برامج رائعه ومجربه للعنايةفي فترة النفاس ...نصائح ومعلومات وافكار

[عزيزة النفس]

بغيت تجاربكم بنات بفترة النفاس ؟؟؟؟؟؟؟؟؟
الككثير يسالون هذا السؤال
من خلال البحث في المنتديات جمعت لكم الكثير والكثير من تجارب والنصائح والمعلومات والافكار النساء في فترة النفاس :
نبدا بسم الله مع كل وحده فيهم توجه نصيحتها وتوضح برنامجها اللي ناسبها وارتاحت له:


شوفي اذا كليتي ادويتج عدل ... ويوميا
وتدفيتي بملابسج عن الهوا يعني على طول لابسه بنطلون داخلي قطن. وملفع عشان تغطين اذنج.زدلاغات
وماتمشين حافيه عالرخام(انتبهي تراه مصيبه)...وابتعدتي عن الملوخيه والكوسا والباميه والبطيخ والبارد والغازيه
انتي بخير .. وانشالله تطلعين مثل العروس
النفاس لازم تتريق عدل وتحطين على البيض فلفل اسود.. وحليبج بالزنجبيل
الضحى عصيده بادويه
الظهر الغدا.. وعقبه شاي اعشاب.. المغرب .. ممكن عصيده او شوربه بادويه بس ثقيله مو خفيفه.. وبليل العشا
طبعا بين الوجبات.. اكلي تمر معجون برشاد وسمن (هذا عجيب ينظف عدل)
المهم لازم بطن مايتم فاضي ساعات طويله بدون اكل عشان لايدخله هوا.. ثاني شي لاتشربين ماي وبطنج فاضي
خليه عقب الاكل ويكون فاتر مو باارد.






اهم شي الحسو و اللهوم و البهارات والاكل العدل
تدفي عدل عدل و لا تمشين حافيه كلش
عندج المراميه و الدراسين و البابونج و الكروايه والزعتر للتنظيف و يطلعون الهوى ويخففون الانتفاخ
وعندج قشر القهوة يشدون البطن بس هذا اخر ايام
اهم شي الشوربه يكون فيها فروج يشد ظهرج وكثري فيها البهارات
والريوق ضروري ضروري ضروي اذا بتاكلين توست خلي اسمر عشان الامساك
كثري فاكهه لانها اتذر الحليب


انتي الحين تدفي ودايم لبسي شي يغطي رأسج ورجلج لانه الهوا يدش منهم
واشربي الحسووو والهميه بعد
وعليج بالتمره مع الرشاد تنظف البطن
الحين لما تدشين ال 30 يوم
حاولي شوي تقوين نفسج كل يوم بيضه مفيوحه عليها فلفل اسود وحليب وحلبه




اعتمدي على الاكل البر ونوعي فيه ولاتنسين اللحم والدجاج والمشروبات الساخنه
واهم شي لاتجوعين





من خبرتي في ولادتي ..ابعد عن الرز والمكرونه والمقالي بأنواعها يتخن ومافيه فايده
والفول والبقوليات يسبب غازات
والخيار والطماطم والليمون يسبب مويات

وراح اقول لك نظامي الفطور بيض مسلوق او مقلي بالسمن البري طبعا افضل وكاسة حليب بالزنجبل او القرفه او عريكه اللي هيا فطيره بر تعمليها في البيت تعجن الدقيق مع المويه وشوية ملح وتعمليها دواير في طاوه نحطها مع السمن لين تستوي وبعدين قطعيها صغار مع العسل جدا مفيد
وكل ماجعتي خلي عندك التمر ومشروب المجلب وهو مجموعة اعشاب جدا خطير انا اخذه من العطار وقشر البن يطبخ مع الزنجبيل والقرفه تشربيها زي القهوه يعملك تنظيف للرحم وعبي في قارورة مويه مويه نصها وحطي فيهاا موره واشربي منها شوي شوي كل يوم جدا مفيد زي المضاد الحيوي سبحان الله
والغدا مسلوقه اللي هى مرقة لحم تحطي فيها الثوم والبصل والفلفل الاسود والكمون اشربي منها المرقه لو زبديتين في اليوم واللحم سويه مقلقل بالسمن والبهارات وكثري الفلفل الاسود كوليه مع العيش البر طول الاربعين يوم والعشاء نفس الفطور ومافيها عادي لو تاكلي جبنه اي نوع والحليب كثير اشربي ودايم كلي العسل بالعيش البر
وانا اخذ السفوف جاهز لو اعرف مكوناته كنت قلت لك ..
والرشاد والتمر خليه بعد العشرين يوم لما تشوفي نفسك بديتي تنظفي عشان يرجع يقوي لك ظهرك ...هذا نظامي والحمدلله ماشتكيت من نتايجه ومازاد وزني عليه ماشاء الله



