ولدي (طاح) وقع من على السرير !

[روزآليندآ]

السلام عليكم ورحمة الله وبركاته

امس ولدي حطيته على سريرنا
كان ناايم وانا عيني عليه


وبس طرفة عين لحظه بس ألتفت ولا أسمع إلا ذاك الصوت
مدري كييف طااح اعوذ بالله من الشيطان
اخذته من الارض وحضنته سكت وما في اي اثر لكدمات
عمره شهرين
ايش اسوي

ما ودي ابوه يعرف
وخاايفة يصير مضاعفات لا سمح الله


قلولي ايش اسوي وهل فيه خطر عليه انا ماعلمت زوجي لانه بيزعل مني
بس انتم علمتكم
ايش اسوي له مع انه بكي بس شوي وبعدين سكته وانا ارتجف
الله يحفظه ويحفظ لكم عيالكم يارب


اليوم رضعته ورجع كل الحليب اللي شربه
ما ادري هل عادي الترجيع زي كل مرة او له علآقه بالطيحة
طمنووووووني

[مرتقى]

يا حبيبي عليه سلامته بعد الطيحه هل نام ؟
على حسب ما اقرأ أن الطفل لو طاح يبغى النوم و لا تنومينه خليه صاحي عشان مايغمى عليه أو يكون فيه نزيف داخلي
بس من رأيي خبري زوجك أهم شي أبنك و بالذات أنه استفرغ لا تهملينه نصيحه مني الإستفراغ مو طبيعي بعد الطيحه أنا ما أبي أخوفك لكن عشان أنبهك أبنك لا تهملينه روحي للطوارئ الأن مجرد إن شاء الله تشييك عليه و الف سلامه و طمنينا عليه

[دلـــوعــه عـــــبوديـ]

اذا استفرغ ودييييييييييه الاستفراغ مو زين وديه اختي واذا عرف زوجك مافيها شي مافي انسان مايغلط انا عيالي كثير طاحو من السرير والحمدلله مافيهم شي بس وديه احسسسسن
طمنينا عليه

[نووره الاموره]

سلامات مايشوف شررر


وديه عشان ترتاحي وتريحينا معاك وانشاءالله معافاي

[روزآليندآ]

الطيحه امس والاستفراغ الييوم
هو احيانا بعدما يرضع يستفرغ

[ام نرجوسه]

أهم شيء ابنك وديه للمستشفى وما تخبري زوجك عالسبب بس قوريله بو ديه لﻹطمنان على صحته بشكل عام مو بسبب الطيحة بس ما تخلي ابنك
موفقة

[-قطر الندى-]

ما على قلبو شر

[ارياام]

الف سلامه عليه وربي يحفظه لكك
طمنينا ع ابنكك ي الغلاااا..

[روزآليندآ]

i can not tell him
he will kill me

[آية 27]

لا تخافي أم أمير
يقولو البيبي لما يسقط تحميه الملائكة
بنت أختي كانت صغيرة ووقعت من السرير و لما أختي سمعت خبطة نظرت فلم تجد ابنتها و وجدتها على الأرض و الحمد لله لم يحصل لها شيء
ولا تخافي حبيبتي كثير لأنك انت أمه و أكيد تخافي عليه و لازم تخبري زوجك على اي شيء
ربي يحمي لك أمير و يستره