صار مادي لأبعد الدرجات

[المستحيله]

جزاكم الله خير ... رحتلهم مره وحده بس وتركتهم..