صلصة البندورة مع شرائح البطاطا

[زهرة الحب]

السلام عليكم ورحمة الله وبركاته
كيفكم ياحلوات اليوم جايبتلكم وصفة سهلة ولذيذة
المقادير:
1\2كيلو لحمة غنم
1معلقة صغيرة ملح
1معلقة صغيرة فلفل أسود
5 حبات بندورة مقطعة مكعبات
1معلقة صغيرة كاري
6حبات بطاطا مقطعة شرائح
1معلقة صغيرة رب البندورة.
الطريقة:
في الطنجرة نضع اللحمة ونقليها جيدا حتى تستوي ثم نضع الملح والفلفل الأسود ونقلب حتى تتخلط جيدا ثم نضع البندورة ونغطي الطنجرة حتى تستوي البندورة ثم نضع معلقة الكاري ونحرك ونضع معلقة من رب البندورة ونتركهم حتى يغلوا مع بعض ونتركهم على نار هادئة ثم نقلي شرائح البطاطا ثم تصف بالصحن على شكل دائري ونضع الصلصة بالوسط .
وتقدم وصحة وهنا

[نيهال]

مشكو ره يا حلوه رح جرب أنتوا أهل حلب أكيد طيبه من أيدك أنا من حماة يا ريت تكوني رفيقتي مع تحيات بنت بلدك نيهال.

[زهرة الحب]

هلا حبيبة قلبي وبنت بلدي كيفك والله إلي الشرف تكوني صديقتي أنا بعرف حماة مدينة كتير حلوة وخصوصا النواعير يحميكم الله

[اللؤلؤة اللامعة]

يعطيك الف عافيه

[زهرة الحب]

الله يعافيكي حبيبتي