الارز--- حبيبتي مو ممنوع القصد انه يسمن فقط وبالعكس انا اشوفه مهم لانه يشبع وسهل خخخ
شوربة العدس ------ ممتازة وكثري منها بتفعك للرضاعه ومافيها شي يخرب
الفول / و الفلافل --- عيبها الغازات
الثوم / الخيار / والفلفل الرومي --- الثوم والفلفل عادي لكن الخيار تاكليه كذا لحاله مايصير
االفطاير والمعجنات --- عادي ماتضر
المقالي مثل السبرنق رول والسمبوسة والبطاطس ---- عااااادي
الحلويات بجميع أشكالها ---- عادي بس انها تاخر التام الجرح وتسمن
قشطة التمر بما إنها من منتجات الألبان ممنوعة وإلا لا ؟ اتوقع عادي
الجبنة بأنواعها (السايلة / الكيري / الفيلادلفيا / البيضاء اللي بالوزن )ممنوعة وإلا لا ؟ فيه ناس ماياكلوها بس انا
مااحب الشدة حيل بالاكل مايضر لو اكلتيها كل كم يوم واهم شي ماتكون مالحه او حامضه
العصيرات هل كلها بجميع أنواعها وأشكالها ممنوعة ؟ لا مو زينه وابعدي عنها كل الاربعين
---------------
- السلطة _ وش أحط فيها خضروات إذا كان الطماطم والخيار ممنوع ؟
الافضل انك تتجنبيها
- شوربة الخضار _ وش الخضار اللي ممكن أستخدمها إذا الكوسا والجزر والباذنجان والقرع والفاصوليا الخضراء ممنوعة ؟
اول مرة اسمع ان الجزر والقرع ممنوع تاكدي من معلومتك
- الكشنة والشوربة والأكل بشكل عام كيف أسويهم من غير طماطم ؟ بإختصار عادي الطماطم في الطبخ وممنوع نيء ؟
الطماطم عادي اطبخي فيه بس اهم شي مايكون حامض حيل ويبان بالاكل

- الرشاد نحطه مع التمرة ونستخدمه من أول يوم في النفاس وإلا ناكل تمر من غير رشاد وفي العشرين يوم الأخيرة نضيفه ؟

الرشاد لا تضيفينه للتمر الا في العشرين الاخيرة ولا تسمعين غير هالكلام لانه مو زين في البدايه
وفي البدايه يكفي سمن مع التمر فقط





شوفي يااختي حنا نظامنا بالنفااس اول ما تصحين

الفطور *

لهووم الاولات مع كاسه حليب مع حلب + بيض بلدي افضل شي او مصابيب او قررص وتقدرين تكثرين الكميه علشان تاكلين منه كم يوم وترتاحين ويخفف عنك الشغل

وبعد ساااعه
قشر قهوه انصحك بطريقه جابر وتمرره مع سمن وسمسم الاولات اما الاخيرات
احذفي السمسم وبدليه برشاد + خلطه القهوه الخظراء

وطبعا علشان ترتاحين تقدرين كل ليله تصلحين قبل تنامين الاعشاااب من غير طبخ تحطين بالترمس ثلاث ملاعق مع مويه
حاره وبالنهاار حطي حرتك بالترمس لازم تخلصينه هع


الغداء *

مرقوق او مطازيز او مقلقل لحم او كبده طبعا من غير طماط تحطين بهارات وفلفل اسود وماش مطحون وكمون واضيفي بعد الفاصوليا الحمراء بالطبخ للغداء ايه والفقع بعد مرره ممتاز واذا ما حصلتي طازج اشري من العطار وانتي تصلحين الغداء حطي بالكاس ملي ايدك فقع بكاسه ماء حاره وخليه ينقع من ساعه لساعتين واضيفه بالطبخ بعد كذا
وعادي لو تاكلين مثلا حبه تفاااحه بعد الغداء والسلطه بالعكس احصرصي عليها علشان ما يجيك فقر دم
بس خليها خضراء يعني حطي جرجير وبقدونس وشوي جزر

وبعد الغداء بساعه اشربي اعشااب او زعتر


العصر &
تقدرين تاكلين كرااث مثلا مع خبز اسمر مفيد جد


المغرررب &
قشر قهوه مع حنيني او مصابب


العشاء &
بطاطس مسلوق مع دجاج او خبز اسمر او اذا حابه بالقرصان كله وااحد وتحشينها بالدجاج مكشن مع خس وجرجير من غير مايونيز او كتشب انتبهي
ولا تنسين تاخذين كاسه اعشاب بعد كذا

