بسم الله والصلاة والسلام على رسول الله
اخوتى واحبتى فى الله
اليوم فقط اليوم بشرت باجمل خبر سمعته اذناى (الحمل)
سوف اقص عليكم قصتى وسأكتبها بالعامية وبكل مشاعرى لاننى والله اشعر جيدا بمشاعر كل من تاخر حملها وادعو الله ان يعجل بالفرج لكل اخوتى فى الله ويرزقهن الذرية الصالحة عاجلا غير اجلا انه ولى ذلك والقادر عليه
قبل ان ابدا فى قصتى
استحلفكم بالله ان كل من تقرا موضوعى تدعو لى بتمام الحمل فانا فى البداية تماما واتمنى من الله ان يكمل حملى ع خير ويرزقنى الله طفل او طفلة فى صحة تامة وخلقة تامة اميييييييييييييييييييييين وكل من قال امييين وكل من هى مثلى وكل مشتاقة اميييييييييييييييييييين
ملحوظة انا سجلت باسم جديد لانى لى اقارب يعرفوننى باسمى القديم عذرا
انا حبيباتى تزوجت منذ عامين ولان عمرى ليس بصغير كان نفسى اوى احمل فى من اول يوم زواج لكن شاءت الاقدار ان زوجى كان لديه بعض المشاكل فى السائل المنوى لله الحمد وانا كنت راضية بقدر الله لكن ماكان يتعبنى اننا ذهبنا لاطباء كثيرون ولم يفيدنا اى دكتور باى شيئ بل على العكس الاغلب لا يهتم اصلا بالحالة ولا معرفة السبب فى هذا الضعف
الخلاصة ولا دكتور من عشرات الدكاترة افادنا بشئ ومصاريف الحمد لله
كان هذا اكثر شيئ يؤلمنى ان لا نعرف ايه السبب وكنت احزن لحال زوجى كثيرا ولكن احاول الا اظهر شيئ وطبعا لم يعرف اى احد من اهلى اى شيئ
زوجى اخذ خلطات الاعشاب والعسل المعروفين والحمد لله كان فى تحسن لكن بنسبة قليلة جداااا ولكن كنت احمد الله
مرت سنة ولم يحدث جديد وكنت انا ايضا اذهب لطبيبات ربما كان هناك سبب عندى والحمد لله كان هناك بعض المشاكل البسيطة وتمت معالجتها بفضل الله
بعد السنة وكام شهر كنا تعبنا وخاصة ان اصلا مش عارفين ايه السبب والنسبة لايمكن معها حدوث حمل ابدا وايضا بعد الحاح اغلب الناس وكثرة سؤالهم لماذا لم يحدث حمل ومشاعر كثيرة صعبة مررنا بها قررنا نتجه للحقن المجهرى
وفعلا ذهبنا لاحد المراكز المشهورة فى مصر وعن طريق احد الاطباء ايضا المشهورين وبالاخص هنا على فتكات وربنا اكرم الكثيرون بالحمل بفضل الله مع هذا الطبيب لكن الحمد لله لم يقدر الله لى ولم يحدث حمل ولا اعرف السبب فلم يكن هناك اى سبب بحسب كلام الدكتور وكانت الامور بفضل الله بخير ولن اذم او اشكر فى هذا الدكتور ولن اذكر اسمه ايضا
لكن ما احزننى انه اولا اختار لى مركز مشهور ولكن كنت مهياة اننى سأذهب لمركز اخر متخصص اكتر فى حالات الازواج
طبعا اولا واخييييرا هذا نصيب وقدر الله نافذ لا محالة لكن انا انقل لكم كل مشاعرى
كذلك بعد الفشل طبعا كانت حالتى النفسية صعبة جدااااااا كنت لا اتوقف ابدا عن البكاء ليس والله اعتراضا على امر الله ابدا انا كنت راضية كل الرضا عن الله وكنت الوم نفسى اننى انا المقصرة ولا استحق الا هذا
لكن اخوتى فعلا هى تجربة مؤلمة جدا نفسيا وايضا الجاانب المادى فالله العالم كيف جمعنا المال للعملية والادوية والحمد لله ع كل حال
طبعا انا لكبر سنى وضعف فرصتى كنت كل مااخشاه اننى لما استطيع ان ادبر امورى واعيد المحاولة يكون العمر خلاص والفرصة قليلة
