تحجر البطن

[ايمووو]

السلام عليكم

كيفكم يا كروشات الله يهون علينا وعليكم والله يجيب جناينا على خير ويرزق من بغاه ياربي يا كريم

انا حامل باول حمل لي ماخذه من السابع اسبوعين ومن دخلت السابع اعاني من تحجر اسفل البطن بصورة مستمره يعني باليوم يمكن من 7 - 10 مرات سوا كنت بالبيت جالسه ولا منسدحه ولا نايمه ولا حتى بالسياره .

هل هذا شيء طبيعي ؟؟ مع العلم اني مسويه عمليه شفط وشد منطقة البطن قبل لا اتزوج ب 3 سنوات.

ومعي آلام زي الدورة اسفل البطن خاصه هل هذي اعراض ولادة ؟؟؟ تراني موسوسه هههه


ان شاءالله بولد في دله وباديه اجهز شنطه المستشفى والبيبي ابي استفسر للي توهم والدين بدله :
هل موجود بالمستشفى فوط للنفاس ومناشف بالحمام لو بغيت اتسبح وفرشاه اسنان ومعجون وشامبو ومن هالخرابيط هل هي موفرة ولا اجيب قشي معي ؟؟؟

امر اخر انا اكل حبوب اسبرين اطفال لانه كان عندي اجهاض سابق وتخبرون الاسبرين يجيب سيوله بالدم ولو جاني نزيف بسم الله علينا تصير هنا مشكله ف متى اوقفه؟؟




ولكم الف شكر :)

[ام ريتان]

أعراض طبيعية للحمل في اخر الاشهر

# التحجر
هذي حاله تصيب الشهور الاخره بالحمل وهو احساس ان الطفل متجمع
في مكان واحد وسببه انك ماريحتي نفسك واجهدتيها
علاجه: انسدحي ومددي رجولك
# التساليف (الطلق الكاذب)( تقلصات براكستون هيكس)
الم يجي الحامل وهي تهيء الرحم للولاده ويبدا من الشهر السابع ولكنه
الم محتمل ولا يطول يستمر لثواني معدودة.
لو يركبون عليك جهاز التخطيط بيطلع رسم الطلوق ويوصل يمكن الى 50%
بس ماتحسين انتي بالالم والخمسين ذي من حركة البيبي +حركة البطن
الداخلية*المؤلمة الي من 70% وفوق و هذي عاد الطلوق الحقيقية اللي
تكون منتظمة وقوية وتبدأ زي الم الدورة وتزيد مع الوقت.
العلاج: خذي حمام دافئ وخليه يصب على ظهرك اذا هي تساليف بتروح
واذا طلق حقيقي راح يزيد..
بالنسبة للاسبرين المفروض توقفيه بدخولك السابع..

[نجلاء11]

أشربي ماي وكثير سوائل احيانا من الجفاف تصير التقلصات

[منييرة]

يسلموا البنات ما قصروا ربنا يسهل عليك الغالية و يفرحك بشوفت ضناك

[اماااني]

الله يسهل عليك يا رب ان نفسك صدتني تقلصات في السادس اهم شي السؤال كثري منها لان الجفاف يسبب التقلصات

[ايمووو]

مشكورين وما قصرتوا يعطيكم الف عافيه