والله تعبت نفسي احس اني متزوجة

[رهومة]

السلام عليكم ورحمة الله وبركاته

مشكلتى اني نفسي احس اني متزوجة

.................................................. .

انا متزوجة لى سنتين

السنة الأولى قضيتها في غربة بعيد عن اهلى واهل زوجي

وكانت من احلا سنين حياتي رغم اني اسقط فيها وكنت بعيدة عن اهلى

لاكن كان زوجي رجال تاني

كان رايق وهادي ويخرجنى ويمشيني ومو منقص عليا شي

رغم الظغط النفسي الى كنا نحس بية الا اننا كنا والله في نعمه كبيرة


السن التانية .....

جا لزوجي نقل من المنطقة الى كنا فيها للمدينة الى فيها اهلى واهلو

وكان ليا شقة من يوم ماتزوجت في بيت اهلو كنت انزل فيها في الإجازات

لاكن لمانقلنا سارت ليا على طول


الدور الأول ام زوجي و ابو واتين اخواتو

الدور التاني احنا

والدور التالت (اخو زوجي و مرتو و بناتو)

كل مشاكلى بدات لما نقلت

انا كنت متفقة مع زوجي قبل لاننقل ان ليا يوم في الشهر اخرج معاه لحالى

وعادي يعني باقي الايام لو خرجنا مع اهلة نحب انا وزجي الجمعات

كان يخرجني كل صباح خميس

يمشيني ويفطرني ومرة كنت انبسط

في البداية بس اول كم شهر

بعدين سارت مشكلة مع امو و ماعاد سار يخرجني ابدا

إلا لسبب ضروري يعني انو خروج حق انه يمشني مافي

المشكلة التانيـــــــــة انو مرة ساير عصبي وعلى طول مشغول في بزورت اخو

دي مريضة ودي تعبانه ودي مش عارف ايه وهوا السواق حقهم

المشكــــــلة التالتة والادهى والأمر مرت أخــــــــــــــــــو

كل شي زوجها ملزوم بية تطلبو من زوجي

حملت قبلى ب3 شهور

وانا بعدها تخيلو 3 شهور وهيا ماراحت لدكتور نساء وولادة
لما بديت انا اراجع اسبوعيا لانو كان عندي اسقاط سابق سارت تجي معايا
وماتفوت موعد وتحاليل وادوية وكل شي صحيح انو مابندفع لها ولا شي بس ياجماعه انا رايحة موعد دكتور يعني نفسي اخد راحتي عند الدكتور احيان يكون عندي التهابات الله يكرمكم احيان ابغا اسأل الدكتور شي عن الجماع ماتفارقنا ولا موعد

تعرفو احيان الوحدة تخرج من الموعد نفسها تروح تاكل اسكريم

مع زوجها تشرب عصير دي لاصقة في حلقنا

لاوكمان تطلب وقف عند صيدلية وقف في بقالة ابغا اسكريم

وكانت تجلس معايا في انتظار النساء في المستشفى تقولى ياحظك جوزك يوديك ويجيبك ويخرج انا زوجي مايوديني بالله ازا رحتي السوق الفلاني قولى لى اجي معاكي سمعت ان في السوق دا تخفيض ابغا اروح قولى لزوجك يودينا
وانا كنت زي الهبلة اقولو ودينا مرت اخو تبغا تروح تقضي وكان يودينا

لاكن في مرة طلبته يوديني سوق في جدة وومر ليا 3 شهور وانا اشحته يوديني
والله ماوداني لليوم وسكت

وقبل كم اسبووع كان عيد ميلادة قبلها بشهر قريت في الجريدة ان قزاز مسوى تخفيض قلته وديني وديني والله مر اكتر من شهر وانا اشحته يوديني وماوداني
وفي يوم غصبت عليه ورحنا قبل لا المحلات تفتح ب نص ساعة مريت من المحل قال مقفل شفتى وماعاد وداني تاني