اتصلت بالطبيب واستحلفته بالله ان يدلنىى ماذا افعل هل من علاج لزوجى مااسباب الفشل
وكانت الاجابة صادمة لى جدا
لا تفعلى شيئ وانتظر حتى اعادة المحاولة لما ربنا يريد
وزوجى مفيش اى علاج نهائى بيحسن من حالة الزوج نهائى ولو وجد فهيكون بنسبة ضئيلة جدااااااااا ولن يحدث منها حمل طبيعى
علما بأنى اكتشفت مؤخرا ان زوجى ومع كل هؤلاء الاطباء كانت تحاليله ناقصة يعنى فى تحاليل هرمونات معروفة جدا لم يجرى منها غير نوعين والباقى ولا احد من الدكاترة قال مفروض يتعملوا الاول بما فيهم دكتور الحقن المجهرى ودكتور الذكورة اللى فى مركز الحقن المجهرى
بل على العكس كانوا يفتحون الفايل بتاع التحاليل الخاص بزوجى (الغير مكتمل) بدون ادنى اهتمام
المهم اكد لى الدكتور ان لا علاج لزوجى ابدا رغم انه كان هناك زيادة بسيطة بمجرد فقط الاعشاب فقلت فى نفسى ربما يكون هناك ادوية تزيد من النسبة لكنه اكد لالالالالالالالالالا واغلق باب الحمل الطبيعى فى وجهى ولله الحمد
حتى انى سألته اى اجراءات اعملها بالنسبة لى فلم يقول لى اى شيئ سوى المنظار الرحمى ان اردت لانه متأكد ان مش هيكون عندى مشاكل (علما انى عرفت مؤخرا انه لابد من اجراء المنظار الرحمى قبل اى عملية حقن مجهرى)
المهم استعنت بالله وعملت اشعة الصبغة لان المنظار كان سعره غالى والحمد لله عملتها واتالمت شوية بس الحمد لله كانت سليمة والدكتور اللى عملها اكدلى ان الوضع بفضل الله تمام ولا احتاج منظار وان الاشعة كافية
وقلت اخد بكل الاسباب فاخدت بعض الادوية التى سالت عنها انها مفيدة ولا تضر باذن الله
سيدوفاج -اوكتاترون -اسبوسيد وكنت كذلك اشرب قرفة وبردقوش ومرمرية اثناء الدورة الشهرية والاناناس وكنت كل شهر افعل هذا وانا ادعو الله وعندى امل كبير الا اذهب لطبيب والا يكتب على الله تكرار تجربة العملية التى لااعرف اصلا متى يحين وقتها
وكذلك اقنعت زوجى بالحجامة وفعلا عملها 3 شهور ورا بعض وكذلك خلطة العسل
ولكن ربنا يسر ان دلنا على دكتور والله ادعو له من كل قلبى جزاه الله الف خير
هو الدكتور الوحيد فعلا من كل هؤلاء الذى اهتم بحالة زوجى وهو فى البلد الذى يعمل فيها زوجى حيث اننا مغتربون
ربنا يباركله كتب لزوجى تحاليل كتير يعملها منها الهرمونات اللى مكنتش كاملة وهذكرها فى اخر الموضوع
وتحاليل اخرى كثيرة منها الغدة الدرقية التى لم يشكو منها زوجى ابدا ولكن كانت نتيجة التحليل غير طبيعية لله الحمد
وذهب زوجى لدكتور غدد صماء واخد العلاج المناسب لله الحمد وكان لمدة شهرين
وبفضل الله والف حمد وشكر لله حدث الحمل واعطانا الله اجمل عطاياه قبل ان يكمل زوجى العلاج سبحان الله
انا لا اعرف ماالسبب وازاى علما ان تحليل زوجى لم يتغير بعد لان الدكتور اخبره انه سوف يبدأ فى التغيير بعد اكمال علاج الغدة ب3-4 شهور
لكنها ارادة الله كانت فوق كل شيئ وفوق كلام الطب والعلم انا بكتب الكلام وانا ببكى لانى كنت كتير اتذكر كلام الدكتور ان الزوج ملوش علاج خاصة لو كان العدد قليل اوى ااقل من 5 مليون ده الكلام اللى بيذكره كثيرا
لكن انا عشان حاسة بكل اخت هنا نفسها تكون ام ومرت بنفس المشكلة والظروف مش سامحة بعملية ولا غيره
