قصة ولادتي الاكشن بالتفصيل الممل

[am.abood]

السلام عليكم ورحمه الله وبركاته


كيفكم كروشات

راح احكي لكم قصة ولادتي بعبد الله حبيب قلبي

الحين عمره سنه وشهرين بس حبيت اكتب لكم قصتي لاني كنت احب كثييير اقرا قصص الولاده واستمتع بها

كنت بأخر اسبوع بالتاسع وماللله كثير من الثقل وابي اولد . رحت لبيت مماتي وكنت تعبانه كثيير

وكان فيني زلال كنت احس نفسي منفووووخه مررره لدرجه اني لما وطي على رجولي تألمني من كثر ماهي منتفخه
جلست مع خواتي وامي تقهوينا ووسعت صدري وجات الساعه 12 باليل واهلي ناامو كلهم واحس بدوخه وراسي ثقيل وضهري مرررره يالمني اتصلت على زوجي وقلت له ابي مستشفى وجاء علا طول ورحت كشفو علي قالو مافيك طلق والرحم مو فاتح. تحطمت وكنت بطلع قالو لي اصبري راح تجيك الدكتوره جلست استنيت

جات الدكتوره قالت لي ضغطك مرتفع راح تتنومين لحد الصبح نوموني كانت نومه كلها نكد واحس بتعب مررره ماارتح
من السرير

وجاتني الدكتوره قالت لي اعطيك طلق صناعي دام فيك حيل للولاده وانا من غبأي وافقت

واعطتني طلق الساعه 9 صباح وجلست لما العصر ماحسيت بشي وكنت طفشانه مرره صح زوجي لما قالو لي تنويم راح وخلاني لان كان عنده استلام * المهم العصر جات الدكتوره عطتني تحميله مرره ثانيه


بعدها اتصلت امي تشوف وش طلعني من عندها باليل علمتها اني منومه وعطوني طلق وامي خااافت علي لبى قلبها
وياليتني ماقلت لها شي المهم حسيت بالم خفيف يجي ويروح ولما اذن المغرب وقف الالم. ومادريت الا امي وزوجي فوق راسي زوجي استاذن وطلعت لانه كان متحمس مررره
جلسنا نسولف شوي وبعدها قال زوجي انا بروح لصديقي متنوم بروح اطل عليه وبرجع لكم

واول ماطلع بداء الالم الصدقييييي جاتني طلقه الييييمه لدرجه احس اني بطير من مكاني واقوم من السرير وارجع انسدح واتحرك من الام وامي خاافت علي مرره قعدت تقرا علي وتهديني وراح الالم جلست جوي وجابو لي عشاء يوم حطت الاكل قدامي جتني بطلقه جلست اصارخ ماقدرت اتحملل واسكت كان وقت زياره وكنت بغرفه فيها اربعه معي وازعاج وكل صارخ صاروو عالصاامت هههههههههه


وراح الالم وجلست ماامداني اكل الا ويرجع الام واقعد اصيح واتلواا وناديت السستر وسيوت لها فلم لين جابت لي منوم

والحمد الله نمت وصيح الفجر مالقيت امي ولازوجي راحو ضاق صدررري مره
الصباح الساعه 7 جا زوجي ومعه فطور ويقولي البارح كنت اسمعك تصيحين بس ماقرت ادخل خفت هههههه
المهم جات الدكتوره عطتني للمره الثالثه طلق وصح نسيت اقول المره الاوللى كشو فاتح 1 والثانيه 3
المهم جاني الم بغيت اموت وزوجي عندي. ضااق صدره مره وكان يبي يرجع الداوم عشان مايسوون له سالفه وطلع من عندي وانا اتلوى من الالم جاتني الضهر كشفت صار مفتوح 5 انا بعدها تحطمت كل هالي حسيت به مافتح الا خمسه. وعطتني بعدها تحميله طلق. ااااخ من هالتحميلات

المهم جلست اتعذب الين العصر صار مفتوح 6
كرهت نفسي وقتها ودوني غرفه الولاده وكنت اتعذذذب من الالم
اعطوني ابره ضهر ويااازينها عقبها مااحسيت بشي تخيلو جلست الين بعد المغرب مافتح الا سبعه وفكو المووويه

بعدها راح مفعول الابره وبداء الام اللي اقوا من الي راح. احس روووحي
والله تعذذذذذذذذبت وجلست اتالم الين جت الدكتوره كشفت قالت تسعه واخيراااا
وقالت لي كل ماحسيتي بطلق دفي وانا بديت ادفع وطلعت روحي وطولت وهو مو راضي يطلع الدفه السادسه قامو يشجعون وانا تحمست وقمت ادف بكل قوتي وكل ماجت سستر عندي قبصتها
والحمد الله طلع عبودي حبيبي لما شفته نسيت كل شي جلس يصيح ومسحوه ونضفوه وحطوه علي بوسته وضميته
الله لا يحرمني منه

المهم جا دكتور خياطه وخيطني كنت احس بنغزات بسيطه وخلص حطو عبود عندي وطلعو كلهم وعندي سستر ماليزيه حبووبه مره جلست تسولف علي ونضفتني ولبستني وخذو عبود للحضانه وانا وودني للغرفه نسيت اقولكم زوجي دخلوه
معي بالولاده وشاف كل شي واخرتها جته دوخه من اللي شافه هههههههههه. بس مرره استانس يووم شاف عبود طار من الفرحه بعدها بيومين طلعت من المستشفى ورحت عند اهلي بس واهلي فرحووو مرره لما شافو البيبي


وصار لي بعد عشر ايام تفتقت كل الخياطه لان كان فيني مساك. واللله تالمت كثييير لاني احس به وهم يخيطونه مره ثانيه



وبس بالنفاس اشربو ملين بطن اسمه ايزي لاكس مررره جميل ويلين البطن ولا يصير لكم ماصار والله يسهل عليييكم يارب ولا تذوقون اللي ذقته واتمنى تعجبكم القصه وادعولي احمل هالشهر لان نفسي احمل مرره ثانيه اشتقت للحمل حييل وسلااام