وش الحل مع زوجي اللي يكره الاطفال

[روح راقيه]

سلااام يا بنااات

وش لونكم


مو عارفة وش اقوول وتوني منتهيه من المناقشة مع زوجي


الموضوع ببساطة زوجي يكره الاطفاال


الحمد لله عندي ولد والحمد لله على كل حال ما جاء هذا الولد الا بعد سبع سنوات من الزواج
زوجي يقول هذا الولد يكفي
وانا احب الاطفااال وابي اولاد كثير


من سوء حظي اني ما احمل الا بصعوبة وزوجي مبسوووط على هذا


اللحين عمر ولدي سنه و9 شهور والان ابي اتعالج عشان الحمل بس زوجي يقوول لا ومطلع الفكرة من راسه يقول اصبري اللي يصير عمرة على الاقل خمس سنوات
المشكله زوجي مو صغير على التاخر عمره 33 سنة لانه كل ما كبر يقل اهتمامه باولاده
وانا ابي احمل وانا صغيرة افضل من اني احمل وانا كبيرة عمري الان 21


اخ تعبت منه ابي اقنعه ومووو راضي يقول واحد يكفي


خواتي يقولوا يا حظك ارتاحي من الاولاد واستمتعي بحياتك انا لا اشوف المتعة في الاولاد
يارب ارزقني الحمل السليم من دوون علاج


محتاجه نصايحكم

[~JOJO~]

طيب ياعسل انتي لسا صغيرة

يمديك ان شاء الله ع الخلفة تفائلي خير وبالنسبة للرجال صدقيني له مواقف سابقة حلته مايحب الاطفال

ممكن انه يحبهم بس يخاف من المسؤلية او انه مايقدر يوفر لهم احتياجاتهم

شكل عنده تجربه وهو طفل مايبغى يكررها مع اولاده او انه خايف مايكون قد المسؤلية زي ماقلت لك

انتي انتظري فتره يكبر ولدك وبعدها فاتحيه بالموضوع بطريقة ثانيه قولي مسكين ولدنا نفسه باخ او اخت يسلونه ويلعبون مع بعض ومن هذا الكلام

و ربي يسخره لك ويرزقكم الذرية الصالحة *

[روزآليندآ]

قولي مسكين ولدنا نفسه باخ

[روح راقيه]

مشكورات الله يسعدكم

انا ما تحمس للحمل الا لما شفت ولدي يفرح لما يشوف اولاد


السالفة هي انه يقول ان الاطفال ازعاج وقلق نفسي وشغله يكفي هذا المزعج
وبصراحة ولدي الله يحفظه ويهديه حركي جدا جدا ولا ينام الا بصعوبة عشان كذا زوجي كره الاطفال


وانا اتوقع ان هذي الطاقة والحركه فيه من الملل

[تفاؤل 22]

ماشاء الله الحمدلله ربي رزقك بعد صبرك 7 سنوات
واكيد انتي خايفه تتاخري مره ثانيه

بس انتي لاتضغطين على زوجك وركزي اهتمامك على ولدك هذا
حاولي تهتمين فيه من كل النواحي فكريا نفسيا جسديا

الحمدلله عندك واحد نعمه

وفعلا الاطفال الان مسؤوليه مو مثل اول كل شي سهل

الان الطفل الواحد احتياجاته كثيره كل سن له احتياجات
من العاب من اجهزه اكترونيه من ملابس و و

اعذري زوجك ولاتضغطين عليه وحاولي تركزين على ولدك
حاولي تشوفين وسائل تقلل من حركته وتعدل نومه تخليه هادي مروق
يعني قبل تفكرين تجيبين طفل سوي تهيئه لك ولطفلك ولمنزلك
انتي حاولي تهيأين جسمك للحمل باذن الله لان الولاده ترى تفقد من الام الكثييييييير
وطفلك حاولي تهيئته وتهدئته ابحثي فالنت عن وسائل تربيه جيده لان كل سن له تعامل خاص
لان زوجك يتخيل اذا جا من الدوام البيت مزعج طفل من هنا وطفل من هناك
لكن لو رتبتي الوضع وحاولتي يكون الوضع مستقر مستعد لاستقبال طفل جديد

كذا بتفتحين باب لزوجك انه يفكر بالاطفال


يعني لاتلومين زوجك بس .....



وانتي صغيره بسم الله عليك العمر قدامك



ربي يسعدك

[روح راقيه]

المشاركة الأصلية كتبت بواسطة تفاؤل 22

ماشاء الله الحمدلله ربي رزقك بعد صبرك 7 سنوات
واكيد انتي خايفه تتاخري مره ثانيه

بس انتي لاتضغطين على زوجك وركزي اهتمامك على ولدك هذا
حاولي تهتمين فيه من كل النواحي فكريا نفسيا جسديا

الحمدلله عندك واحد نعمه

وفعلا الاطفال الان مسؤوليه مو مثل اول كل شي سهل

الان الطفل الواحد احتياجاته كثيره كل سن له احتياجات
من العاب من اجهزه اكترونيه من ملابس و و

اعذري زوجك ولاتضغطين عليه وحاولي تركزين على ولدك
حاولي تشوفين وسائل تقلل من حركته وتعدل نومه تخليه هادي مروق
يعني قبل تفكرين تجيبين طفل سوي تهيئه لك ولطفلك ولمنزلك
انتي حاولي تهيأين جسمك للحمل باذن الله لان الولاده ترى تفقد من الام الكثييييييير
وطفلك حاولي تهيئته وتهدئته ابحثي فالنت عن وسائل تربيه جيده لان كل سن له تعامل خاص
لان زوجك يتخيل اذا جا من الدوام البيت مزعج طفل من هنا وطفل من هناك
لكن لو رتبتي الوضع وحاولتي يكون الوضع مستقر مستعد لاستقبال طفل جديد

كذا بتفتحين باب لزوجك انه يفكر بالاطفال


يعني لاتلومين زوجك بس .....



وانتي صغيره بسم الله عليك العمر قدامك



ربي يسعدك

كلامك حلوو ومقنع الله يسعدك


مشكووورة حبيبتي على الرد بصراحة استفدت من ردك كثيير الله يجزاك خير ياارب

[سوزان الرياض]

الله يعينك ويرزقك

[zena]

انا كمان زوجي ميحب بيكون عدنا اولاد كثير عندي بنوته عمرها سنتين وشهر وانا عمري 27 بس بيخاف اجيب كمان بنت واحنه بدوله اوربيه

[*شفق*]

انا الي لفت بالي للموضوع عمرك جدا صغير يعني ماشاء الله تقولي بعد 7سنوات حملتي وهسة ابنك عمره تقريبا سنتين يعني ما افهم عمرك 12 سنة تزوجتي ماشاء الله ماشاء الله عليك ... تحملتي المسؤلية صغيرة
اما بالنسبة للحمل ابنك لسة صغير وانت صغيرة صدقي لما يكبر ابنك زوجك هو بنفسه راح يشتاق للاطفال
تقبلي مروري

[روح راقيه]

سوزان الرياض
امين واياك ياارب




zena
الله يخليها لك ويرزقك يارب بالذررية الصالحة




شفق
نعم حبيبتي تزوجت وعمري 13 سنة




ياارب يشتاق زوجي للأطفال ويطلب مني هوو بنفسه نروح نتعالج


مشكورة يا عسل على الرد