بنات يضعون صورهم في البي بي والفلكر والفيس بوك

[قلب عايض]

بنات يضعون صورهم في البي بي والفلكر والفيس بوك


بسم الله الرحمن الرحيم

صايرهاالأيام موضة جديدة بين البنات
كل وحدة عندها بلاك بيري تقوم تحط صورها في البي بي والفلكر
هل تشوفون الأمرطبيعي؟
وهل الأهل عندهم هالشيء عادي؟
سؤالي للبنات هل انتي من المؤيدين للتصوير ووضعه في البلاك او اعطاءها صديقاتك؟


أتمنى من الجميع المشاركة

الماااااايك معك ياغلاتي

بنات بشويش على المايك لاينكسر

بالدور وكل وحده بتاخذ دورها هههههههههه

[متفائلة دائما]

هههههههههههه
ترا حتى المايك شكلو زعلان و معصب و يبغا يتكلم خخخخخخخخخخخ
المهم انا رايي انه من غير اللائق و لا من الاخلاق و لا من الدين انه البنت تنشر صورها حتى ينظر لها كل من هب و دب
بس و الله و من جد بنات الجيل هذا ابدااااااا ما يقدر الواحد ينقعهم و يرجعهم عن الشي اللي هما شايفينه صح
الا من رحم ربي

[قلب عايض]

متفائله حبيبتي صدقتي والله
الله المستعان

انا اخاف من يوم يتحسر ابن ادم ويقول ياليتني طعت النصيحه وماعاد تنفعه هالوقت
بس الواحد ماييأس من الدعااااااااااااااااااء لهم ولنا بظهر الغيب <<حق المسلم على المسلم

شكرا حبيبتي على المشاركه الرائعه واهنيك على تفاعلك

وينتقل المايك الى 00000000000

[ام هشو]

مشكوره على الموضوع..
فعلا الموضوع يحتاج لنقاش
البنت اول تستحي بس الحين ولا ذرة حياء

الله المستعان..
صارت موضه..
قبل شهر توقيت آخت وحده
وراحت حماتي للغزاء..
وجت مهبوله من الناس بالعزاء
حاطته جمعة سوالف وهرج وبلاك
بسرااااااحه
هاالايام كل مسؤل عن نفسه
حتى النصيحه مو متقبلينها..

[احلى كرميلا]

يوووووووة اصلان تحط صورتها ومستحيل تقول اسمها الحقيقي من جد تاااااااااافهه وقمة التناقض واصلا جلسات البنات والعزايم سارت ملل وطفش وسار الواحد يكرة الجمعات انا بفهم احنا لييييييييييييش تفكيرنا اصبح زي الطير الي يطير على ورا كل ايجابي عندنا اصبح سلبي والمشكلة ماتت الغيرة بقلوب الرجاال انا اقول الله يهديهم ويصلح حالهم ويستر عليهم ياارب

[دلوعه فصولي]

المايك كيوت شكله هههههههههههههه



امممممم

الله يستر على بناتنا وبنات المسلمين اجمعين
والله من دخلت هالاجهزه والشباب والبنات من ضياع لضياع

لازم من الاهل مراقبتهم دائممما سواء بنت او ولد
الله يهديهم يارب

يسلمممووو

[ياورد]

المايك لي >وسعووو شوي تراني مكرشه ههههههه
اول شي البنت تحط صورتها ماهو بحكم انها قليله ادب او ساقطه او اهلها ماربوها
لا والف لا
هي حاطه صورتها بحكم التقليد الاعمى الي سيطر علينا في كل شي
وتوفير الاجهزه الي يمكن تضرنا اكثر ماتنفعنا
وبعض البنات تتباها قدام زميلاتها بان لها صور في الفيس بوك او البلاك بيري
واذا انتشرت الصور تقعد تبكي وتندم
لاكن اهم شي الرقابه
والله هالجيل ورب البيت يخوووف بشكل فضيع
اقسم بالله يابنات ولدي عمره 9 سنوات
وانا افتش الكمبيوتر اشوف وش يفتحون
يوم من الايام اكتشفت كاتب
((((((((((حريم عريانات )))))))))))
والله اني بغيت انجن
وسويت تحقيق معهم وسالته ليش هو انصدم كيف اني كشفته قلت اناعرفت بطريقتي
المهم هاذا الطفل الي ماوصل سن البلوغ حتى وش يبغاااااا بالحريم العريانات وش السبب الي خلاه يسوي كذا

سرت انا دايمن اسمعهم مقاطع يوتيوب عن الي يشوف الحرام واعلمهم بحكم الي يسمع اغاني والي مايصلي
والحمدلله ماعد شفت هاذا الشي مره ثانيه
وزي ماقالو الصاحب الساحب
اسال الله في هاذا اليوم يرزق اولادنا وبناتنا الصحبه الصالحه
ويبعدهم عن الفواحش والمنكرات ماضهر منها ومابطن

[دافئة المشاعر]

لي باك ان سنح لي وقتي باذن الله
خالص تقديري لصاحبة الموضوع

[قلب عايض]

يسلموووووووو يابنات ع تفاعلكم وردودكم

ماشاء الله عليكم ابدعتوا بالنقاش

وينك يادافئه ننتظرك

وين البقيه مازال للموضوع مزيد من النقاش

[ميمونة]

ربي يهديهم وخلاص