وقبل النووم كاسه حليب مع ملعقه عسل وانتبهي لا تكثرين العسل بالنفااس يكفي ملعقه مع الحليب يا تاخذينها الصبح او بالليل
لانه كثرره تسمن

وتذكرت اذا تبين الراااحه لك قبل الولاده فرزني الكشنه وحطي فيها كل البهارات ومهم الثووم مع البهارات وحطي الحلب ووالخ
واذا جاء الوقت وطبختي تصيرين مرتاحه كل الى عليك انك تزيدين المويه والملح وتكملي طبخك اختصار للوقت




خلي الدجاج او اللحم مسلوقه واضيفي على مويه السلق حلب وفلفل اسود وشوي ملح والرشاد خليه بالعشرين الاخيره علشان مايسببلك امساك علشان الخيوط ماتتضرر وحطي مع شوربتك ماش ممتاز للظهر يشده ويقويه وقهوتك خليها نفس ماقالوا لك البنات قشر قهوه ممتازه مره والشاهي خليه اعشاب مثل الزنجبيل والقرفه مع حلب والفواكه والسلطه خاصه السلطه الخضراء مفيده لك وكثري من البر والله يسهل عليك





هلا حبيبتي بعطيك مختصر مفيد من خبرتي المتواضعة

الفطور

خبز بر مفروك مع تمر وعسل

ممكن تطحنين الخبز زي مانسوي مع الكنافة الكذابة اطحنه وخليه بالفريزر على الاقل حق اسبوعين وزعية بكميات متساوية وكل يوم طلعيه واعجنيه بسبع تمرات (خليها معبوطة ومفرزنة) وعسل وكوليه بالعافية مع حليب حلبة

بعض الايام غيري الى
بر وبيض مقلي أو طحينية مرررررة مفيدة ومدرة للحليب

الغداء

مرقة الدجاج

سويها طازجة وماتاخذ 10 دقايق او أقل
دجاج يكون مقطع وجاهز بالفريزر احمسيه بشوية بصل وثوم وفلفل وكمون وملح اضيفي عليه ماش (العدس الاخضر ) او عدس عادي
وزيدي مويه واتركيها تنضح وبالعافية مع خبز بر

ممكن تغيري بعض الايام بشوربة جمبري سهلة وسريعة ومغذية


العشاء

مطازيز باللحم والبطاطس

فرزنيها اقراص وقسميها بالتساوي وصلحيها على لحم وبطاطس
وعلى قولتهم ( مايرم اللحم الا اللحم)

لاتنسين مع الوجبات التفاح مو الاخضر الحاااااااامض لا الحلو
والخضار الورقية خاصة الخس والبقدونس
والجزر
المهم تكون مجففة من الماء عشان ماتسبب غازات

ممكن بعض الايام تسوين مقلقل لحم فرزني لحم مقطع صغييير بس احمسية مع الشلة وكوليه بخبز بر أو تورتيلا اذا بغيتي


المهم يكون الفطور بيض مسلوق وحليب بالزنجبيل وقرفه وشويه هيل وعويدي وبدل السكر حطي ملعقه عسل
والغداء عادي اي شئ مع زوجي الي ياكله انا معاه افتكر في نفاسي الاول جاب من ماكدونالز واكلت معاه اجل امووت جوع
زوجي ماله كثير في الطبخ ....
والعشاء نواشف ...واخلي جنب السرير كروسون او توست وجبن لاني اجوع في الليل مع الرضاعه

نبدأ بالممنوعات وقت النفاس وهي:

-يمنع الجوع منعا باتا وقت النفاس وهذا متعارف عليه لدى الكل.
-ممنوع الاكلات اللزجه مثل الملوخيه,الباميه,البصل,الشمام والبطيخ والرقي والتونه والليمون والاجبان الغير مبستره وبعضهم يمنعون الباذنجان والجريش لانهم يسببون غازات.
-ممنووووع المشروبات الغازيه والسكريات ولاااا تكثرين من الحلا عشان السكر وزيادة الوزن ويسبب الخمول للجسم.
-ممنوع الحركه العنيفه وحمل الثقيل وصعود الدرج بكثره.
-ممنوع المشي حافيه وخاصه على السيراميك...والتعرض لتيارات الهواء والبرد.
-ممنوع التنقع بكثره وان حصل فلا يزيد عن عشر دقائق.
العطس والكحه ...بس هذا مالنا يد فيه.
-ممنووووووووووووووووع البخور بكل انواعه بالنفاس من تعطر وغيره.
-الجلوس بهدوء ورويه بدون عجله ويفضل وضع المخدات خلف الظهر وتحت الركب.




