ساعدوني ارجوكم مشكلتي مع اهل زوجي

[ام مااهر]

بنات تكفون ابغى من يسمعني مالي غيركم افضفض لكم لاني حامل ومتضاااااايقه من اهل زوجي ماني عارفه وش اقول وش اخلي !
ياليت تستحملون كلامي اللي بفضفض فيه وتنصحوني ،،، انا متزوجه ورضيت اسكن بنفس البيت مع اهل زوجي لاني احب زوجي من قبل الزواج وهو يموت فيني وجدا حنون المهم انا لي غرفه فقط في بيت اهل زوجي لان زوجي هو الرجل الوحيد في البيت وساكن معاه امه و2 خواته 2 جداته وهو اللي يصرف علينا وكل شيء فوق راسه > وانا زوجة ولدهم اصغر واحده في البيت كلهم اكبر مني و
االلي يضايقني من اهل زوجي امه واخته الكبيره يا بنات هم طيبين وانا مرتاحه ما اشتغل لاني حامل بس اهتم بزوجي وغرفتي لكن اتضاااايق من امه واخته لانهم يدخلون غرفتي ويفتشونها درج درج والله احس نفسي بموت قهر احس اني احيان اظلمهم واقول ليش اكرههم وهم ناس طيبين,،
واحيان انقهر من تصرفاتهم بالذات اذا كنت نايمه تجي اخت زوجي الكبيره وتفتش غرفتي مثلا تدور على استشوار وانا احس بموووت من القهر ما تحترمني ع الاقل تسألني وانا بعطيها حتى لو كنت نايمه بصحى واقولها على المكان بس هي تحب تقلب الدولاب وتشغل اللمبه وانا اكره ذي الحركه حتى ام زوجي تسويها @ مو بس كذا وكمان لما زوجي سافر قبل اسبوعين ترك مصروف البيت عند امه وانا عطاني مصروف شخصي لي قال هذي لك ...المهم ام زوجي ما تعرف تتصرف بالفلوس الله يهديها زوجي على قد حاله ومسافر ومحد عندنا يصرف علينا و تخيلو راحت السوق واشترت ملابس لها من مصرووووف البيت !
والله ما اظلمها هي قالته بنفسها قهررررتني والمشكله خلص المصروف وطلبتني وبصراحه قلت لها ماعندي !!! وانا كان بقي عندي من مصروفي الشخصي 100 وكذبت عليها و لا تلوموني والله انقهرت من تصرفها !
والمشكله انا حامل اه كان نفسي بخضار وفواكه واخوات زوجي اخذو من المصروف واشترو طلبات البيت ولا سألوني وش تبين وش نفسك فيه !
بجد بكيت من القهر المصروف بين ايديهم وانا عارفه اني اذا قلت لزوجي بيقول اهلي زي اهلك وامي زي امك ليش انتي حساسه ومدري ايش!!
يا بنات اسفه طولت عليكم بس والله احس اني اكرههم من قلبي وبنفس الوقت ما اقدر اسكن لوحدي لان زوجي هو اللي يصرف و صعب يخليني ببيت لوحدي اصلا ما عنده فلوس تكفي انه يستأجر شقتين مثلا !!
مدري انا حساسه لاني حامل ولا من حقي ازعل شورو علي يا متزوجات انا صغيره وما اعرف وش اسوي اذا قلت لزوجي بيقول انتي حساسه واذا سكت احس بقهر في قلبي وانا ما احب اعيش مع قهر ونكد بداخلي

[بشرى الحمود]

اولا كيف يدخلو ويطلعو من غرفتك ...ليش مو مقفلتها؟؟؟
اشبكم كلكم كذا ..وحده كمان نفس مشكلتك ياختي قفلي بابك عليك كيف تنامي والباب مو مقفل !!!!!

