تجربتي في الحمل بالتفصيل ..

[Hana221]

السلام عليكم ورحمه الله


كيف الحال ان شاء الله اقدر افيدكم بتجربتي لو شي بسيط ..

اول حاجه/ الدعاء دعيت ربي بكل صلاه ويوم عرفه ماخليت الوقت يخلص الاوانا ادعي بالحاح اني احمل ..
ثاني شي / ي بنات الاستغفار بنيه الحمل كل يوم 500 مره او 700 ع حسب ماتقدري بس اهم شي النيه ..
ثالث شي / زوجك مايستعمل ولا اي نوع من المسهلات خليكم ع الطبيعه لان المزلق وهالامور تقتل الحيوانات المنويه وتستلقي ع ظهرك وترفعي رجولك ساعه وبعدها تنامين ..
رابع شي / زوجه اخوي عطتني رقم حرمه تعالج طب شعبي وقالت احكي لها عن كل شي صاارلك في تاخر الحمل
وكلمتها هي حرمه كبيره من اهل القصيم وقلت لها عن تاخر حملي واني اتعالج وزوجي معاه ضعف وكل شي حكيته ..
قالت ي بنتي انتي مشكلتك مو كبيره وسهله بس اسمعي كلامي ونفذيه صح وان شاء الله انك ماتشوفين الدوره من غير شر

قلت لها تفضلي قالت انتي علاجك براسك قلت شلون قالت التفكير والقلق والتوتر يفرز هرمون يمنع الحمل والضغط النفسي
انصحك انك تحطين كل يوم قبل النوم كماده دافيه ع راسك لمده ساعه على كل الجهات من قدام وورى وعلى الجنبين
بعد الدوره لين الدوره الجايه ولا تنسين ولا يوم الكماده تلين العروق وتخلي البال يرتاح وتنامين بدون تفكير ..

واذا جاتك الدوره تعالي عندي واعطيك علاج عباره عن
( عسل مع خلطه - وزيت السدحان- وبودره عباره عن القصب الهندي )
هذا العلاج حق شهرين انا ي بنات ماشريته خذته من زوجه اخوي لانها سبحان الله حملت ومعاد تحتاجه ..
وخليته عندي وانا بعد حملت ولا صرت احتاجه وعطيناه بنت محتاجته ماحملت ..
انا وزوجه اخوي استعملنا الكماده وحملنا الحين بيني وبينها اسابيع سبحان الله كل شي بقدرته ..

المعالجه هذي بالرياض اللي تبي رقمها تكلمني خاص ..
انتو تسببو بالاسباب والامر بالاول والاخير بيد ربي العالمين ..

[υм вtℓαα]

وعليكم السلام
الله يتمملك ع خير يارب
وجزاك الله خير

[ردينة عمر]

يعطيك العافية
وان شاء الله تقومي بخير وسلامة انتي والبيبي

[جنا الورد]

سبحان الله اول مره اعرف هالشي الله يسهل عليج الحمل والولاده يارب

[بلقيس محمد]

جزاك الله خير

[Hana221]

الله يسلمكم كلكم ويرزق كل محرومه ي رب ..

[moonnn]

الله يتمم لك على خير وتولدي بسلامه

[منار 11]

الف مبروك اختي الله يثبته لك وتغر عينك بشوفته
بسألك عن الكمادة
يعني مثل الكمادة العادية اللي نحطها ل ألم الدوره
ولا كيف ؟؟
اذا ممكن توضحي لنا كيف الكمادة
لاني انا بعد من كثر التفكير لحد الان ماحملت وكل شي سليم

[تمنيتك بأحلامي]

مبرووووووووووووووووووووووووووووووووووووك حبيبتي
والله فرحت لك من كل قلبي
انتي جيتي لموضوعي كان تتذكرين ^_^
من وقتها وانتي في بالي افكر فيك
الحمد لله ربي رزقك بالحمل وان شاء الله يرزقك ويقر عينك بشوفة جنينك بحضنك
اهم شي خليك مرتاحة ولاتجهدين نفسك وربي يتمم لك على خير

[شهد سرايش]

مبووووك حملك وانشاء الله يزقنا كامل الذرية