..ما يفضل فعله في فترة النفاس
******************************
اولا" واهم شي انتم تدرون اننا مالنا صلاة والنفسيه زيرو....
-فاحرصي اختي على تشغيل القران عندج ولوبصوت منخفض.
-احرصي على الاستغفار طووول الوقت فهو يشرح القلب والصدر ويهون عليج.
-الاذكااااار لاتنسينها طول الوقت..والتسبيح والتهليل.

*ثانيا لصحتك وصحة الجنين اذا صارت الساعه 9...
-افتحي الشباك وخلي الشمس تدخل عليج وعلى البيبي وخليها على جسمك شوي (هذا مهممم) لصحة عظامج وعظام البيبي كما انه يعالج الصفااار اللي يصيب بعض الاطفال.
-خلي لج وقت حزت الظهر او العصر تحطين زيت بشعرج ولا خلطه بجسمج.
-لااااااا تكثرين من التهول والمظاااهر وتكلفين نفسج فوق طاقتها...كل وحده واللي تقدر عليه (لايكلف الله نفسا الا وسعها) واهم شي الاستقبال الحسن والبسمه الطيبه وقدمي اللي تقدرين عليه,وكثرة المظاهر تجيبلج التعب والعين والموضوع ما يخلى وانتم سيد العارفين.
-اذا تقدرين حطيلج غساله صغيره بالحمام و اغسلي غسيلج اول باول اريح لج,واذا عندج خدامه تعتمدين عليها خير وبركه.
-حاااولي تستغلين وقت نومت طفلج وتنامين معاه اريح لنفسيتج وجسمج.

*نصاااااااائح ذهبيه للراحه البدنيه:

-اذا كنت ممن يشكون الالم الكثير الزائد عن الحد فلا تترددين باخذ المسكنات من بندول وغيره>طبعا بعد استشارة طبيبج.
-استخدمي الكماده الساخنه لتخفيف المغص في البطن او من تحت تحطينها وتقعدين عليها اواسفل ظهرج....راح تريحج
وايد.
-افتحي الدش على الماء الدافئ وخليه على صدرج مع التدليك الخفيف...وهذا يساعدج على تخفيف الالم وإدرارالحليب... واستخدمي كريم طبي لدهن الصدر لمنع تشقق الحلمات.
-اذا احتقن الصدر والطفل نايم او غير جائع او رفض الرضاعه فالجئي للشفط لان احتقان الحليب يؤذي الصدر ويسبب ارتفاع الحراره.
-لااااااا تنسين اهمية شمس الصباح لج ولطفلك.
-اذا توفر عندج احد يمسك الطفل فاستغلي هذي الفتره للنوم العميق لتتعدل نفسيتج ويرتاح جسمج.

******************************
خلصنا تجهيزات ونصايح ...............نجي لنظام الاكل:
****************************

{الفطور}...(من7الى10)
-على الريق...تمره مع رشاد او(تمر بالأعشاب) نفس اللي في برنامج خبيرة الاعشاب "ام خالد" يعطيها الف عافيه وان شالله بطلب منها قريب,تؤخذ مع أي شي حار...قهوة نفاس او حليب دافي.
بعد ساعه...حلبه باي طريقه تعجبك ....وهي تؤخذ بالعشر الايام الاولى فقط.
بعدين اللي يعجبك:
مثلا" عصيده او حلاوه طحينيه لانها تدر الحليب بس لاتكثرين عشان السمنه.

الظهر....تشربين شاي اعشاب اللي يعجبج مثلا"(كمون–قرفه–يانسون–شمر–زنجبيل......الخ )وممكن تخلطينهم لو حبيتي...تجنبي الميراميه لانها تنشف الحليب,واللي بتاخذ من ام خالد ماتقصر عندها شاي الاعشاب مع الكورس.

اللهوم ....او السفوف>هم موجود بكورس ام خالد.

يابناااااااااااااااااااات اهم شي باللهوم انه يؤخذ مع شي دافي قهوه او حليب دافئ .....لانه اذا كان بارد يلصق بالفم وجدارالمعده وما يصير له اي فايده....خااااااااااصة الرشاد.

اللهومات كل وحده وطريقتها بس هي تؤخذ في الصباح والمساء, واللي بتطلب من خبيرتنا هم ماتقصر حاطه مع الكورس كتيب لطريقة الاستعمال.
******************
{الغداء}....
-المرقوق باللحم...مهمة جداا ترم العظم وتقوي الظهر وتدر الحليب...يخلط معها شوي لهوم او حلبه.
-صحن سلطه خضرا.
-ممكن مرقة لحم او دجاج مع خضار منوعه من كوسه وجزر وبطاطس وبازلاء يعني مرق بس بدون طماطم...ترشين عليه ماش مطحون او تطبخين معاه شوية حلبه وتاكلينه مع شوية عيش (للي يموتون بالعيش وما يستغنون عنه).

