افكاركم لطرق تنظيم الوقت

[ملكه بعيون زوجي]

السلام عليكم ورحمة الله وبركاته
حبيباتي ياليت كل وحده تقولنا كيف طريقتها في تنظيم بيتها ومسؤولياتها وخصوصا لو كانت عامله وعندها اطفال وماعنده خادمه
انا مثلا معلمه تحفيظ مسائي وعندي اطفال روضه وتمهيدي وبنت عمرها سنتين مسؤولياتي اليوميه مابين المنزل والمذاكره لاطفالي وتحضيري لعملي و تجهيز الملابس والاكل
وادرس دوره مكثفه لحفظ القران كل خميس تحتاج مني حفظ يومي مكثف
ساعدوني بترتيب وقتي لعلي استفيد ويستفيد البقيه

[معانده]

هلا ياعسل
والله انا ربه بيت وعندي اولاد كلهم يدرسون
احب الانضباط مااحب الفوضى لكن اوقات اذا تعبت او طفشت اطنش
اهم شي الترتيب والغسيل اول باول حتى مايتراكم الشغل علي
احاول قد مااقدر مع الحمل اني اقوم باشغالي
وبيني وبينك عيالي الثنين الكبار مسوين لي ازمه
24 ساعه مضاربات تعبوني

[ملكه بعيون زوجي]

هلا حبيبتي معانده
اولا شكرا لمرورك العطر ياعسوله ثانيا تنظيمك لوقتك ممكن يفيدني وافكارك لتنظيم وقتي بعد تفيدني يعني اي مشاركه منك ومن الاخوات تفيد الجميع
اسال الله ان ييسر لك الحمل والولاده ويرزقك الذريه الصالحه المصلحه المعافاه ويقر عينك فيهم يارب

[معانده]

الله يسعدك ع الدعوه
انا اهم شي عندي انظف الحمامات اعزك الله كل صباح وارتب سريري والعيال يرتبون غرفتهم
الكنس بالمكنسه الكهربائيه كل يومين
امسح ارضيه المطبخ وطاولاته كل يوم بالممسحه العاديه مااقصد غسل كذا بيكون نظيف دائما
غسيل الملابس كل نهايه اسبوع لان غسالتي كبيره وتاخذ واجد
بصراحه التدريس معوده عيالي يعتمدون على انفسهم
واذا استصعبوا شي عند ابوهم لاني مو وجه تدريس اعصب بسرعه هههههه
حاولي تصحين بدري حتى تخلصي اشغالك وتجلسي مع اولادك وتشوفين امورهم
وبرضو تنامين بدري حتى ترتاحين كثير
اتمنى افدتك ياعسل

[jojo 123456]

مشكورة على الموضوع المفيد فعلا انا اعاني مثلك او يمكن اكثر لان زوجي عشوائي ويساهم قلب البيت رأس على عقب ويرمي غراضه بكل مكان الله يصبرني وانا ست عاااملة فعلا تعببببببببببببببببببببببببببت وانا بحاول اعلمه النظام بالزوق والهداوة بالصرااخ ما في فايدة طبع صعب او مستحيل تغيره

انشاء الله تكون في افكار حلوة وعملية من الاخوات

[طفلة خذت قلبي]

انا من ولدت الحين لي 3 شهور ونص وللحين مو عارفة انظم وقتي بس بعدين قررت
اني انام مع بنتي في الصباح لان بنتي ماتنام في الليل واذا جا الضحى اجلس اذا بنتي جالسة اشوف اذا تبي ترضع او الهيها بشي واقوم اشتغل اهم شي ارتب ومسوية جدول اني كل انظف شي يعني انظفه انظفه وبكذا تصير الشقة نضيفة اذا رجع زوجي من الدوام اباشره وننام تجلس بنتي العصر بس هي نومها مخربط يعني على حسب زوجي يكون نايم وهي جالسة احطها واشوف شغلي واكيد طبعا شغل البيت مايخلص يعني طول اليوم بين التنظيف وزوجي وبنتي اروح بيت اهلي يوم في الأسبوع او اذا تكرم علي زوجي يومين بس الوقت قليل كثير واذا بنطلع انا وزوجي وبنتي طبعا زوجي من النوع اللي يرمي اغراضه في كل مكان ولا يرضى لي اشيلهم يصارخ علي عاد انا وش علي منه اهم شي تكون الشقة مرتبة يصارخ ولا اعطيه اذني يبي اغراضه في كل مكان

[حياتي توأمي]

عجبني اسلوب معانده

ماشاء الله عليها

هذا اذا كانت الوحدة ربة بيت فقط

اما انا الله يعيني موظفة وربي يكون بعون كل موظفه ياااارب