بعدين ترى من حققك تشتري ثلاجه صغيره تحطيها بغرفة نومك ذيك الصغار تعرفيها حقت غرف النوم ومعاه قفل قفليها كمان مو تخليها مفتوحه سرداحي مرداحي الي يخش يفتح ...
خلي زوجك يشتريلك وحطي فيها كلللللللللللل الي نفسك فيه ...واذا عرفو واكيد بيعرفون قولي لاادويتي وعلاجاتي عشان ماتخرب وعشان تعب كل شوي طالعه رايحه للمطبخ اذا حطيتها في ثلاجه المطبخ ..وكمان ماعليك منهم لا تقعدي كمان تبرري اي شي تسويه لانك متزوجه وعندك خصوصيات ...
تعلمي وتعلمو كلكم تحافظو على خصوصياتكم ...
والا بالنهايه راح تجيكم عقد نفسيه ...

[ام مااهر]

هلا اخت بشرى اشكرك كثير رفعتي من معنوياتي وحبيت اوضح لك ان غرفتي بنص البيت وزوجي يروح الدوام في الصباح عشان كذا الغرفه تكون مفتوحه عشان زوجي يرجع من الدوام قبل الظهر وانا نايمه !!
وبالنسبه للثلاجه زوووووجي اذا كلمته بالامور هذي واني احب الخصوصيه والراحه يقول اني انانيه وما احب اهله !
وبصراحه مستحيل احب عمتي مثل امي فرررررق تعرفون وش يعني فرق صعب احبها بقلبي زي امي وليش اكذب !!
وبعدين عمتي جريئه مره وكلامها احيان زي الطعن وتصرفاتها فيها لقافه وامي سبحان الله رغم اني بنتها ماعمرها فتشت اغراضي ودولابي !!! وانا بنفسي ما احب افتش غرفت ام زوجي وبناتها والله العظيم استحي !!!!
لكن هم ياسلام عيني عينك انا مللليييييييييييت وجتني عقده منهم كرهتهم صدق المثل اللي يقوووول <
ابعد بعيد حبك يزيد <
وربي متحطمه نفسيا اذا قلت لزوجي ادري انه بيحط الغلط فيني انا لاني اصغر وحده وبيقول اني ما افهم في الحياه وهو حنون يحب اهله وما يبغى يحرمهم لكن الصبر الصبر الله يعين لو ادري ان السالفه كذا ما كان تزوجت الا بشرط بيت خاص

[فوضت امري لله]

حبيبتي تبين نصيحه من اخت متزوجه لي 12 سنه

لاتكبرين الموضوع عادي انتي قلتي انهم طيبين عادي والله عادي وخليك زيهم ادخلي غرفهم عادي و\وري اللي تبين واعتبريهم خواتك

وهي اعتبريها امك لاتقولين مااقدر

احسك تغارين منهم ليش ماادري

عادي ياقلبي الدنيا تتروح وانتي بالاخير تتكسبين زوجك واهله
وانتي قلتي انك ماتشتغلين يعني لو فيهم حقد كان شغلوك حتى لو كنتي حامل الحمل مايمنع الشغل


تعوذي من الشيطان واذا كانوا طيبين كوني اطيب منهم
عادي جدااااا

بالنسبه للغرفه اذا طلع زوجك اقفليها وقولي انا نومي خفيف واخاف لما احد يدخل علي
--------------------------------------------------------------

[ام مااهر]

معليش اختي انا اعارضك بالهشي لان الزمن تغير والوحده تبغى خصوصيه بس تكون بحدود وبدون مبالغه @ وثاني شيء والله ماني غيرانه بلعكس انا لما حكيت عنهم ما كنت حاقده بس من تصرفاتهم كرهتم وبعدين انا ما افكر اني احرمهم من ولدهم واخليه يعطيني ويمعنهم لا والله بس المسأله ان عمتي ما حبيتها لاني ببداية الحمل والوحم كنت احبها. واشوفها زي امي بس انصدمت انها تشكي مني عند بناتها لاني ما اشتغل وانا والله كنت تعبانه ونفسيتي زفت وتوقعتها تعذرني بس هي كانت تشيل بقلبها وما تكلمني @ اكثر من مره اسمع السب من وراي ومن ذيك اللحظه وانا ما احبهم كثير وترين والله الشخصيه لها دور بالحياه انا شخصيتي احب الخصوصيه وما احب اتلقف ع اغراض الناس وبنفس الوقت ابغاهم يعاملوني بالشي هذا. وبصراحه بكيت من كلمتك تقولين اني اغار بلعكس من حقي اعيش في خصوصيه مع زوجي ما اظن اني ظلمت احد بشي اه ياربي لا تؤاخذني