{العصريه والمغربيه}:
-اشربي شاي الاعشاب.
-ممكن قهوة قشر او قرنفل مع تمر...حطي مع القهوه اول فنجان مره بس لاتكثرين.
*****************************
{العشاء}...
مثل الفطور...اواذا حابه شوربه من أي نوع مع سلطه وقلاص حليب قليل الدسم.
-ممكن دجاج مشوي مع الشوربه ...وحطي مع الشوربه ملعقه صغيره لهوم حق الشوربه.
-او ممكن كبده مشويه,او اي شي تحبينه بس ابتعدي قد ماتقدرين عن الممنوعات.

مدرارات الحليب


الشمر Fennel:
يعتبر الشمر من مدرات الحليب المشهورة لدى الهنود حيث يخمر مقدار ملعقة شاي من ثمار الشمر بعد غليه في ماء الشعير ثم يشرب حيث يدر الحليب.

الحلبة Fenugreek:
تعتبر الحلبة اشهر وصفة لادرار الحليب في اليونان والنساء المرضعات يعتمدن عليها كثيراً لادرار الحليب حيث يؤخذ ملء ملعقة كبيرة وتنقع في ملء كوب ماء حتى تكون طرية ثم تحرك جيداً وتشرب وتعتبر الحلبة من الاعشاب التي تحتوي على فيتامين أ، ب، ج وكذلك الكالسيوم وتعمل على ادرار الحليب.

إن أفضل المدرات للحليب من أصل طبيعي هي الحلبة فهي مدرة للحليب وغير مضرة بصحة المرأة ويمكن استخدامها سفاً على هيئة مسحوق بمتوسط ملء ملعقة متوسطة ثلاث مرات في اليوم ويُشرب بعدها كوب حليب أو ماء، أو يمكن إضافة المسحوق إلى ملء كوب ماء أو حليب وتحريكه جيداً وشربه أو يمكن إضافة الحلبة إلى ملء كوب ماء وتركها مغطاة لمدة اثني عشرة ساعة ثم تحريكها وشربها. والمشكلة في الحلبة رائحتها التي تظهر مع العرق وخاصة في الصيف عندما يشتد الحر ويظهر العرق.

ثمار الجوز واللوز الجبلي وبذور دوار الشمس والسمسم وبذور القرع
تستخدم هذه الوصفة في اغلب بلدان العالم كوصفة لادرار الحليب وفي نفس الوقت مغذية ومسمنة.

جزر وعدس:
أكل الجزر الطازج يومياً والمصنوع على شكل سلطة مع قليل من الزيت، أو عصير الجزر,وكذلك طبيخ العدس يساعد على إدرار الحليب

[عزيزة النفس]

*الفجر قبل الفطور بساعة يؤكل تمرة مخلوطة
(سمن_رشاد عدل-قليل من الحبة السوداء-فلفل أسود -قرفة-قليل من الشمر)كلها مطحونة ألا الرشاد


*الفطور


محلاء أو صبيب مع كاسة حليب منقوعة بماش مطحون مع رشة فلفل أسود

#بعد 10أيام من أول النفاس يوضع مع المحلاء بذور الحلبة لمدة 15يوم


*شاي الأعشاب

#أول عشرين(قرفة مكسرة-قشر قهوة-ورق زعتر-يانسون-حزا-زنجبيل)كل شي بدون طحن
#آخر العشرين(ورق زعتر -زنجبيل)
# يضاف على كاسة الشاي 1ملعقة صغيرة من الرزنة والفوة المطحونة
*الغداء

