حراره وزكام بعد ترجيع الاجنه واعراض دوره ام حمل؟

[أَمـل]

عملت اطفال الانابيب في ابوظبي مركز فقيه وكان عندي ترجيع بويضه واحده يوم الجمعه تاريخ 12
ومن بعدها اجتني سخونه وزكام واحتقان وحراره وتعب .. بعد الترجيع اول يوم كان عندي الم يمكن لاني حبست البول كثير تقريبا ساعه كنت مليانه كثيير حتى الدكتوره طلبت مني افظي شوي قبل الترجيع. وبعدها تنومت في المستشفى الحكومي كم يوم وخفت الحراره وصرت احسن، الدكتوره كانت تقول ماتخلي الحراره ترتفع كثير. لكن شسوي يارب الله يكتب لنا مافيه الخير.

المهم من ثاني يوم ترجيع حسيت بوجع دوره خفيف يروح ويجي ونادر تقريبا كان الين اليوم (السابع) واحس كل ما جاله يزيد الم لثواني ويروح مثل التقلصات واليوم بدا معاي الم في الصدر وحسيت بلوعه شوي واليوم في احساس غريب في رحمي كان فيه ثقل لما كنت متربعه عالارض للفطور. مع اني فاقده الامل بس رجع لي الامل قلت يمكن اكون حامل.

وعلى فكره انا تجيني الم في الصدر قبل الدوره وماعندي هرمون حليب مرتفع
بنات منو صار لها مثل هالاعراض وطلعت حامل؟

[نونة البحرين]

ان شاء الله يا رب اعراض حمل
ان شاء الله ربي يكرمك في هالشهر الفضيل

[تمنيتك بأحلامي]

الله يثبت جنينك يارب وتطلعي حامل
انا بعد الترجيع كانت تجيني الام الدورة وتعبت كثير
والام بالمبيض اليمين مثل التقلصات تجي لمدة ثواني وتروح
والحمد لله حملت الفال لك يارب ولكل منتظرة

[Safana]

اعراض المنشطاط تستمر ١٠ايام وهي نفي الاعراض اللي ذكرتيها
نفس مغص الدوره يجي ويروح سريع
وثقل في الصدر تقريبا مفس اعراض الدوره قبل تجي هذا شي طبيعي جداا
اما السخونه والانفلونزا كمان جتني وما قصرت فيني هدت حيلي
وجاني معها حكه قويه وعطاس
نصيحتي لك لا تكرري غلطي
ابعدي عن التوتر نهائي
ولا تشغلي نفسك بالحمل ابدا
ولا تجلسي تراقبي كل يوم وش الاعراض وايش تحسي
وتدوري بالنت اذا الاعراض صح او لا
لان بكل الاحوال المنشطات بتعطيك اعراض غير كل بنت كل وحده
وطبيعتها غير عن الثانيه
كمان اللزمي الراحه وكثري سوايل وابعدي عن الحارات والمقالي والامل اللي مو مفيد
ولو تقدري مل يوم اشرب عصير سفرجل ومل اربع بياض بيض مسلوق

ان شاءالله يارب يثبت معاك وتبشرينا قريب بحملك
ولو نزل منك اي افرازات بنيه روحي المستشفى عالطول يعطونك
ابر مثبته
بالتوفيق