مستشفيات على التامين

[سهام الحب@@]

السلام عليكم ورحمة الله وبركاته


بسئلكم اش احسن مستشفئ للولاده في جده تابعه لتامين لاني بكريه وخايفه لان الدكتوره قالتلي ولادتك قريبه واش يعني المشيمه بدة تشيخ الله يسعدكم ساعدوني لاني بجد ماعندي خلفيه عن المستشفيات ا

[بحــ العيون ــــــــر]

مستشفى سليمان فقيه جداااا راائعه .. ول دكااترتها مشهورين ومجربين ومنهم عفاف النوري ونوال السناني وسحر ملودي وفاطمه العتيبي
من تجرررربه كل وحده افضل من الثااانيه .. والولاده بالمستشفى دي بدووون الم ليش يعطونك ابره عند طلووع الرااااس ولا تحسين

بطلع الراااس .. وولاداتهم 5000 الاف الا نوال 8000 الاف ... بس اللي سمعته نوال خرجت من المستشفى



والتخصصي برضوو يمدحونهاا وفيها دكتوره اسمها عفاف ..

[بحــ العيون ــــــــر]

الـــــــــــــطبي الدولــــــــي

انا بذكر لك تجربه خالتي وكنت معاها يوم ولادتها

عندهم الغرف الي ناااامت فيها روووعه نظيفه صرااااحه شي راااااقي

واكلهم شي خطير والممرضات طيبات وحبوبات

وعندهم اللجنه الدينيه اذا حسيتي انك مضايقه او مكتئبه كلميهم يرسلولك احد

يقرى عليكي ويسمع ايش مضايقك ويذكرك بالله وجزاء الصبر وكذا ..

كمان عندهم مستشارة الرضاعه تمر عليكي من وقت للثاني اذا كنتي حابه

ترضعي طبيعي تجي وتعلمك وتجاوب على اسئلتك وكمان تعطيكي رقمها

عشان لو عندك اي سؤال تقدري تكلميها باي وقت..

يعني بصراحه تحسي الكل مهتم فيكي وبطفلك.. زوجها يقولها متى تحملي

ثاني عشان نروح هناك هههههه لانه هو اتدلع معاها كمان بما انه مرافق..

بس يا ستي حبيت اقولك تجربتي مع خالتي بالتفصيل وبصراحه انا انبسطت

منهم واكثر شي عجبني فيهم حنانهم عليكي ومعاملتهم الطيبه..

الله يرزقني بالذريه الصالحه السلميه المعافاه عاجلا غير اجل واولد عندهم

[بحــ العيون ــــــــر]

الالماني عند دكتورة نسرين

[بحــ العيون ــــــــر]

هناك العديد من المستشفيات الممتازة في جدة
و انا ولدت قبل 14 سنة في مستشفى السعودي الألماني و كانت ممتازة و كذلك في مستشفى عرفان و ايضا كانت ممتازة
و لكن التكلفة عالية قد تصل الى 12 الف ريال
في حملي هذا سوف الد باذن الله تعالى في مستشفى جامعة الملك عبد العزيز لانها تابعة لتامين زوجي
و معلوماتي انها خارج التامين لمن لا يعملون بالجامعة تتكلف الف ريال
و رعاية و اهتمام باذن الله ممتازة
الله يوفقك للخير يا اختي و نصيحتي لكي ان تستخيري و ترتاحي في اول 3 اشهر و تاكلي جيدا مبتعدة عن الحوامض و الموالح و الله ييسر لك الخير و يعينك و يفرح قلبك بمولودك

[بحــ العيون ــــــــر]

هذوووووووووووووووولي اراء البنااااااااااااااااااااااااااااااااات
حبيبتي انا الين الحين ربي مااااااااااااااااااا ارد وان شااااااااااااااء الله يهون عليكي ويرزقني الذريه الصاااااااااااالحه ولا تنسيني من دعواتك

[سكون الفجر]

انا اراجع حاليا في سليمان فقيه عند د/ سحر مالودي
والله يفرج عني وعنك

[Orchid109]

بحر العيون ماقصرت
وللاسف ماعندي اي اضافة

موفقة