مرقوق أو مطازيز أو قرصان مع مرق لحم يطبخ بماش عدل
ومعه رشة فلفل أسود

*العشاء أي شي خفيف
=================================

خلطه التمره عندك اوكيه بس اضيفى كمون شوى مطحون

+++++++++++++++++++++

الحلبه تاخذينها من اول يوم مو شرط بعد عشر ايام

ابدى فيها من اول يوم

عشان يمديك على اسبوعين توقفين لو معك مويات زائده

++++++++++++++++


شاى الاعشاب زين ومانى شايفه حكمه من اضافه زعتر اخر الايام

شاى الاعشاب اجمعيه كله من اول النفاس الى اخره يستخدم مره وحده بدون تقسيم

مكونات شاى الاعشاب عندك زينه بس الزنجبيل كثره تسبب مويات خففى منه

واضيفى للشاى كمون وحبه حلوه للشاى

الفوه ياماما اضيفها للشاى الاعشاب

والرزنه نعم لحاله مع كاسه شاى

طبخك للغداء صح بس مع الماش حب اضيفى حبه سوداء طبخ حب

واذا كنتى اول الايام اضيفى حلبه حب طبخ

العشاء يااماما لا تخلينه خفيف مره

ولادتك قربت وحنا شتاء وبرد والليل طويل

ماينفع عشاء خفيف

والجوع شين للنفاس

الكمون بالغسول

ليه

الغسول اول الايام ملح ومره

واخر الايام دباغ

قشر رمان وارطا تطبخ

التحاميل عندك ناقص المحلب

كنت بسال وين الهوم ايام اولى

لهوم ايام اخيره

والكبو

استخدمى العلب بموضوع علبه علبه

واخر خمس ايام استخدمى الفنجايل

ولا تشربين قهوتك ساده حطى دواء قهوه او كسره مره


اللهوم : مقوي عام للنفساء , يشد الظهر ,مطمث , مدر للحليب ...
- الحسو : يقوم بتدفئة الرحم لطرد الهواء الذي قد يكون قد ذخل الى الرحم خلال الولادة او غيرها ...كما انه مفيد لتمييع الدم و بالتالي يسهل خروجه دون مغص او غيره ...
شاي اعشاب : منظف فعال للرحم , يشد الاربطة الذاخلية للرحم بالاضافة الى البطانة ..., يعمل على شد عضلات المهبل , فعال لتفادي اندلاق البطن من بعد الولادة ...
السفوف : مفعول مضاعف لتنظيف الرحم





أولا: طريقة دوا اللهوم :

المقادير تاخذينها من الحواى
وبعدين تطحنينهم مع بعض وتحطينهم ببرطمان او اي شي عندج:

نصف كوب كمون -

نصف ك حبة حلوه - نصف ك كزبر -

فنجال كركم - 6 حبات دارسين -

فنجال حبة سوداء - سكر نبات كيس او نصف كيس

شوى حلبه - وشوى رشاد


وتلهمينهم اخر عشرين يوم لانة ينظف النفاس والي عليها الدورة هم مفيد لها


طريقة ثانية

نجي للخلطه وهي طريقته

كاس ماش -نص كاس شمر -نص كاس حلبه -ربع كاس حبه سودا -ربع كاس كمون -ربع كاس فلفل ابيض -ربع كاسفلفل اسود -ربع كاس سكر نبات
تخلطينها وتطحنينها وتحطين ملعقه من الخلطه في كاس حليب دافئ وتشربينها على الريق وبنات ترى الفلفل الابيض هو اساس الموضوع وهو الزين فيه كله حتى الاندنوسيات هذا سرهم في تضييق والتنشيف والحركات اللي عارفينها هذا اللي مزينهم
وسكر النبات علشان يزين لك طعم الخليط ويصير حالي

وهذا لهوم النفاس والدوره اللي اكثر التاجرات يبيعونه للحريم

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

اما عن السفوف:
مفيد لاول عشرين يوم
كوب حلبه+ نصف كوب حبة سوداء + مقدار فنجال حبة حلوة+م.ك قرنفل
تاخذن 2م ك وتلهمينه مع حليب
من فوائده
اهمها انه يزول الامساك (الله يكرمكم) المعروف انه يجي النفاس
بالاضافه لتنضيف الرحم0

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

طريقة عمل الحسو:::

المقادير:-
4ملعقه كبيرة طحين اسمر
1/2كوب رشاد منقوع
1فنجان زيت او سمن بلد
1/2كوب سكر
1/4ملعقه فلفل اسود بودرة
1/4ملعقه هيل
رشه حلبه حب
1/2ملعقه قرفه
1/2ملعقه كركم
1/4كمون +كزبرة
4- 5 كوب ماء
الطريقه:-
يوضع الرشاد المنقوع في أناء ويضاف عليه 3أكواب ماء ويترك يغلي على النارالى ان تنضج حب الرشادويضاف عليه السكر.
ينخل الطحين للتخلص من النخاله أن وجدت.
يسخن السمن ويضاف الطحين عليه ويقلب حتى يبدأ البخار يخرج منه.
تضاف البهارات ويحرك جميعا ثم يضاف الرشاد
مع الماء .
إذاكان الخليط ثقيلا يمكن إضافه قليل من الماء حتى يصبح مزيجا سائلا وخاثر في نفس الوقت .
للتزيين:-
تخفق بيضتان مع قليل من الملح والفلفل الاسود وتقلى في مقلاه بها زيت قليل ويحرك البيض حتى يتفتت ويضاف على الحسو اثناء التقديم.