بقولها متخااااااااااااافيش ربنا كبير ياحبيبتى اكبر من كلام اى دكتور متيأسيش ارمى حمولك على اللى بيغفل ولا ينام
وافتحى سورة مريم هتعرفى انا ربنا رزقنى ازاى
اه ماهو رزق زكريا بيحيى بدون سبب
انا مش عاوزة اطول اكتر من كده عشان ميبقاش فى ملل
لكن هقول اولا تحاليل لازم زوجك يعملها على فكرة انا تعبت مع زوجى كتير عشان يعمل التحاليل لكن الدكتور الحمد لله لما كتبها عملها
1- fsh
2- lh
3- testrone free
4- testrone total
5- prolactin
6- tsh
فى تحاليل تانية منها البول وتحاليل تانية بس هى مش مهمة زى دول او بمعنى اصح دول اللى بيكون منهم المشكلة
تخيلوا بقى ان زوجى عمل 2 منهم فقط وبكل اسف لم يطلب منه اى دكتور من الدكاترة اى شيئ غير اخر دكتور الله يباركله
الخلاصة ياحبيبتى قبل ماتستسلمى لكلام الدكاترة خلى زوجك يعمل التحاليل دى
واشعة دوبلر ع الخصية
دول اهم اجراءات طبعا بالاضافة لفحص الدكتور بنفسه
ولو اى مشاكل زوجك بيشكو منها يخبر الطبيب ابيضا
زوجى تعبت معاه عشان يعمل الحجامة بس اخيرا عملها وسبحان الله كان الحمل بعد تالت مرة بفضل الله
وطبعا العسل كنت انا اللى بديهوله بنفسى لان لو لوحد مش هياخد
وفى اخت هنا الله يكرمها ويبارك فيها وفى اولادها قالتلى على لبن النوق (الجمل) وكان ايضا زوجى بياخده بعد الحاح
على فكرة حابة اشكرها على الملأ لانها بجد كانت بتخفف عنى كتير بكلامها ربنا يعزها يارب رغم انى تعبتها كتير ههههه
ومش بس هى لا دى فى هنا بجد اخوات ونعم الاخوات الله يباركلهم بجد وقفوا جنبى اوى معنويا وخففوا عنى فى وقت كنت بجد ربنا عالم بيا
منهم حبيبتى دكتورة اسماء الله يباركلها اللى كنت مغرقاها باسألتى وزهقتها الله يباركلها ويبارك فى ابنها وتسعد دنيا واخرة يارب وكل اخواتى فى الله
بشكركم من كل قلبى يااحلى اخوات
اه كمان تكملة للى عملته كنت بحاول تكون الاغذية مفيدة ونبعد عن اى اكل غير صحى قدر المستطاع
طبعا انا مش هقدر اقول ايه كان سبب لكن انا قلت كل الاسباب بالنسبة لزوجى
وبالنسبالى احب اضيف
انى حاولت ااقرب من ربنا اكتر واصلى وابكيله واشكيله همى وادعى لكل اخواتى هنا اللى اعرفهم بالاسم واللى معرفهمش لوحدى بالليل واستغفر
انا قلت تجربتى بكل امانة ويمكن افكارى مش مرتبة لانى على طول لما عرفت بالحمل قلت لازم افرح اخواتى وابث فيهم الامل
على فكرة انا كنت بفكر اكتب الموضوع لما حتى اكمل 3 شهور خاصة نسبة الاجهاض بتكون شوية عالية لحد 3 شهور بس ان شاء الله عندى يقين ان ربنا هيكملى حملى ع خير وهفرح به
وانتوا ادعولى من قلبكم حبيباتى الله يكرمكم ربنا يكملى ع خير وافرح وماتتكسر فرحتى انا واللى زيىى ابدا ويرزق يارب كل حبايبى واخواتى فى الله بالذرية الصالحة عاجلا غير اجلا ويرضينل كلنا يارب
اتمنى ان تقرأ كل اخت عرف اليأس طريقها موضوعى وتبشر ان شاء الله
واشهد الله اننى ماحكيت الا ماحدث معى وبكل امانة
احبكم فى الله واسال الله ان يعطى لكل منا سؤله ولا يخيب لنا رجاء
منقوووووووووووووووووووووووول
06-17-2013, 09:18 PM
الى كل من تاخر حملها واغلقت الابواب من قبل البشر ...ابشرى فالله عز وجل لا يعجزه شيئ
ام التوائم ان شاء الله 
جديد منتدى منتدى أعراض الحمل والوحام
العرض العادي
