سالفتي مع زوجي ... ابي مشورتكم

[بدون نك]

السلام عليكم ورحمة الله وبركاته
كيفكم بنات ان شالله بخير

بصراحه ما ادري وين اكتب موضوعي
وكتبته هنا
ابدأ سالفتي ...
انا طبعا يابنات من عادتي ما احب افتش جوال زوجي حتى لو تجي رساله ومكالمه ما فتحها
المهم مره زوجي كان نايم وانا شبعت نوم وصحيت بليل الساعه 12
خذت جوال زوجي بشوف الساعه كم الا في مكالمتين ورساله انا كنت ابي اعرف من مين هالمكالمات والرساله لاننا كنا نايمين من العصر تقريبا او اول المغرب قلت يمكن احد من اهلنا ولا شي ضروري
طبعا مافتحت الرساله ولا المكالمات رحت شيكت على السجل لان راح يطلع لي منو اللي دق وارسل

المهم المكالمات كان عمي وزميل زوجي والرساله كانت رقم غريب

طبعا انا من شفت الرقم ونزلت تحت بالسجل الاقي لرقم هذ1 اكثر من مره مرسل رسايل وزوجي يرد على رسايله
بس مافي مكالمات الا مره بس والاغلبيه كله رسايل انا شكيت لان من عادت الرجال ماترسل رسايل اذ1 يبون شي يتفاهمون بمكالمات

طبعا جتني شكوك
رحت بفتح الصندوق الوارد بس من غير افتح الرساله قريت اول كلمتين من الرساله كانت شعر بس مافتحت الرساله
ونزلت تحت بشوف رسايل هذ1 الرقم الا زوجي ماسح رسايل هذا لرقم
ورحت لرسايل المرسله كمان ماسح رسايله اللي مرسلها لهالرقم
يعني كل مايخص بهالرقم ماسحه والرسايل الباقيه موجوده اللي هي مني ومن زملائه واهله الا هذ1 الرقم رسايله ممسوحه



المهم اخذت الرقم ودقيت على اختي ساعه 3 الفجر وعلمتها بالموضوع ووعطيتها الرقم
وقلت لها دقي على الرقم الحين ورديلي وش يصير معك اذ1 بنت ردي اما اذ1 كان رجال طبقي الخط وانسي الموضوع

انتظرت اختي ربع ساعه وهي تدق
اختي قالت لي اخاف اقول لك تزعلين من قالت هالكلمه عرفت انها صاحبة الرقم بنت
قالت اختي طلعت بنت وكان صوتها صغير وواضح انها حقة حركات نص كم الله يستر عليها ...
المهم تنرفزت شوي لان انا واثقه من حب زوجي لي والحمدلله
فقلت يمكن كان مايبيني اعرف عشان ما ازعل لاني انا بشهر التاسع على وشك ولاده
ولا كانت تزعجه ويبي يعرف منو هي

......... بنات ترى زوجي مطلق وعنده بنت
وعلى طول جت في بالي انها طليقته ...
اليوم الثاني بنفس الوقت صحيت نوم واخذت جول زوجي رحت لسجل الا مرسل زوجي رساله لها وردت عليه وبعدها مرسل رسالتين ولا ردت

دقيت على اختي بشوف وش سوت
قالت لي طول اليوم انتراسل وانا هالبنت
وللاسف البنت هذي قالت لأختي كل هذ1 غيره يازوجة زوزو طبعا تقصدني انا وتحسب اختي انا ومدلعه زوجي زوزو يعني عرفت انها وحده تعرفني وتعرف زوجي


اختي حاولت انها تبين لها ان ماهي زوجة زوزو ولا تعرف بالموضوع شي يعني مجرد انها مزعجه ولا غلطانه
قالت لها اختي وشو مرة زوزو وحلفت لها اختي انا مو متزوجه
البنت شكت بالموضوع وصرفت النظر عني
وقالت لا انا بس كذ1 قلت مرة زوزو
وصارت نقاشات حاده بين اختي وبين هالبنت
والبنت لهالحين ماتعرف منو اللي يراسل لها وتقول لاختي هذ1 رقم لي شهرين شريته كيف عرفتيه ؟؟

المهم اختي طنشتها
وانا قعدت افكر منو هذي البنت
وطلعت في راسي انها بنت خالته طبعا بعد تحليل من اسلوبه بالرسايل نفس الاسلوب ونفس اللهجه