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.
المردوود::

كاس حبه سوداء – وكاس حبة حلوه – كاس يانسون - ثلاث او اربع اعواد الليه مدقوقه بالنجر -نصف كاسة شاي فلفل اسود او اقل للي معهم قالون - ثلاث ارباع كاسة الشاي قرنفل –ملعقتين خوا جوا – كاس ونصف دارسين مدقوق
اخلطي هذه المقادير مع بعض ثمن اطحني وانخلي بالمنخل واللي يبقى بعد النخل لما تخلصي كل الكميه ارجعي واخلطي وانخلي مره ثانيه واخلطيه ثمن اضيفي عليه
كاس رشاد وملعقة وسط رزنه واخلطيه مضبوط اهم شي الرشاد ما ينطحن مع الخليط

ـ يؤخذ المردود مرتين باليوم طوال فترة الدورة الشهرية أو طوال فترة النفاس..ملعقة كبيرة مع كأس حليب


-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

الطبيخه ::
والله يابنات وش ما اقول عن هالطيبخه من مدح اعتبره قليل رووووعه وهذي مقاديرها وخلي مقاسك كوب الحليب
كوب دارسين مدقوق ومهشر- كوب حبه حلوه – كوب يانسون – كوب قشر قهوه مدقوق – ملعقه صغيرة زنجبيل مطحون - كسرة جاثه مدقوقه- ثلاث اعواد الليه مدقوقين بالنجر كوب رشاد – كوب حبه سوداء – ملعقه كبيره فلفل اسود مجروش – اخلطيهم مع بعض وحطي عليهم رشي بيدك نعناع مجفف انا احط نعناع حايل واذا مو عندك نعناع حايل حطي مغربي بس مجفف – ورشة زعفران – وميرميه وزعًتر واذا عندك بابونج حطي رشه واخلطيه مع بعض وشوفي
هذي روعه في النفاس اشربيها من ثالث يوم لين تكملي شهر او 25يوم وفي الدوره الثلاث ايام الاولى

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

شاي الاعشاب::

شاي الأعشاب..يتم تناوله في فترة الصباح والعصرويتكون من(ميرميه+ أعواد شيح+ كمون+حبه سوداء+قيصوم+قشرقهوه+نونخه+د ارسين+يانسون اخلطيها بكميات متساوية أو ما يتوفر منها عندك..).

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

تمرة الاعشاب:

حيييييييييييييييييييييييييييل مفيدة

2كاس تمر منزوع النوى
نص بيالة مويه
ملعقتين سمن أو زبده
2 ملعقة رشاد
نخلطهم مع بعض ثم نضيف::
ملعقة كموون حب + ملعقة شمر " حبه حلووه مطحونين مع بعض
فلفل اسود انتي تتحكمين بكميته +نص ملعقة زنجبيل مطحون

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.


وهذي طريقة قشر القهوه للتضييق

وهي قشر قهوه - كمون -نانخه -زعتر بري -كلها عند العطارييين
اخلطوه واطحنوها او لاتطحنوها براحتكم اول شي قشر القهوه حلو للتنحيف خاصتن الكرشه وهالخلطه حلوه للتنظيف الارحام وحلوه للتضيييييييييييييق والخلطه هذي موجوده بكتاب اسرار الحريم وذكرها جابر القحطاني ومدحه والتاجرات اكثرهم يبيعونها واستخدامها وقت الدوره والنفاس وماله وقت معين يعين كم يوم تستخدميه يعني سويها وحطيها لك بترمس وتقهوي منها مثل القهوه العاديه ولاتنسون تحطون بالتمر الخلاص شوي رشاد وزبده او سمن غنم وقت الدوره والنفاس وبتشوفون وشلون راح تخلون عن عملية التضييق وبعد لحم جسمك بيصير مشدود مو مترهل
والخلطتين كلها تنفع للمتزوجات وللبنات
تعدل الافرازات اللي عندك وتنشفك وتخليك تحسي بنظافه وتنظفك صححححححححح


قهوة القشر للنفااس والدورة

قشر القهوه تحصليه بالمحامص القهوه حطي منه على ماء مغلي واهو يغلي حطي قرفه وسنوت وشوي زنجبيل وخليه عشر دقائق لا تخليه يغلي كثير اكثر من ربع ساعه وتحلى بالعسل لفوائدة

ويقول جابر القحطاني عنها:
يمدح فيها ويقول انه مافيه شي ينظف الرحم ومفيد للنفاس

خاصة مثل قشر القهوه لأنه فعال في تنظيف الرحم

طريقة ثانية::

((((قشر القهوة ممتاز جدا للكرشة طريقتها عندنا بالنفاس نسوي قهوة نسميها قهوة الوالدة وتشربها النفاس طول الاربعين .........مكوناتها....
((قشر - شوية زنجبيل مطحون - عناب ((وإذا ما في ممكن تضعي بداله تمر)) - سكر نبات - قرفة أختياري - شوية شمار - يانسون - و برير مدري هذاا بتلاقية ولا لا لانة في وحدة قالت انها دورت عنة ومالقتة والطريقة ((تغلين المكونات كلها مع بعض لين تصير لونها احمر غامق او بني غامق وتشربين منها بعد ماتصفيها بالمشن
وتقدري تشربين منها ايام الدورة بتنزل الدورة وتصفي البطن وبتحسي كرشتك خفيفة وطعمهااااا لذيذ مافية اي مرارة ولا اي طعم غريب جربيها وراح تدمني عليها ......







