اولادي يتمى وأبوهم عايش ...نصايحكم

[جنوني فنوني]

السلام عليكم ..

وحشتووووني مررررره لي فتره قطعت بس الدنيا ومشاغلها الله يشغلنا بطاعته..


ابغى رأيك يا احلى اخوااااااات ...وحابه افضفض شوووي استحملووني


طبعا بعد المشاكل الي صارت والي انتهت بالطلاق وعن طريق المحكمه ..


طليقي ابدا ابدا ما يشوف اولاده ولا يعرف شكلهم ..يعني ولدي جبته وانا عند اهلي ولا مرررره جا

وشافه...لدرجه مرره صادفته بالمستشفى ومعايا ولدي ولا عرفنا ...قلبي عووورني وبكيت ...مووو عشانه

بس عشان ولدي وبنتي دايما افكر الى متى حيجلس كدا ما يشوووف اولاده ...ولا يعرف عنهم شي


انا متحمله كل شي انا الام والاب ..اولادي ينادو والدي بابا لانهم وعيو ع الدنيا عليه..


قلبي يعورتي عشان اولادي ما ادري اش النهائيه ..احيانا احمل نفسي المسؤوليه لاني انا الي

خلعت ابوهم ..واحيانا اقوول يعيشوو بعيد عن المشاكل وابو عديم السؤوليه احسن شي...


الي حوليا دايما يقولو ليه ما تعطيه الاولاد خليه يحس بالمسؤوليه .بس انا رافضه نهائيا لانهم صغار

بنتي 3 سنين وولدي 2 ..



بعد الفضفضه دي ابغى نصيحه منك لانووو عقلي وعقلبي دي اليومين تعباااان ...


ثاني شي انا مقدمه ع المحكمه زياده نفقه لانوو ابوهم بس يرسل 650 يال ياريت الي مرت بدا الشي

تقوولي هل الشيخ حكملها زياده ..



دعواتكم ليا .. الله يعووضني ويعووض الجميع يااارب

[υм вtℓαα]

وعليكم السلام
بالنسبه للنفقه خيتي عيال قريبتي امهم مطلقه والشيخ حكم لهم نفقه اول شي 450 وبعدين 1150بريال
وكثير رجال خيتي تركو عيالهم ع الام وهي تحمل مسؤليه كل شي
واذا ماحس بعياله منو راح يحسس
الله يصلح الحال يارب ويعينك ع تربيتهم ويرزقك برهم يارب

بالتووووووووووووووووفيق خيتي

[بسسمة أمل]

عادي حبيبتي خليه يولي شتبين فيه ؟ يسأل ولا مايسأل احسن لج والله اذا سأل ممكن ياخذهم بالأيام تتحملين هالشي ؟

اهم شي الأم في التربيه خليه يعطيهم نفقه وانتي ربيهم وانتهى

الله يعينكم

[سلمى سامح]

الله يهديه ويرجع يسال عن اولاده
انا مابعرف كيف هدول الناس قلوبهم
ان شاء الله يوعى ع حالو

[جنوني فنوني]

يعطيكم العافيه ...

ادعوووولي الله يفرج همي ويفرح قلبي ...

بجد ارتاح لما اكتب وافضفضلكم ...مشكوووورين

الله يعووضني ويعوووض الجميع يارب ..

[Um sara1]

البزورة مسؤولية وكل ماكبرو مسوؤليتهم تكبر والمراه بطبيعتها حنونه وعاطفية لكن مشاكل الحياة اكبر من طاقتها ومافي طفل مايحتاج ابوه خصوصا لما يدخلوا المدارس وتبدى التساؤلات وينه وليش بعيد ويبدون يحسون بالحرمان مهما كانو اهلك محتوينهم ويعطفون عليهم هم بالنهاية مراح يدمون لك ولا لهم والله يحفظ اهلك ولايوريك فيهم مكروه يارب

اذا ماكان زوجك سيء الاخلاق او ماشي بطريق مظلم نصيحة قربيه منهم لان الاب مو مثل الام تحن وتشفق على ابناءها لا طبعا الممارسه والتعود تنمي عاطفته بعكس الاهمال والبعد لايمكن يحسسه بواجباته اتجاههم

بالمقابل النفقة جداااا متواضعه وماتجاري مصاريف الاطفال حتى لو زادت مراح توفي باحتياجاتهم وبتضطرين تدفعين من جيبك بس الى متى ؟؟ الله اعلم الا اذا كنتي موظفه وقادرة تصرفين عليهم وتامنين لهم بيت ملك ومستقبلا والسياره للولد وجامعة برسوم وامور مالها نهاية..

باختصار استخيري وجربي توسطي احد يكلم ابوهم وان شاء الله ربي يحنن قلبه ويحس بنعمة الذرية الي غيره محروم منها كفاية خسرو وجودهم بين ام واب واسرة مستقرة لاتخليهم يخسرون ابوهم ويعيشون طول العمر حاسين بالنقص وانهم اقل من اقرانهم خصوصا ان وضعك معاه شبه منتهي ولايمكن ترجع العلاقة بينكم عالاقل تكون علاقته باطفاله جيده

[jojo 123456]

غااليتي لايمكن تعويض حنان الاب خلي اطفاالك يشوفو أبوهن مرة بالاسبوع مع الوقت رح يحبهن ويتعود عليهن لا تخليه يمحيهن من حيااته خااصة ادا تزوج وانجب ؟أطفاال رح يلغيهن
من حقك تطاالبي بالزياادة وتطالبي بحق زيارة الاطفال لابوهن

الله يحنن قلبه ياااااااااارب

[جنوني فنوني]

يعطيكم العافيه ..

جربت كل الوسائل معاه ..خالي اتوسط وكلمه ..وقاله لازم تجي وتشوف اولادك

بس يقووول مالي دخله لبيت اهلها ..خالي فهمه انو لازم تجي ويتعودو عليك ..

بعدين يحق لك تاخدهم يوم عندك اما كدا على طول تاخدهم وهم ما يعرفووك حيتعبوو

..بس رفض ..وقال مافي شي يجبرني اجي اشووفهم ..وانو الاولاد اخر اهتماماته ..

للتوضيح .. هو عنده حق بزيارتهم من المحكمه ..بس برضو رفض يجي ويشوفهم ...

انا اول كنت اقول احسن عنه لا جا ..بس الحين سرت افكر بالمستقبل ..الله العالم اش المكتوب ...

دعواتكم ليا ...سويت كل شي بس رافضا نهائياً. .

[Um sara1]

هو رافض لان تجربة الخلع قاسية عليه كرجل ولايمكن ينسى هالموضوع فانتوا بمثابة الاعداء بنظره

لكن مو مشكله ياخذهم خالك ويعرفهم عليه في اي مكان ثاني ومع تكرار الزيارات باذن الله يحس بالفرق

وزي ماقالت جوجو لو تزوج وخلف راح يلغيهم من باله نهائي ويعيش حياته بس هم الضحية..

[حياتي توأمي]

f16

ماقصرت ابدااااا جزاها الله خير

كلامها مثل البلسم ماشاء الله