وش أكثر شيء تكرهينه في مجالس النساء ؟

[قوتشي]

السلام عليكم




جلست أفكر بعنوان مناسب للي في بالي بس ما عرفت وش احط ؟
إلي ابغى اوصل له إن الحين احنا لما نجلس مع صديقة او بنت عم او بنت خال او أيّا كان
ممكن تندمجين معاها وممكن العكس تنفرين منها صح ؟

سؤالي:

وش الحاجات اللي تنفرك من البنت اللي تجلسين معاها سواء في أسلوبها أو الأهم سواليفها
وش تكرهين فيها وايش أكثر شي يحببك فيها ؟ تشوفين وحده تقولين عنها شكلها عسل وطيبة وتنحب ولما تجلسين معاها تتفاجئين بعيوبها وتطيح من عينك ممكن صح ؟

طيب كل وحدة فينا تتذكر كل وحده جالستها وسولفت معاها وتقول لنا بالتفصيل الممل ايش اللي خلاك ماتحبين مجالستها أو ايش اللي خلاك تتعلقين فيها وتفقدين جلستها وسوالفك معاها ودي أعرف من كلكم هذي التفاصيل حتى وانا أبحث في قوقل مالقيت مواضيع تناقش كذا قلت أبادر انا واكتب عشان نفيد ونستفيد من جميع الأعمار والثقافات وطريقة تفكير كل وحده فينا ونظرتها شلون ومن خلالها تتعدل أساليبنا ونرتقي أكثر مع الناس واعتبروها درس من دروس تطوير الذات .



أتححححححفونا بارك الله فيكم .

[افنان الحربي]

الصراحه انا ما عمري نفرت من اي بنت ، احب كل الناس والله ههههههههه

[nour karim]

فكرتيني بواحدة من البنات مثلما تحكين
اول مرة لما التقينا سالتني عن سبب انه ماعندي اطفال فتحدثت بعفوية وحكيت خلاص اول مرة عادي فضول واشبعتهولها وقالت لي عن طبيب فلاني في مكان الفلاني طبعا الجميع يقول ولو اتبع كلامهم راح اظل من طبيب لطبيب
المهم لم انزعج وسايرتها في حديثها عادي
بعد عدة ايام التقينا وسلمت عليها وابتدينا في الحديث واول سؤال ليها قالت هل ذهبت للطبيب اللي قلتلك عليه
انا كنت نسيت الموضوع فنظرت اليها باستغراب وقلت لها اي طبيب تقصدين
قالت الطبيب اللي خبرتك عليك لتجيبي اولاد
فقلت لها اسمعي حبيبتي ان كان اي انسان التقيه وفي كل مرة يكون الحديث عن الاولاد والاطباء وووووووو فهذا ممل ولست انت الوحيدة التي تتكلمين عن الموضوع بل الجميع وكانه لا يوجدموضوع غيره انا لا اريد العيش حياتي كلها وانا هاجسي الاولاد فقط لي حياة اعيشها
ثم بدات تبرر لكني انسحبت وذهبت وتركتها وانا جد غاضبة وحاولت الا التقي بها ابدا
هههههههههههههههه كثرت عليك حبيبتي لكن الانسان اللي يضغطلك على الوتر الحساس ويالمك من غير مايحس او يتعمد هو ممل
مشكورة على الموضوع الجميل وليك فايف ستارز وتقييم

[jojo 123456]

موووضوع حلووو كثيررر يسلموووو

انا الشي لي ينفرني من بعض الصباايا او النساااء يا اما تلائهااا تاافهة تحكي بموواضع تاافهة تعل القلب او المتفاخرة والمتكبرة يعني لي ضل تمدح بنفسها وأهلها عندنا جبنا اشترينا سافرنا ...... والله ها النوعية بعمل عليها بلوك واتجاهلها مو ناقصني وجع راس

[jojo 123456]

ه نور هلا فيكي تاخذي عبودي وتروحي تزوريها لانها رح تسكر تمهااا

[nour karim]

ههههههههههههههههههههههههههههههههه والله فكرة حبيبتي جوجو تسلميلي

[غادوشكا]

الكلام عن الموضه والاكلات والاثاث والذهب والمكياج بدون هدف معين بيقتل الوقت وبيقتلني

كمان النميمة

[سهام محمد]

اكره الجلسه مع الحريم اللي يستلمون الناس حش وسب واذا انجبرت اجلس معهم اخذ وضعيه (الخشبه) ..
كمان اكره الحريم اللي فاكهة جلستهم الكلام (عن اسرار غرف النوم مع ازواجهم) بجد تلوع كبدي منهم ماتحملهم ..

الحمدلله الذي عافانا مما ابتلاهم وفضلنا على كثيرا من خلقه ..