الفطور ....( من 7 الى 10 )

على الر يق ....تمره مع رشاد تؤخذ مع أي شي حار ...قهوة نفاس او حليب دافي
بعد ساعه .....حلبه باي طريقه تعجبك ....وهي تؤخذ بالعشر الايام الاولى فقط

بعدين الفطور اللي يعجبك::

مصابيب مع عسل

عصيده او محلى او حنيني او فريك

خبز بر مع عسل وبانكيك بر وحلاوه طحينيه لانها تدر الحليب بس لاتكثرين عشان السمنه

الظهريه ......

تشربين شاي اعشاب اللي يعجبك ( كمون – قرفه – يانسون – شمر – زنجبيل .........الخ )وممكن تخلطينهم لو حبيتي ..............تجنبي

الميراميه لانها تنشف الحليب

اللهوم ....او السفوف :

يابنات اهم شي باللهوم انه يؤخذ مع شي دافي قهوه او حليب دافئ .....لانه اذا كان بارد يلصق بالفم وجدارالمعده وما يصير له اي

فايده .....خاصة الرشاد

اللهومات كل وحده وطريقتها بس هي تؤخذ في الصباح والمساء

فيه نصيحه لكم ياحلوين ....اذا تأثر الطفل باللهوم اقطعيه فورا ......يعني مثلا يسبب له مغص او استفراغ او سهر وعدم نوم

الغداء......

مرقة اللحم ....مهمة جداا ترم العظم وتقوي الظهر وتدر الحليب ....يخلط معها شوي لهوم او حلب

ممكن مطازيز او مرقوق او قرصان

صحن سلطه خضرا

ممكن مرقة لحم او دجاج مع خضار منوعه من كوسه وجزر وبطاطس وبازلاء يعني مرق بس بدون
طماطم....ترشين عليه ماش مطحون او تطبخين معه شوية حلبه وتاكلينه مع خبز بر....او شوية رز للي يموتون بالرز وما يستغنون عنه خخخخخخخخ....لاتطالعون فيني انا ما احب الرز

بس ابتعدي عن الممنوعات
منقوول

[دافئة المشاعر]

الله يجزك كل خير يادنو المنتدى
موضوع من اروع مايكون ومنهم نستفيد
لكِ خالص شكري وتقديري

[أمي عيوني]

مشكوره ياعسل لكن تنصحيني اشتري لهومات الصباح وشاهي الأعشاب من حرمه لو ممكن اسألك عن شيء تفيديني إذا كنتي مجربه النظام بنفسك لأن ولادتي على شهر ذو القعده بإذن الله

[عزيزة النفس]

المشاركة الأصلية كتبت بواسطة أمي عيوني

مشكوره ياعسل لكن تنصحيني اشتري لهومات الصباح وشاهي الأعشاب من حرمه لو ممكن اسألك عن شيء تفيديني إذا كنتي مجربه النظام بنفسك لأن ولادتي على شهر ذو القعده بإذن الله

هلابك اختي (امي عيوني)
والله ما انصحك تشترين اشياء ماتدرين عنها
انا عندي ولد وبنت ماجربت اي برنامج لاني اولد قيصري
ويجيني اكتئاب نفاسووحم نفاس
وحاله الله العالم
لكن انتي سوي لنفسك لهوم
شوفي المواضيع اللي هنا بالقسم وكوني لك برنامج خفيف وحلو
لان اجسام الحريم مو زي بعض
والاعشاب زي الادويه تناسب ناس وناس

[عزيزة النفس]

المشاركة الأصلية كتبت بواسطة دافئة المشاعر

الله يجزك كل خير يادنو المنتدى
موضوع من اروع مايكون ومنهم نستفيد
لكِ خالص شكري وتقديري

منوررررررررررره يالغلا

[كآدي]

الف شكر يا عسسل

والله احترت مره ارشاد في العشرين الاولى ومره الاخيره ما عرفت

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والحبه السوداء يقولون تنشف توخذ في العشريين الاخيره

واحتررررت

لاني ابي اسوي التمره واحطها با الفريز للولاده

وحترت كيف اسوي ؟؟؟

[اميليا]

جعلها الله في موازين حسناتك

[noOodeEe]

جزاك الله الف خيرر...

[الجوري الخيبري]

حلو ان شاء الله نتقيد بالنفاس الزين