بنات أنا خايفة وااايد نص السابع والجنين مايتحرك ...

[أم عبوديه]

السلام عليكم ورحمة الله وبركاته
أنا يديده عندكم فالمنتدى
من يوم حملت وأنا أدخل المنتدى بس اليوم مسجلة وهذا أول موضوع لي ...

المهم أنا الحين في نص الشهر 7
والصراحة البيبي وايد مخووفني ... صارلي يومين وما أتحرك
وكل حد يقولي شيء .. حد يقولي يمكن نايم ... وحد يقولي لا مب زين روحي فحصي
الشي الوحيد الي احس فيه شي مثل فقاعات الغاز آخر بطني

الله يخليكم إذا حد يعرف شو السالفة يطمني لاني الصراحة وايد أحاتي وخايفة على البيبي ... لان هذا أول حمل لي فما أعرف كيف اتصرف ...

ومشكوووورين

[تساهيل يارب]

حبيبتي اذا الشي اللي تحسين فيها يشابه لحركة البيبي ف تطمني يمكنه قاعد يتحرك على خفيف
وترى البيبي ما يبقى يتحرك طول الوقت ، واحيانا يتحرك وانتي ما تحسين فيه
بس انتظري الى بكرى و اذا ما تحرك مثل دايم روحي تطمني عشان ترتاحين وما تقعدين تفككرين وتوسوسين :)

[بنت من البنات]

طيب تحسي فى نبض قلب الجنين
وبعدين اذا تبقين الجنين يتحرك الحل سهل مره ارفعى صوت التلفزيون ع القران والله راح تشوفى الجنين يتحرك حركه غريبه
يرفع بطنك مره يمكن ياسجد سبحان الله

انا اسوى كذا

[chems doha]

حبيبتي ان شاء الله ما تشوفي شر بس حبيبتي دكتوري قالي لما كنت بالسادس انو لازم اراقب التحركات الجنين في لشهر 6والسابع لازم يتحرك كل يوم اما في التامن والتاسع بتقل الحركة كما هو معروف فلهدا حبيبتي روحي طمني عند دكتورك احسن الله يتمملك حملك بخير

[احساس طفوله]

روحي تطمني احسن لك لان الجنين بالسابع حركته كثيره بس انا لما كنت بالسابع كان يمر يوم كامل مايتحرك بس لما اكل اي شي طعمه حلو يتحرك

[nona essawy]

ان شاء الله خير لا تقلقى وروحى اطمنى احسن على البيبى عند الدكتور

[جووهره]

روحي عند دكتورك وتطمني افضل لان الكلام الي بينقال لك هنا مؤ مثل تطمنك بنفسك

[أم عبوديه]

مشكورين حبيابي ماقصرتوا

بس الحمدالله اليوم من رجعت من الدوام وعقب الغدى ريحت اشوي اتحرك

الحمدالله

الله لا يحرمني منكم فديتكم تسلمون

[ρυяỉтч •]

حبيبتي دايم اذا حسيتي الجنين مايتحرك ، خذي شوكلت وعصير حالي كليهم
وبعدها تمددي على ظهرك بغرفه هاديه مافيها حس
وقفلي عيوني وشوفي كيف يبدا يرفس كانه يدورك
انا كذا لانه بالخامس مايتحرك كثير ، وافقده ايام ماحس فيه .. ف اتمدد بمكان هادي واقفل عيوني ولا اتحرك
ماحس الا فيه يتحرك ويرفس وسبحان الله من ابدا اتقلب يهدا ولا عاد يتحرك
لان الجنين يستوحش بدون صوت امه ويفقدها ، وعشانه طول اليوم حاس فيك وفحركتك يتغلى عليك هههههه

[ملكتني بهمسك]

مشاء الله البنات ماقصرو واذا مره ثانيه ماتحرك على طول كلي شوكلت ولا عصير حالي ولا ثلج وبتشوفيه يتحرك اهم شي انه في اليوم يتحرك 10 مرات معناته مافيه الا العافيه