[ام مااهر]

وانا والله ما اظلمهم بشي وزوجي ما يأخذني مكان الا ويأخذ خواته معاي وانا ما اعترضت ولا زعلت @
بس والله تربيت على اني اكون احترم وابغى من يحترمني بس احس استهتار بالذات لما سافر زوجي حسيت بأنينه منهم فضيعه بالذات اخت زوجي الكبيره يعني لاني اصغر منها ما تحترمني ؟ في اشياء كثيره ما قلتها وربي انقهر لكن محد يحس فيني ودايم اللوم علي انا !
شكلك بالك طويل يا اختي و ترين ذكرتيني بأختي الكبيره عاشت مع طبينتها وكأنهم خوات ماشاء الله وربي منجد خوووووااات قليله في حقهم @
بس انا احس نفسي ما تأقلمت ابد مو لاني غيوره او حقوده
اتمنى حد يفهمني بس عارفه بتقولون العله فيني

[فوضت امري لله]

ياعيوني عسى ربي يفرجها عليك باذن الله

وفعلا انا بالي طويـــــــــــــــــــــــــــل جداااااا

الله يعينك ياقلبي ويفرج همك حبيبتي وانا موقصدي اقول انك نغارين انك تزعلين مني لا انا اعتبر نفسي مثل اختك

وانصحك فقط لاغير

تدرين ياقلبي اني صبرت 9 سنوات وانا متحمله هم مايشيله الجبال والحمدلله رب العالمين فرجها ربي علي فرج ماكان

ببالي ابد ابد ابد

ياعيوني كنت لما احمل مااحد يرحمني رغم اني اعاني من رخاوة بالرحم ولازم راحه ومثبتات

والله كنت ادربي بطني واشتغل واشيل واطح والحمدلله فرجها ربي سبحانه

حبيبتي اشكي لرب العالمين واذا سجدتي
ردد(ربي اني لما انزلت الي من خير فقير)
و(فتح من الله ونصر قريب)

كنت دايما ارددها وجاني بيت ماكنت احلم فيه لدرجه ان خوات زوجي يقولون هي اللي اصرت ينفصل عن اخوه

رغم انه يشهد رب العالمين علي انه بعمري ماقلت له ابي بيت مستقل ابد

وفرجها ربي علي--------خلي ايمانك بربي حبيبتي وسترين الفرج

وامه اصبري عليها والله يعينك عليهم يارب

__________________________________________

[أعشقه]

خلي زوجك يسوي له مفتاح للغرفه واذا الصباح طلع خل يقفل الباب عليك وانتي عندك مفتاح للغرفه اذا جلستي فتحي من مفتاحك بابك وهو اذا جا وانتي نايمه يقدر يفتح الباب بمفتاحه
بس ابد لا تخلين لا اخته ولا امه يدخلون غرفتك الا باذنك
وانا معك غرفة النوم بكبرها خصوصيه لك ومو من حق اي احد يدخلهااا
لازم يعرفون هذا الشي .. انا مثلك ساكنه في بيت اهل زوجي وبغرفه بس وقبل الوضع مثلك وبعدها ابوي عرف بالسالفه
وهاوشني ومنها سويت مثل ماقالي ان الغرفه لها خصوصيتهااا مكان نومك انتي وزوجك ولك اغراض ومستلزمات خاصه
الغرفه لازم تكون مقفوله وهذا مب عذر انها تكون مفتوحه عشان انك نايمه لو تبين انتي احرصي ع هذا الشي ودام متاذيه حتى لو تبين اذا زوجك مشى الدوام انتي قومي وقفلي الباب لو رجع خل يتصل عليك او يدق الباب عليك وانتي تفتحين
اذا الحل بيدك سويه ولا تحطين نفسك بهم وانتي حامل وربي يسهل وييسر عليك