وطبعا اهلو يطلبو منو يخرجهم المكتبة السوبر ماركت المستشفى

انا ما اقول على امو وابو شي لأنهم كبار بالسن وأنا ليا أم وابو يطلبو من ولدهم المتزوج يقضي لهم اغراضهم لازم يبر امو ابوه مايضايقني انه يقضي مشاوريهم

إلى يقهرني إن مرت اخوه ماتطلب زوجها تطلب زوجي انا وكأنو سواق عندها

وتخيلو زوجي يقولى طلباتك كتير

والله ياجماعه ما اطلبو إلا اللازم والضروري جدا

بس في انا دايما الى غلط وكلهم على حق

انا ابغا منكم حل

انا براجع عند دكتورة في جدة وانا من مكة

وماما لها بيت في مكة وبيت في جدة واصلا يوم الربوع دا حق اهلى

ويوم الخميس حق اهل زوجي يجتمعو فيه

وزوجي مايطلعني جدة اسبوعيا ازا كانو اهلى في جدة لا اسبوع واسبوع

والأسبوع دا مارحت شفت امي لاكن الأسبوع الجي قلت احجز عند الدكتورة واروح لماما لانها بجدة

وام زوجي دوبها بتقلى يالله دقي على المستشفى لاتنسي تحجزي قلتها ايوا ان شاء الله بكرة جاتني مرت اخو قالت لي انتي رايحة للدكتورة يوم الربوع

قلتها ايوا شكلها تبغا تجي معايا وانا مواعدة امي واخواتي اني ابغا اروح لهم بعد الموعد

انا ابغا اموووووووت من القهر لأنو لو زوجي عرف اظن مابيخليني اروح لأمي

انا مانمت من التفكير ياربي اش اسوي

انا فكرت اني خلااااااااااااص ماعاد بصبر ابدا لمتى بسكت

انا لو قالت بروح معاكم رح اروح لزوجي واقوله لو راحت معانا ترى بعبي شنطتى واروح لأهلى وانتا اقعد السواق حقها وخرجها وشوف طلباتها

وبقوله اني تعبت وطفش من دا الوضع وبقوله اني احس اني مو متزوجة
كل حياتنا يشاركونا فيها انا ملييييييييييييييييييييييييييييييييت

تخيلو والله يوم عيد ميلاد زوجي اتضاربت مع زوجها وبعد ماجهزت له حفلة بسيطة في بيتي قالت مرت اخوه لأم زوجي بنتي تعبانه وخلى عمها يوديها المستشفى سابني في البيت وانا لابسة ومتشيكة وخرج يودي بنت اخوا المستشفى

وغيرها من المواقف والله ماني عارفة اش اسوى بالله انصحوني وكيف اتعامل مع مكلة يوم الربوع دي من جد انا ناوية اروح بيت اهلى لو قالت انها جيا معانا

الله ينكد عليها عيشتها ويخرب بيتها زي مانكدت عليا و ضايقتني

حسبــــــــــــــــــــــي الله وحدة ونعم الوكيل

[رهومة]

15 مشاهدة ولا واحد رد

[جود الاماسي]

الله يعينك عن جد لزقه انا لو مكانك بقول رووووووووح تنزوجها احسلك اخوك ماله لزووووووووم ههههههههههه امزح كلميه معقوله هو مايقدر احسك مره طيبه وعلى نياتك

[عاشقة طيور الجنه]

وربي حاسه فيك يالغلا بس حلو انك انبسطتي سنه

انا بعد زواجي بكذا شهر رحت اخذ عمره انا وزوجي وهذا اول مشوار لي معه

والله ماكذبت امه واخته واخوانه 2 شباب رايحين معنا بنفس السياره

بس بعدين صرت اتفق معه نروح لوحدنا ومانبي ازعاج وماحد يعرف عن روحتنا غير لمن نمشي

حاولي تكسبي زوجك وبعد ماتكسبيه راح تختاري مين يروح ومين يجلس

بالتوفيق يالغلا والله يعينك

[عزيزة النفس]

