استفسار عن اغراض النفااااااس

[حجــآزيــۃ]

السلام عليكم ورحمة الله وبركاته

كيفكم ي حلوآت ان شا ءالله بخيرآت ،،

الله يسهل ع الجميع

/

حبيباتي انا باذن الله باقي لي اسبوع وادخل التاسع ، الله يسهل علينا

وللحين ماشريت لي اغراض النفاس

ابغى مساعدتكم وفزعتكم ي حلوآت ، صرآحه انا قرأت كثيرمن البرامج

كلي واشربي ووووو... الخ ، وحده ثانيه تقول لا تاكلي هذا يسبب مدري وشو وهذا يجيب مدري ايش، يعني وحده تقول اشربي هالشي والثانيه تقول لا .

وانا احترت مرهـ ، وباقي الاغراض ماشريتها من عند العطار

عشان كذا ابغآكم تساعدوني وتعطوني الاشياء المهمة والمفيده اللي استعملها في فترة النفاس وياليت تقول السبب يعني ليش نستخدم هذا الشي

وغير كذا ماابغى استخدم اغراض كثيرهـ ، احس كثرة الشي يفسد الصحه ولا مو
//

ع فكرهـ انا بكريه ولا اعرف شي ولا عندي احد بالعايله اكلمه ويفيدني

العشم فيكم حبيباتي


بانتظاركم

[محجبه]

اهم شي لاتشربين اي بارد ولازم تدفين رجولك واكثري من شرب اي شي دافي
واكلي تمره النفاس حلوة ومفيده وخلي اكلك بر واتركي الحوامض بس لكن الادويه ماتصلح كثرتها
انا ناويه اخذ حلب اول الايام بس مااطول على اساس يقوي الظهر لانه يجيب الرطوبه للحرمه لكن بكثر من الماش لانه نفس الفايده ومامنه مضار
الشاهي خليه يانسون وشويه دارسين وزنجبيل رطب حلو
وقهوتك تصير قشر قهوه قهوه محموس وتحطين معه شويه مسمار بس
الصبح اشربي حليب مع عسل يعني خلي كل غذاءك مفيد معه تاخذين ملعقه ماش اوحلب
بس هذا اللي ناويه عليه وان كان فيه احد ناوي يفيدنا ربي يقويه
ومعلومه لاتدخلين طعام على طعام ولاتكثرين ادويه ماراح تنفعك

[أإأم ع‘ـــزُوـوزُ]

أإأنا مثلك بكريه ومو عارفه وان شاء الله البنات يفيدونا ....

[حجــآزيــۃ]

محجبة اشكرك مرهـ ماقصرتِ

ام عزوز حيآك



/


بنتظار الباقي

وينكم ي حلوات لاتقولو كلم بكريه وماتعرفو خخخخخخ

[جوري الدمام]

هع انا بكريه بعد ومحتاررره لووول

[الباشيه]

الغذاء المفيد وشرب السوائل
والابتعاد عن العدو اللدود للخياطه اللي هو ...الامساك
استخدمي ملين اسبوعين ضروري
وباقي الاعشاب مالها داعي وكلها خرابيط في خرابيط
واذا تبين مخده لراس المولود عشان يتعدل وما يميل ومافيه مثلها في الاسواق راسليني

[شمعة فؤادهـ]

امممممم انا بكريه زيك
اشكررك ع الموضوع
وان شاء الله كلنا نستفييد ويساعدونا الأمهات..

[العاااالي مستواها]

سلام على الحلوين بالكروش-برنامج نفاسي كتبته في موضوع اللي في فترةالنفاس حياكم ---من العجز اكتبه مره ثانيه-

[حديثة عهد]

بنات وشهو الماش مااعرفه

اختي اعرف المرة والشب تتبخرين بالشبة تضييق المنطقة ولمن الجرح يلتئم اغتسلي بالمرة

ومادري انا زيك بكرية ولسة باقيلي 4 اشهر