[بشرى الحمود]

يب موضع القفل سوي زي ماقالت الاخت (اعشقه)..
ومااظن الموضوع يزعل ...قولي لزوجك مرات انام بقميص النوم مرات يروح الغطاء عن جسمي وتنكشف رجولي مايصير احد يشوفنى بهذا المنظر ..
وموضوع الثلاجه ماظن بيزعل ..قولليله انه الحب موجود اش دخل الحب بثلاجه وقفلت باب فاهمه يعني فهميه وحسسيه انها اشياء ظروريه مالها دخل بحب اهله وكذا ..
حاولي معاه وبيني دايم انك تحبي اهله وهذي الامور الي تطلبها عاديه وحق من حقوقك وان فيه اشياء عيب احد يشوفها ..

والله يعينك ...يارب

[بشرى الحمود]

لا بالعكس هذا حق من حقوقك ...مدام ماظريتي احد ولا اذيتي احد ...
اختي عاشت مع عمتها تكرف لهم ليل نهار وقمت التحقير والاهانه والتحكم ...والله العظيم اختي الحين عندها مرض نفسي خطير ..واكتاب حاد..تاخذ ادويه وابر... لان اختي طيبه مرة مو غبيه بسس طيبه ومحترمه وتشيل بنفسها وماتقول لامي عن اي شي يقولوه كانو زي كذا بالظبط يخشو غرفة النوم بدون اذن اذا لبست اولادها لبسس ذوق ومرتب يقول ايش الخساير خسرتي ولدنا كل شوي لبسس ..واذا مشاها باليل تهاوش عمتها والخ كللللللللللللام كثير الحمدلله بسسس
لانها مره طيبه وامي وابوي ربونا على احترام اهل زوجنا وكذا ...وانا الحمدلله ماسكة وصيه ابوي الله يرحمه ..واحب عمتى واخدمها واجيبلها الهدايا بسس رحمة ربي انه اخوي بعد الي صار مع اختي شرط لنا في العقد بيت خاص فينا يعني ما نسكن مع اهل ازواجنا مهما كان ... والحمدلله لي شقه لوحدي...
واختي الحين عقب المشاكل والانهيارت العصبيه اخوي خلى زوجها يطلعها بيت والحمدلله تجيها الحاله بسس احسن من اول ...

الناس يختلفو بقدرة تحملهم ...او ردة فعلهم لان اختي تكتكم تكتم لين انفجرت بعد سنننين من التعب ..بداء اكتاب اكتاب وحزن حزن الى وصل لحد الانهيار .. الحمدلله على كل حال الله يحفظها لاولادها يارب ولا يحرمنا منها ....

عشان كذا اهم شي الخصوصيه والاحترام ...شي يتعبك نفسيا لازم تدوريله حل معقول يريحك ومايضر احد ...

وحتى التمشيه خله مرة مع الاهل ومره لحالك ....لازم زوجك يتعلم يستمتع معك ويحس بتغير مو تزوج ماتزوج نفس وضعه وبيته وطلعته ...
انا مو معناة كلامي نغيره على اهله ولا اخواته لا والله ..بس كمان لك حقق تعيشي لحظات حلوة معاه بتمشيه وطلعه انتي وياه ..ويعطي لهم نصيب ولك نصيب ..وماتحرضيه ابدا ..بس تفهميه بالاشياء الي ترغبيها وتتمنيها ..ولا يربطها اببببببببببببدا باهله وانك تحبيهم او تكرهيهم ...

والله يعين ويريح القلوب ويسعدنا اجمعين