الحين انا ما دري شلون اواجهه زوجي قلت خل اصبر يومين واستمر اراقب السجل اذ1 شفت زادت الرسايل راح اسئله شنو هذ1 الرقم اذا قال لي الحقيقه انها بنت راح اعرف انه صدق معي ولا راح اعلمه اني انا داريه من زمان انها بنت
واذا كذب علي راح اعترف له اني ترى عارفه بالموضوع كله


وش رايكن بنات


نفسيتي تعبانه حيل وانا مادري وش افكر به بولادتي وانا بكر هذ1 اول حمل لي وشايله هم ولا افكر بهالسالفه


ابي ردودكم

[لمعة الماسة]

تصدقين موضوعك هذا انا صاير لي هالفتره وجالسة اعاني منه ومثلك بشهر التاسع مادري افكر بنفسي والا بهالموضوع بس انا لما شفت الرسايل والمكالمات وتاكدت انها بنت على طول قلتلة ماقدرت اصبر وقلتلة اني بروح بيتنا وبجلس وخلي بنت الشوارع تنفعك بس قالي خلاص بتركها واكتشفت انه عندة جوال بالسياره يكلمها عليه بس عطاني اياه والحين خايفة يكون اخذ له جهاز ثاني ورجع يكلمها ااااااااه من هالرجال يتعبون القلب
بس انتي لازم تواجهينه لاتسكتين واعرفي ليه هو سوى كذا واذا هو يحبك اكيد بيتركها خاصة انك حامل ماراح يقدر يزعلك
بالتوفيق يارب

[فوق مستواااك]

آآآآآآآآآآآآآآآآآآآآآآه ياعمري وربي حاسه فييييييك

واااااااااجهيه ماعليكمنه رجال زي كذا ماينجلس معه.. وربي انا مريت فيهاا بس واجهته

قووي قلبك ..والله الرجال لو يشوف شي ع زوجته من هالناحيه خلااااااااص الله يعينها ع الي بجيهاا
اما هو ملاااااااااك منززل...

والله يعينك يالغاليه اهم شي الصرااحه

[فوق مستواااك]

ينقل للقسم المناااااااسب

[بدون نك]

ومشكورات بنات لمعه الله يوفقك ان شاءالله فوق مستواك اكيد بواجهه اصلن راح اتعب بزياده وما ارتاح الا لما اوجهه قبل اولد
بس المشكله انا مو عارفه هو متواصل معها وان معه علاقه معها
ولا هي تزعجه
انا اكيد راح اناقشه بس خايفه انصدم من شي وتطلع جد بنت خالته
لانها تقول لها شهرين مطلعه الرقم يعني هي اللي داقه عليه

تقول لاختي مصيره يتزوجني يعني ناويه انها تعلقه وتدمر بيتي

راح اقول لكم وش يصير معي

[فوق مستواااك]

عادي حطي براسك كل الاحتمالات يالغلا.. وبلغينا ايش يصير معك والله يكفيك شررهاا ياااااااارب

[ندوووش]

ياااحياتي الله يعينك يااارب
والله مدري اش اقلك اخاف اقلك واجهيه وينكر ويقلب المشكله عليك واخااف اقلك اسكتي لين تولدين ويتماداا زياااااده بس انتي استعيني بالله وتوكلي على الله وواجهيه وكلميه بسلوب وبهدؤؤ واذا مانفع قوليله انا كلمتهااااا وعرفت انهاا بنت
يعني لاتنكر الانكر مو طيب لاني خلاص عرفت
واحمد ربك اني لين الحين ساكته وماكلمت اهلي انت لو صااار معك نفس الموقف تنتظر كذا يوم وتكلمني بهدوو لا والله راح تواجهني على طول وامكن تطلقني وتظربني وتنهي علقتناا
الله يكون معك ياااااارب ويسخره لك ويصرفه عن الحرام

[بدون نك]

مشكورات بنات والله ريحتني بكلامكن
رح اواجهه ان شاء الله بطريقة هادئه


اتمنى انها هي اللي تزعجه
وانه مايعرفها يارب

[حبيبت حبيبي]

الله يعينك
ويعينني ان الله مع الصابرين
انتي تعرفين زوجك زين واحسن لك تطنشينه لانه بعدين بيعاند ويسوي اكثر
بس لو تشغلينه معك وتعبانه ومشيني ووديني وجيبي ومقدر امشي امسك يدي ومن ها الحركات
كثري عليه وان شاء الله ينفع

[!راما!]

لله يسخر لكم ازواااجكم يا رب