نظامك اثناء النفاس والدوره

[عقيلة بني هاشم]

السفوف على الريق اول ثلاث ايام

(نص كاس شمر –نص كاسة حبة سمراء-فنجان صغير ماش-ملعقة كبيرة قرنفل_ وملعقه كبيره كمون ) كله مطحون ناعم
\
تحطيهم بعلبة وتاخذين من السفوف مقدارة 2 ملعقة صغيرة على الريق وقبل النوم ملعقة وحدة منة.......

سفوف الايام ألاخيرة
على الريق ملعقتين كبيرة من السفوف التالي (كوب حبة سوداء
ملعقة كبيرة قرنفل وم ك دارسين م ك فلفل أسود فنجان كمون م ك نونخة فنجان
شمر )

وبعدها تاكلين التمرة
الي هي
تمر معبوط مقدار كوبين وحطي معاة 2 ملعقة كبيرة سمن او زبدة على النار
واضيفي شوي ماء علشان تلين
واذا جيتي تطفين النار حطي مقدار 2 ملعقة صغيره فلفل اسود وملعقه صغيره حبه سوداء

واطبخي قشر قهوه وحطي معه القرنفل وعود قرفه كبير وتقهوي وعلى فكره قشر القهوه مايطير النوم مثل القهوه
اذا حبيتي نامي واول ماتصحي
اشربي كاس كبير منقوع الزعتر البري اغلي الماء ثم حطي في الكاس شويه زعتر
وتراه يختلف عن زعتر الاكل وصبي الماء عليه وغطيه ضروري تغطيه واتركيه ينقع 5 دقايق واشربيه

وقت الغدا تغدي ويفضل يكون بر وكثري الفلفل الاسود وبعد الغداء اشربي شاي الاعشاب المكون من
نعناع ويانسون وممكن شاي اخضر وكلها بدون سكر وومكن تضيفي ذره زنجبيل وتحلينه بعسل

العصريه كلي تمر ان حبيتي وتقهوي قشر قهوه واشربي شاي الاعشاب
نعناع وشمر وحبق ويانسون وقيصوم وقرفه
بالنسبه للبردقوش خليه من ثالث يوم افضل
وقت العشاء تعشي ولاتنسين السفوف الي قبل النوم
واشربي حليب السعوديه وحطي عليه شويه ((ماش مع فلفل ابيض))
او فلفل اسود او حليه بعسل براحتك
او اشربي كاس زعتر بري اذا كان نومك متأخر

كثري من السوائل بصفه عامه واللي راح ينزل الدوره هو السفوف بإذن الله
وقللي من السكر والحلويات لانها تسبب الالتهابات

وبالنسبه للغسول لك حريه الاختيار

اما تسوين غسول بغلي البابونج مررره روعه يطهر ويفتح لون المنطقه الحساسه
والغسول يكون خارجي يعني دش مهبلي لا لا لا
او تستعملين الارطا مع ملح تطبخينها لكن الارطا يسود المنطقه
او تستعملين مغلي الخزامى كغسول روعه وهو من اسرار المغربيات
وتراه يضيق المنطقه ويشدها مررره
او تستعملين البتادين الطبي كغسول خارجي وممكن ملح و مره ماء ايضا ولكن مشكله المره ريحتها المهم لازم غسول يطهر المنطقه
لان دم الدوره عباره عن جراثيم ودم فاسد

والغسول يكون ثلاث مرات في اليوم ويستحسن يكون دافي اثناء الاستعمال
وسوي حق يومين مثلا البابونج وحطيه بجيك في الحمام تكرمون وكل مره خذي شوي وزيده ماء دافي

الان وقف الدم وتنتظرين الطهر
خذي عسل اصلي وحطي فيه فنجان حبه سوداء وشويه مره مطحونه واكلي ملعقه كبيره منه قبل النوم

نقعي مره في شويه ماء ورد لمده ساعه واهرسيها وحطيها على الفوطه والبسيها كرري هالحركه اذا غيرتي الفوطه
او اطحني الخزامى ناعمه وحطيها في شاش طبي معقم وحطيها في الفوطه هالطريقتين تسحب الافرازات من الرحم

الان طهرتي
اذا متزوجه

يا تستخدمين المسك الاسود
او تتبعين هالطريقه خذي شاش طبي طويل وبلليه من ماء ورد مع المره
بس لازم يكون مركز المحلول
ودخلي الشاش وهو مبلول بالمره وديه بعييييد وخلي طرف الشاش برى
واتركيه ساعه وطلعيه وسوي دش مهبلي بغسول البيتادين علشان تروح ريحه المره هالحركه تحمي من الالتهابات وهي نفس مفعول
المسك الاسود تطهير وتضيييق وممكن تجلسين في غسول مغلي الخزامى يضيق

وخلاااااااااااص والسفوف لاتتركينه لين تطهرين

[ملكتني بهمسك]

مشكوره اختي بارك الله فيك

[عقيلة بني هاشم]

بسم الله الرحمن الرحيم
مشكوره على مرورك الكريم ويرزقنا ياربب بذريه الصالحه يارب