السلام عليكم رحمة الله وبركاته.
أخواتي المشتركات أتمنى من ربي يفرح كل وحدة بالطفل الصحيح السليم الذي تتمناه.حبيت أشاركم بتجربتي بأطفال الأنابيب وبكل تفاصيلها,لأني يوم عملتها استفدت من الموقع كتيير ومن كل نصيحة(طريقة النوم,الأكل,الشرب,المشي.........).شكرا لكل وحدة كتبت اي حرف.
أول يوم لترجيع الأجنة هو الأحد 12 نوفمبر .2017
اليوم الأول لترجيع الأجنة:العملية أخدت تقريبا 15دقيقة بغرفة العمليات ومكنتش صعبة ولا بتعور وبعدين اخدوني لغرفة ثانية وانا مسطحة على ظهري لمدة ساعة ورجولي مرفوعين شوي.بعد الساعة طلعت عادي مافيني ولا شي ولا ألم وروحت البيت بس حاولت أني اتسطح على ظهري في السيارة.أول ماوصلت البيت رحت عل السرير على ظهري,بالليل إبتد الألم الشدييييد من وسط ظهري لين وسط بطني من الجانب الأيمن,كنت بصحى بصرخ من شدة الألم ومافيني أخد ولا مسكن ولا أحط شي سخن ولا شي بس الدعاء والصبر.
اليوم الثاني من الترجيع: صحيت بنفس الألم من الجانب الأيمن,فطوري كان بيض مسلوق,جبنة,حليب,خبز أسمر,خيار,خص(فطوري لمدة أسبوعين بس البيض مش يوميا ومكنتش باكل اللأصفر بس الأبيض).الألم كان يجيني كل ساعتين لمدة 10دقايق تقريبا.الغداء كنت باخد كمان خيار,خص,خضر على شكل مرق مع لحمة او سمك (طول فترة الأسبوعين مأكلتش دجاج)أكلي من غير بهارات بس شوية ملح وزيت زيتون فقط.بين الوجبات كنت باخد فاكهة.
اليوم الثالث من الترجيع: الألم خف شوي وسرت أقوم بس أتمشى ف البيت هيك شي 10 د من الوقت لثاني مع نفص البرنامج في الأكل واخد الأدوية في الوقت مع الإبر(ابر البطن بتعور كثييير,كنت باخد كل يوم وحدة متل السم وبتخلي البطن أزرق وفيه بقع حمر).لين اليوم لسه مرحتش الحمام,حصل معي إمساك جدا قوي(انا بالأصل معي امساك)الأدوية والإبر بتخلي الإمساك جدا صعب,رغم أنو الدكتور وصفلي شراب دولفان بس معي ماعمل شي,صار معي جزيق وغازات بالبطن وألم,تواصلت مع الدكتور مشان أخد تحميلات بعد ماشرحتلو حالتي,شتريت تحميلات كليسيلاكس والحمد الله دخلت الحمام (اكيد مع شوية جهد مني وهذا غلط لأنو مش صحيح انك تدفعي بس في حالتي كان لازم لأني معي إمساك قويييي),على فكرة بنات حتى الخص والخضر بتعمل غازات رغم إنها فيها ألياف.
اليوم الرابع من الترجيع:ألم أقل, طلعت المستشفى مشان أخد إبرة التتبيت في العضل(مرة قوية وبتعور لمدة أسبوع).مع نفس برنامج الأكل(بنوع بالخضر والفواكه على طول اليوم) وكنت بشرب مي كتيير تقريبا 4 لتر او اكتر باليوم(انا بالأصل بشرب مي كتيير في حياتي العادية).
الأيام المتبقية نفس شي ألم خفيف في اليمين ومرات نغزات بالمبيضين والم بصدر نفص أعراض الدورة.
كنت بنام المدة هي كلها على ظهري وأصلي على الكرسي ولا حركة غلط وشوي شوي بتمشى بس بشتغل بالبيت شغل على الخفيف متلا اعمل أكل,أغسل المواعين يعني روتيني العادي بس من غير لا جهد ولا تعب ولا حمل اي شي,أكيد مفيش ولا إتصال جنسي.بالنسبة لنظافة كنت بغسل بس بالمي(عادي لا سخن ولا بارد) من غير ولا شي ثاني للأنو مواد كميائية.كنت كل يوم بقرأ صورة مريم وأسماء الله الحسنى على بطني وأستغفر وأعمل أدعية مختلفة.
اليوم 14 من الترجيع: عملت تحليل بالبيت فطلع سلبي,رحت المستشفى وعملت تحليل الدم لهرمون الحمل,هو كمان طلع سلبي يعني مفيش حمل:(.صراحة زعلت وبكييت مش لأني مش حامل( هذا كلو بيدي الله سبحانه وتوفيق منو) بس الألم الي مر علي والأدية والإبر والتحاميل...,الحمد الله على كل شي ولي فيه الخير ربي يعمل في الوقت الصحيح.
بنات أسفة طولت عليكم بس حبيت أشارككم تجربتي الأولى بأطفال النابيب وقولكم أنو عملو الي ممكن تعملوه والتوفيق من الله سبحانه وتعالى.ان شاء الله راح ارتاح شهر وريح جسمي من الإبر الي كنت باخدها وعيد التجربة ان شاء الله (دعولي).ربي يكتبلي ولكل محرومة الذرية الصالحة.
11-27-2017, 02:49 PM
تجربتي مع أطفال الانابيب بالتفصيل.
lina6 
رد: تجربتي مع أطفال الانابيب بالتفصيل.
جديد منتدى منتدى أطفال الأنابيب
العرض العادي
