من تجربتي وتعالي بشريني الشهر القادم بإذن الله

[سعادة الروح]

السلام عليكم ورحمة الله وبركاته
حبيباتي أتمنى تجربوا اللي بكتبه والشهر القادم بإذن الله تبشروني

أنا متزوجة لي فترة ، مرت أشهر نحاول فيها الحمل بأيام التبويض ومايتم
ذهبت احلل عن هرمون الحليب والحمدلله كان تمام ولاعملت غيره، بعده قلت نستنى شوي ثم نبدأ نحلل عن كل شيء،
سافرت وبالسفرة آلمتني الدورة ألم شدييد واستفراغ اكرمكم الله
ضاق صدري وقلت مليت من آلامها لابد ابحث عن حل
راسلت وحدة تبيع اعشاب فقالت آلآلآم الدورة ممكن سدد وتجمد دم في الرحم
واعطيك لهم اعشاب
ماطلبت منها قلت اخذت أقرأ عن تجمد الدم وقلت بعدين اطلب ..

وهنا البداية بآخر ايام الدورة وضعت لصقات ظهر بظهري وزيادة كم يوم بعد الدورة ..
رجعت للبلد وكانت مخلصه فأكلت ماأظنه السبب بعد الله ..
أخذت عنزروووووت قطع وشربت بعده مويه والصباح ع طول ع دورة المياه الله يكرمكم ..

اخذته يومين او 3 ..

ولما قربت الدورة كنت أحس بآلآمها وباليوم اللي متوقع نزولها عملت خلطة منتشرة ومنزلة حتى هنا بالمنتدى وهي :
أخذت 7 حبات تمر سكري ونزعت النوى وأضفت عليه ربع كأس مويه
وخليته يموع في الفرن ثم أغلقته وأضفت ملعقة زيت زيتون وملعقة رشاد وخلطتهم وأخذت قرابة الملعقتين ...

العنزروت وهذه الخلطة أثناء الدورة لكن أنا عملتهم بعد الدورة ..
والحمدلله لم أرى الدورة
ممكن ماكان السبب بعد الله بخلطة الرشاد لأني كنت أحس بآلآلآم قبل اسبوع من الدورة وفسرت إنه سبحان الله آلآلآم بداية تكون الحمل ، وكنت لسى قد احضرت أعشاب لأعملها وقت الدورة خلطة ام عبدالعزيز لكن الحمدلله حملت قبل اعملها..ولو قلنا ممكن الحمل مو بسبب العنزروت والرشاد وكله بإرادة الله وتوفيقه لكن لم يحدث الحمل إلا هذه المرة.
فأنا هنا سجلت لأجل أضع تجربتي لعلها تفيد من تأخرت لسنين
ولاتقولوا فقط اللي عندها آلآلآم الدورة لا اكتبوا بقوقل العنزروت وابحثوا أيضا عن الرشاد ..
وتعالوا بشرونا الشهر القادم بإذن الله ..
ودعواتكم بأي يكن مافي بطني تام الخلق والخلقة وأن يكن له جمال يوسف وخلق محمد صلى الله عليه وسلم..