بنات الرياض أبيي مساعدتكم

[رمان]

مساء الخير

شخباركم ان شاء الله تكونوا كلكم بخير

حبيباتي أبيي منكم تساعدوني

أبيي مستشفى خاص للولاده تكون راقية

يهتمون بالمريضه و يراعونها و يدلعونها و حنونين عليه

أعرف وحده تقول ولدت في مستشفى خاص بالإمارات ماشاء الله

لا قوة الا بالله تقول اهتمام يوم تأخرت ولادتها سوولها حمام دافئ
و خلوها تسوي رياضة واهتموا فيها الين ولدت من غير إبرة طلق او بنج
لدرجة انها حبة الولاده من كثر الاتهمام و صبرهم عليها
تتوقعون الرياض فيها مستشفيات خاصه زي كذا و لا لا
الله يسهل عليكم و يقومكم بالسلامة

[إحساس إمرأة]

ان شاء الله الاخوات يفيدونك يالغلااا
الله ييسر امورك و يتمم لك على خير ياااا رب

[إحساس إمرأة]

[عشرينية]

هنا بالرياض مستشفى سليمان الحبيب افضل المستشفيات الخاصة
طبعا العناية والاهتمام والرعاية لا يعلى عليها
زائد انه اطباءهم مايقبلون بأي احد
انا ولدت في الحبيب العليا مع دكتورتي ميرفت مسعود
اولا ماتستعجل بأي حكم ولا تخوفك
ولادتي الفجر كانت
كل شوي تدق وتسأل لحد ماوصلت لي
رقمها عندي عشان لو احتاجها بأي وقت
والاهم وقت الولادة ودك من يحن عليك ويراعيك خصوصا لو كنتي بكرية تكوني منخرشة وخايفة
خوفك اكثر من المك
لذلك انصحك الحبيييييييييييب
والتيسير من الله

[رمان]

الله يجزاك خير
لا موب بكريه هذى حملي الثاني
بعد ٧سنوات الله رزقني الثاني
المشكلة ولدت في الحمادي هم نظافة بس الممرضات موب لهناك
من كثر الألم تحركت واجد و سويت حركة غبية
وصارت الممرضة تضربني
و تقرصني طلعت من المستشفى وفخوذي ملي انه بقع بنفسجية
والله العظيم ان خوفي من الولاده هذي أكثر من
الاولى كل مأذكر أبكي و أخاف

[عشرينية]

شوفي ان كان ع الممرضات صراحة قد جربت كذا مستشفى خاص
التخصصي الطبي والسعودي الالماني والحبيب
بس هذا غير كلش عندهم غير
بولادتي قعدوا يمسجون ظهري وربي شوي واحضنهم هدوني وخففوا عني شوي
يعني نفسيا كنت مرتاحة
اما دكتورتي كانت بالتخصصي الطبي بعدين الحبيب اخذوها ,,,,مالومهم شاطرة وفاهمة
انتي روحي عندهم مراجعة وحدة واذا ارتحتي كملي معهم
ترى كل شي بالراحة
بس انا وربي من كثر ماتهنيت معهم على انه حملي مشاكله كثيرة والبيبي كان تعبان ببطني
بس محد غيرهم وقف معي
دكتورتي صايرة كانها امي
الله يجزاها خير

[خجل الطفولة]

حبيبتي. انت بولادتي الأولى بالحبيب. اللي بريان. و مشالله عنايتهم تجنن و أحسه أفضل مستشفى. خاص برياض أتذكر بعد الولادة.جاني الم بكتفي. فسوولي مساج و كور موية حارة و اهتموا بالبيبي. أرقى اهتمام و نظافة و تعامل الممرضات معايا ممتاز. فأنشاء حتى بولادتي هذه عندهم

[رمان]

الله يجزاكم خير
بسوي موعد مع الدكتوره و أشوف
وش يصير معي
طيب وش رأيكم بالبريطاني مين جربت

[عشرينية]

مالي تعامل معهم
وطبعا كالعادة ناس تمدح وناس تذم والله اعلم

[رمان]

مشكوره حبيبتي