بالنسبه لسرير البيبي

[برين]

السلام عليكم ورحمة الله وبركاته

بنات البارحه رحت ادور لسرير حق البيبي انا في نص التامن و احترت خصوصا اني بكريه و مو عارفه ايش الفرق و مين احسن مع العلم اني ما احب الخشب قلولي مين احسن المهد مثل ه الصوره؟

او البلايبين الي بالصوره هاذي؟؟



مين احسن لبيبي حديث الولاده؟مع العلم ان الي فوق بالصوره الاوليى ينفصل و تقدري تاخذينه اي مكان مثل المهد .و التاني مدري ليش احسه نفس النتيجه طب مين اشتري؟؟؟

[شعولة ميشو]

هلا فيك حبيبتي : الله يقومك بالسلامة ويسهل عليك انشاءالله
مع ان بكرية مثلك ولسة بدري علي الولادة ، انا افضل الاول احسن ، احسه اكشخ واحلى بصراحة وانتي لك الخيااااار وموفقة غلااااااتي.

[Almasah]

انا ااشوف هذا الثاني احلى

وانتي اللي ترتاحين له اكثر توكلي على الله

[أيوش الحلوة]

حبيبتي لو كنتي تبينه لأول كم شهر من عمر البيبي بس و بعدين تشوفيله واحد ثاني انصحك بالاول لأنه يجي منه أشكال جميله و الوااان روووعة
ولو كنتي تبينه دااائما يعني لعمر السنتين مثلا لازم الثاني لانه اكبر .. الصراحة ما عندي خبرة و ما أقدر أقولك الافضل الخشب أو البلايبين لأني بكرية
أتمنى البنات يفيدونك ^_^ وتقومي بالسلامة يااارب
دعواتك لي بولادة ميسرة

[أم بسوولي]

أنا كمان بكرية وأفضل السريرالثاني لانه يخدم معاك مدة طويلة أما الاول يخدم في الشهور الاولى فقط

[ANGEL~]

بنسبه لسرير الأول انا انصحك لا تاخديه اول شي انا اشتريت واحد من مذركير

وربي يهد الحيل لمن اخرج اتقل من البيبي نفسو .. ثاني شي استخدام كم شهر وتستغني عنو لانو البيبي يكبر ويحتاج سرير اكبر .. يسموه سلة موسى ..

صح تكرهي الخشب بس فى نظري افخم شي ..

شوفي سرير بنتي مع الدولاب انا طقمتو والدولاب مرا عملي فيه بانيو صغير لتحميم البيبي وكمان قطعه تغيري لبيبي فيه


ودي صوره اقرب لدولاب ... عندكـ سلة موسى بداخل السرير حمولهـ على الفاضي


بنسبه لسرير التاني اللي تسالي عنو ماعرف عنو ولا كان افدتك فيه

تحياتي لكي والله يقومك بسلامه انتي والبيبي

[برين]

المشاركة الأصلية كتبت بواسطة angel~

بنسبه لسرير الأول انا انصحك لا تاخديه اول شي انا اشتريت واحد من مذركير

وربي يهد الحيل لمن اخرج اتقل من البيبي نفسو .. ثاني شي استخدام كم شهر وتستغني عنو لانو البيبي يكبر ويحتاج سرير اكبر .. يسموه سلة موسى ..

صح تكرهي الخشب بس فى نظري افخم شي ..

شوفي سرير بنتي مع الدولاب انا طقمتو والدولاب مرا عملي فيه بانيو صغير لتحميم البيبي وكمان قطعه تغيري لبيبي فيه


ودي صوره اقرب لدولاب ... عندكـ سلة موسى بداخل السرير حمولهـ على الفاضي


بنسبه لسرير التاني اللي تسالي عنو ماعرف عنو ولا كان افدتك فيه

تحياتي لكي والله يقومك بسلامه انتي والبيبي

مشالله تبارك الله تجنن الغرفه كلها مو بس السرير بس انا برحل على ولايه تانيه عشان كذا بدري ع الخشب يعني تقدري تققولي مو مستقره لسه بس الكل ما ينصح بالاول الا الشكل بس.

[ANGEL~]

تسلميلي ياغاليهـ

بس مدامكـ متغربه خدي سلة موسى .. المهد قصدكـ بالقاعده تبعها عشان ما تعبك
عاد الله يعينك راح تغيريها بعد فتره لانو وربي انا مجربه مرا مو عملي للخروج انا لمن اخرج
فى المهد تبع العربيه اللي يثبت فى السياره اخدها بيه حتى عند الناس اخف زي دي القطعه


اخدلها معايا سليب باق تنام عليه واشيلها من المهد تبع العربيه



تحياتي لكي ياعسل ..

[نَيرُوز]

ان شاء الله يارب يجي هداك اليوم احمل فيه واحتار متلك اي سرير اشتري

ربي يقومك بسلامة يارب

تحياتي لك

[حلا جده]

صدقوه اول مره اسمع اسم سلة موسى كيف شكله اخاف اوقول عند المحلات ويضحكو عليا اتمنى تفيدونى