زوجي زعل لأن السونار بين بنوته

[منييرة]

السلام عليكم، حبيت أفضفض لكم خواتي مبارح مو نايمة طول الليل، شوفو حكايتي الله يسلمكن و يعطيكن ما تتمنون، زوجي نفسه في ولد و من أول ما انخطبنا و هو يناديني أم عبودي و خاصة كل إخوانه و أخواته خلفتهم بنات، و أنا و الله عادي كل اللي يجينا من ربي مرحبا بيه،أخبركن أول شيء عن اختبار انتيلي جندر جربناه مرتين و طلع أخضر يعني ولد بس يمكن ما ضبط معاي لأنه عندي التهابات الكانديدا و في اول الرابع سويت سونار و قالتلي الدكتورة احتمال كبير ولد و الله فرحت كثير عشان زوجي حبيبي و هو طار من الفرحة و قالتلي في نهاية الرابع نتأكد و اللي صادف مبارح و قالتلي هذه بنوته ما في شيء بين رجولها و الله الحمد و الشكر لرب العالمين على كل شيء بس نزلت دمعتي على زوجي و هو فرحان و خبر كل العائلة و عطتني صورة للبيبي من تحت صح كأنه بنت، سألني على حال عبودي (الولد المنتظر) قلتله لا و الله شكلها بنت مو عبودي و الله سكت و شكله تبدل و ما نطق بكلمة بعدها غير الحمدلله و الله انقهرت عليه بس الحمدلله نعمة من رب العالمين و اللي جانا من الله حياه الله و أكيد ربي شايف فيها خير
يا رب ارزقنا بما ترى فيه خير لنا يا رب

[شوق وحنين]

أول شي الله يحفظ لكم البنوتة والله يخليكم حق بعض.. واضح ما شا الله انكم تحبون بعض وايد.

ثانياً يا حبيبتي كلمي زوجج وقولي له شوف رسول الله عليه الصلاة والسلام ما خلف غير البنات وكانو من خير نساء العالمين! واحنا تونا متزوجين وأول خلفة لنا وانت زعلان؟؟ وليش الزعل أصلا؟ خلاص هذا أمر الله ما لنا يد فيه.

ثالثاً تحديد جنس الجنين المسئول عنه هو ماء الرجل وليس المرأة.. وإذا بحثتي في النت بتلقين هالكلام موثق.

[ساره الدوسري]

لاتزعلين وربي إذا جت البنوته بالسلامه ..راح ينساك وتصير هي كل دنيته

وربي لوتجبين بعدها خمس عيال ماراح يسونها بعينه ..كلهم يبون ولد بس لما تجي البنت تصير كل شيء حلو بعيونهم

يعني من الاخر راحت عليك زين ماراحت علي من قبلك ..وربي مايخليها تنام غير بحضنه

الله يحفضهم لي ولا يحرمني منهم ..

[منييرة]

مشكورات الغاليات و جزاكم الله خير

[منييرة]

الله يرزق الجميع و الله يهنينا و يثبتنا يا رب

[fony]

وعليكم السَلآم ..

أغلب الرجآل كذآ تكون ردة فعلهم في البدآية ،

بس بعدين صدقيني بيحبهآ ويموت فيهآ ،

وإنتي بنفسك بتستغربين من تغيره ..

وربي يرزقكم الولد الصآلح بأقرب وقت إن شآء الله ..

موفقيــن :))

[منييرة]

مشكورة حبيبتي ربنا يهديه و الله يرزقنا أجمعين

[رموش ورديه ~]

اهم شي الصحه والعافيه

الله يرزقني البنت السليمه يارررررررررب

[منييرة]

الغالية رموش وردية الله يرزقك البنت الصالحة السليمة المعافات

[happy girl]

يارب تولد سليمة معافاة ويسهل ولادتك
وانشا الله اول مايشوفها يموت عليها من الحب
البنت تكون حبيبة ابوها يمكن الحين زعلان بس لما يشوفها راح تصير على قلبه احلى من العسل