[قوتشي]

أنا أكره لما أجلس مع وحده ما تآخذ ولا تعطي في الحكي معايا تاخذين أخبارها العامة وهي ماتبادلك نفس الشي يعني مثلا تكونين موظفة ما تسألك عن وظيفتك وجديدك لأنها عاطلة عن العمل لما تسافرين مكان وترجعين لهم تقابلينهم ما يسألون كيف السفرة وعن تفاصيلها العامة لأنهم مايسافرون ! انتي جايه من مكان ودك تفضفصي تحكي لهم عن كل شي عجبك او ما عجبك لكن ما ودك تتكلمين انتي من نفسك عشان لا يُقال إنك تتباهين مع إنه عكس ذلك تماما أكون ابي مجرد اني اسولف بشئ جديد بدل السوالف الروتينيه الممله أو السسسكوت ! أحب إن اللي يجلسون معاي يبادرون يسألوني عن كل شي طبعا غير الأمور الزوجيه والعائليه لأن هذي خصوصية وخط أحمر عريض لكن ودي يسألون عن بلد زرته عن مواقفي وجديدي في عملي عن أي شي عام بس لايسكتون ويسولفون عن امور تاااااااااااااااااااااافهه ومكرره و فيه اللي أهم منه! بعض اللي أجلس معاهم لما أكون أتميز عنهم في شئ الاقيهم ما يسألون ما يآخذون ويعطون ما يفرحون معايا حسد وقهر منهم والعياذ بالله أقولها وانا متأكدة من كلامي لأن الأفعال تفضح أصحابها هذولا الأشخاص أنفر منهم ولا عاد أحب أجلس معاهم أو أقابلهم أكره هذي النوعيات الأنانيه اللي ماتفرح لفرحك بس اذا فيه مصيبة ولا شيء من هالقبيل أبشري تلاقينهم أول السائلين الشماته تمشي بعروقهم أستغفر الله ! الشخص النظيف النقي الطاهر المحبوب اللي يحب لنفسه مثل ما يحب لغيره ومثل مايسألون ويهتمون يسأل ويهتم يكون مبادر يكون الأفضل يسابق على الخير ونشر الخير وحب الناس مايحسد ولا يحقد ولا يغتاب ولا يتكبر ولا يتشمت! اللهم لاتجعلنا ممن يتشمتون بالناس ويبتلون بسبب ذلك .



ويعطيكم العافيه جميعًا

[قوتشي]

أكره أجلس مع وحده تشوف شي حلو فيك سواء لبسك أو اكسسواراتك أو شعرك أو شنطتك أو مكياجك وماتثني أو تمدح في هالشئ الانسان بطبعه يحب أحد يمدحه مهما كان واثق من نفسه يعني اتكلف والبس وما اخلي شي ما اسويه اخر شي اروح عند مجموعة نساء أبكمات أصمات أستغفر الله يعني انا امدح اذا شفت شي جذبني حتى لو مجامله هذا من الإتيكيت اصلا بس هم لا يسكتون يعني نظرة اللي اصلا عادي! ولاّ اعرف لكم وحده تقرب لي اذا شافت شي حلو انا لابسته او اي شي حلو تلاقونها ساكته وتروح تدخل غرفتها وتطلع مسويه نفس شعري او نفس مكياجي تحاول تقلد بس إنها تمدحك مستححححيل طيب يا غبيه افعالك فاضحتك !! والله افطس ضحك من قلبي .. انا اصحى من بدري البس واتكلف على نفسي عشان اطلع لكم بشكل حلو وعشان اسمع منكم كلام حلو يرفع معنوياتي آخرتها سكووووووت يحسسوني إني جايه ببجامتي ! ادري إنهم مقهورييين من الملكه ههههههههه اعوذ بالله من شر حاسد اذا حسد واعوذ بالله من الحريم اللي كذا كيف يبغون ربي يوفقهم بأساليبهم وأخلاقهم هذي اللي تجيب المرض حتى وحده ارسل لها هدايا لعيالها ما تتكرم وتشكرني حتى لو برسالة من جد إحباط لما تكرمين هذي الأشكال وتقابلين منهم هالشفاحه كلها لا وتدرون ايش ردت علي يوم عطيت بنتها لعبه بدال ماتقول شكرا يعطيك العافية قالت انا اجيبلهم دايما العاب كثيرة عندك يابنتي العاب في البيت عبيت لك امس من السوق !!!!..

طيب يالأم المثالية ندري إنك فللللللللللللللله وتشترين لهم هدايا وماتقصرين عليهم بشئ بس عيب إشكري اللي جابت لهم هدايا إثني عليها وإدعيلها على الأقل مو تحسسينها إنها ما سوت شي حسبي الله عليك .


قــــــــــــــاعده حطيها في بالك :
اللي مااا تحب تمدح وتثني وتشكر غيرها وتتودد لهم وتبتسم لهم إعرفي وتأكدي إنها شخصية مهزوزة سلبيه نااااااااااااااااقصه تشعر بالنقص والحرمان مسكينة فاهمه الدنيا غلط !
هذا كلام اخصائي نفسي طلع بالتلفزيون ما أذكر اسمه وحده سألته هذا السؤال من زمان .


لكن في الأخير قدوتي هذي الايه " إنما نطعمكم لوجه الله لانريد منكم جزاءً ولا شكورا "