الله يعينك عليها بيني وبينك سبب وجع الراس زوجة اخوه الله يهديها شايله الكلافه بزياده وكانها اختك او اخته
بصراحه هي غلطانه ومالها حق تسوي هالاشيا وتمون عليكم وكانه مالها زوج حتى اللي مالها زوج تستحي تكون غثيثه
انتي كلميه وفهميه مره ومرتين وثلاث وبعد الثالثه من حق تزعلي وانا اقول نبهيه علشان ما يقول طلعت بدون وزعلت بدون سبب او ما عنده معرفه بالسبب
الله يعينك على زوجة اخوه والله شي يفقع القلب

[عزتي ماهي غرور]

حبيبتي .. مابعد حكي عزيزة حكي كفت ووفت .. ظروري تنبهين زوجك على إلي بيصير لأنه من المتوقع مايكون حاط باله يعني بيتصرف بحسن نيه .. ويمكن زوجك متعود على هالوضع قبل لايتزوجك .. أنا من وجهة نظري مايصير إنك تهدين بيتك وتروحين لأهلك شوفي الوقت والفرصه المناسبه وإحكي معه .. أما بخصوص زوجة أخوه إذا مره ثقلت العيار عليك كلميها ونبهيها لتصرفاتها .. وبعد كذا لو ماتغير شي ماعليك عتب بأي قرار تتخذينه
أسأل الله العظيم بإن يهدي سركم ويألف بين قلوبكم .. بالتوفيق

[رهومة]

ااااااااااااااااه

والله تواجكم نور صفحتى وخفف من مصيبتي ومأساتي مع الأدمية دي حسبي الله ونعم الوكيل فيها

ربي يلاقيها بكل سوء جابته ليا في صحتها وعافيتها وسعاتها

شكري وتقدري لكل الأخوات الى رد عليا

أختى
أمــــــــــــيرة بخطوتها

دعـــــــــــــــــوتك لى من جد فتحت باب ألفة بيننا رغم إني ماشفتك ولا أعرفك لاكن سبحان الله
العلى القدير محبتك في الله ولله نزلت بقلبي

[مامت ملك روحي]

ربنا يعينك ياحببتي بس عيزاك تخليكي باردة زيها ومتقوللهتش اي حاجة عنك و حولي تتجنبيها علي متقدري 000واهلة متنزليش عندهم وأما يسألك قولي لة هوأنت بتخليني أزور أمي علشان أزور أهلك و أعملي تعبانة وخلكي نايمة000ومتقوللهاش أي حاجة زوجك بيعملها معاكي علشان شكلها عينه وحشة واما تروحي للدكتور وتقولك أجي معاكي قولي لها أي حجة يمكن تحس شوية000أما التوصيلا ت اللي بيعملها زوجك متكلميش فيا علشان هو كده كده هيعملها و حتطلعي أنت الوحشة00فكبري دماغك وخليكي باردة علشان لما حتتعبي محدش حينفعك ويارب تجيبي نونو حلو زي بنتي السلام عليكم ورحمة الله وبركاته السلام

[أم احمد]

الله يكون في عونك يارب بس لازم تحطي حد....

[ام ربى]

رورو انتي كلميها وقوليلها معليش هدي المره ماقدر اخدك معايا عشان رايحه عند اهلي من زمان مو شايفتهم..
والمره التانيه اعتذري منها بحجه انك رايحه تتمشي مع زوجك حتى ولو مو خارجين بس صرفيها ..
والشي التاني اكيد زوجك كان من قبل الزواج معتمدين عليه في كل شي وهذا فتره وان شاء الله تروح انتي عليكي بالكلام الطيب والهاااااااااااادئ وتتهميه بالتقصير حاولي تفهميه في وقت مناسب لكم كلكم..
واذا الحرمه دي مرره مافهمت من التصريفات اعطيها على وجهها وقوليلها اني ابغى اخرج مع زوجي لوحدي...
وبكيفها تزعل مع نفسها بس اكسبي زوجك.
والله يهدي سرك..