ادوية النفاس

[احاسيس حامل]

السلام عليكم ورحمة الله وبركاته


كروشااات بقولكم على بعض التجهيزات من ادوية النفاس لاني بالثامن وحتاره من اشياء .....
اولا قريت كثير ان الحلبه بس تستخدم بال 20 يوم الاوله من النفاس وهذا اللي بسويه انشاء الله اني باخذها مع الحليب من بداية نفاسي بس المشكله ان فيه خلطه ماعرف مكوناتها زين بس الاكيد ان فيها حلبه وهي مضموووووووووونه ميه بالميه انشاء الله وكثير من قريبات زوجي يستخدمونها وانا بعد استخدمتها لاني كنت اعاني من الآم الدوره وعطتنياها عمتي والله والله بس استخدمتها باخر 3 ايام من الدوره ويومين بعد الدوره نشفت المنطقه وحتى زوجي لاحظ الفرق والشهر اللي بعده ماجات الدوره وطلعت حامل ولله الحمد والمفروض استخدمها اخر 20 من نفاسي بس انا خايفه لان بالمنتديات يقولون ان الحلبه بس 20 يوم لو زادت ترخي المهبل ... برايكم اخذها ؟؟؟؟

ثانيا .. اشتريت عشبة عباءة السيده ولونها اخضر غامق تقريبا وورقتها طويله بس مدري هذا النوع للشرب او للوضوء؟؟؟؟


ثالثا .. اللي ينخلط مع التمر والسمن ويوخذ طول فترة النفاس الشمر او الرشاد ؟؟؟؟؟؟؟؟



والله يجزاكم الجنه يارب

[احاسيس حامل]

وينكم 26 مشاهده ولا احد عطاني وجه

[لون المطرر]

حبيبتي ايللي عرفه بقوله لكي
ايللي ينحط مع التمر كل ايللي قلتتيه رشاد ايللي هي الثفه والرشاد واذا حابه واحد منهم عادي

[احاسيس حامل]

ever 4 اهم شي انك دخلتي وماطلعتي من غير رد فديتك والله يعطيك العافيه ومشكوووره يعني احط مع التمر رشاد

[ام اسكندر]

ان شاء الله الخبيرات يفيدونك
لاني اعتدل باستخدام هذي الامور

والله يسهل لك يارب

[احاسيس حامل]

ام اسكندر .. الله يجزاك الخير ومشكوره

[احاسيس حامل]

وينكم ياالخبيراااااااااااااات ؟؟؟؟؟؟؟؟؟؟؟؟؟؟؟؟

[غلات امي بدمي]

هلا وغلا والله ابشري باالنسبه للحلبه ماتاثر مع الحوايج استخدميها ونتي متطمنه بس المقصد من منعها بعد العشرين الاولى كا انك تشربينها او تاخذينها بكميه كبيره بس مع الحوايج فماتخلى حوايج مره منها وباالنسبه لعبائه السيده اشربيها العشرين الاخيره لانها ماتستخدم اكثر من عشرين يوم وايظا يكون الدم قد وقف او ماهو كثير زي الايام الاولى باالنسبه لشكلها والله اخذها من العطار واقول للشرب فما اعرف يمكن البنات يفيدونك والشمر حلو كل النفاس يدر الصدر اما تمره النفاس حبه سوداء ورشاد ودخن وسمن بري اذا توفر بس وانا اطلبك طلب ماتنسيني باالدعوه الصادقه في ظهر الغيب وقت الطلوق بان يحقق لي الله ماتصبو به نفسي اللهم امين ومن يقراء

[احاسيس حامل]

غلات امي بدمي .. الله يعطيك العافيه ويحقق لك كل امانيك ...

[أم رزاان]

هلا وغلا بالغاليه :)
الله يسهلها عليك
وأنا والله زيك في بداية الثامن ولسى ما اشتريت شيء مع أني ناوية اجهز من السادس
بس سبحان الله التسويف والمشاغل اشغلتنا !

شوفي ياقلبي .. أنا ولدت اربع مرات وأحب اعتدل في موضزوع الأعشاب ما احب اكثر منها !
انا كنت اركز على الحلبة اول عشرة ايام بعد الولادة
واقول لك كيف طريقتي

اخذ حليب المراعي واحطة عالنار واتركة حتى يغلي
ثم اخذ ملعقة حلبة واغسلها بماء حار ثم اضعها فوق الحليب " الحلبة تكون بذور غير مطحووونة "
ثم اخذ 7 حبات تمر واشيل منها النوى واضعها مع الحليب والحلبة
واخليها تغلي غلوة وحدة بس واطفي الناااار واغطيها
واتركها لمدة 3 دقائق تتخمر
وبعدين احركها شوووي بالملعقة وتركها ثواني
ثم اصبها في الثلاجة " الترمس ، الدفاية " !
واحطها بجانب سريري وكل شوي اشرب منها

جداً جداً جداً ممتازة للعظام ،، للظهر ،، للدم ،، للبشرة ،، للشعر
لآن كل مكوناتها مفيدة .. الحليب و التمر و الحلبة !

اشرب ايضاً قشر القهوة مرة مفيد
تعملية مثل القهوة ويكون معه زنجبيل
وقرفة وشوية نانخة وممكن تحطي 3 اعود قرنفل

بالعشرين يوم الاخيرة استخدم التمر مع الرشاد
والفلفل الأبيض ومسحوق الزنجبيل
وأنا ما احب السمنة ولا الزبدة فبستعيض عنهم بزيت الزيتووون اصح
من السمن
وربي بينظف نظااااافه ويخليك ولا كأنك ولدتي ابداً

بس اللي فيها قرحة معدة بلاش من الزنجبيل والفلفل
وتكتفي بالتمر والرشاد !

بعد شهر عاد يجي دووور البوثيل !
هي تحاميل يجيك في الكرتونة 6 حبات استخدميها يوم بعد يوم
كلمة راااااائعة قليلة في حقها !!

تنزل لك كل المويات والأوسااااااخ وبقايا النفاس
ولازم اذا استخدمتيها بالليل قبل النوم تلبسي فوطة صحية
لانها بتنزل لك كل الأوساخ
وراح تلاحظي كيف تشد المنطقة عندك وتضيقها
وتطهرها وتزيل كل الروائح !!

جربيها وراح تدعيلي :)

هذا هو نظامي بالنفاس بالإضافة الإهتمام بالأكل الصحي والمفيد
ودائماً الإعتدال مطلووووب في كل شيء ! :)