كوابيس و قلق و تصرفات سيئه نهايتها الله يستر ..

[مشاعل الدوسري]

السلام عليكم


حبيايبي مدري انا بمشكله ولا يتهيأ لي...

تعبانه من الحمل و مسئولية طفلين و حالتي حاله من
اموووور عده لكن الحمدالله احسن من غيررررري بكثير بفضل ربي..

المهم

طليقة زوجي فترة طويله ما دقت و لا ارسلت عشان تشوف ولدها و انا اتضايق اقول
يارب في ام كذا ياربي و ين ابوها و امها ما يسالون
عن حفيدهم خصوصا انه اول حفيد لهم ..
و انا ادري ان هي اوقات تمر بظروف صعبه ..
لكني طلبت منها و قلت لها اي شي تبينه ارسلي
مسج و انا مستعده بلي اقدر عليه اذا ودك تشوفين
ولدك بس ما تقدرين تاخذين بسبب المواصلات
و لا يهمك انا بوصي ابوه يجيبها و ياخذه من عندكم بس
عاد انتي اسالي ارسلي رساله قولي ودي اشوف ولدي و الباقي علي ..

مو حلوه انا اللي ارسلك تبين تشوفين ولدك كذا كأني ودي الفكه منه..

اذا ودك مالك الا طيبت الخاطر ارسلي مسج .. بس


المهم هي تزوجت و بعد كذا تطلقت ..
اول ما تطلقت ارسلت رساله بنفس اليوم اللي تطلقت فيه ...
لاخت زوجي تقول لها انا تطلقت و مشتاقه لكم و و و و وو
مو ناقص الا تقول خلي ولدكم يرجعني
الحين الوحده لما تتطلق لما زوجها يضربها ضرب مبرح
تدق على اهلها مو اهل طليقها ..

قبل لا تقول لاخت زوجي انها طلقت كنت
احلم ان في وحده تحاول تاخذ مني زوجي و تتلصق فيه
كان الحلم احلم في 3 مرات
المره الاوله البنت كانت تبكي و تقول انا
محد فاهمني انا تعبانه و متضايقه بس بنفس الوقت لما تجي
عيني بعينها يبين انها تمثل و تكذب
المره الثانيه انها تبكي و نفس الحكي و تحاول تكشف شي من جسمها لزوجي ..
المره الثالثه راحت لحضنه
و هي تبكي و انا قاعده احاول ابعدها و اقول لزوجي تراها كذابه ..
خلها تولي عنك و زوجي كان متأثر و يقول خلينا
نفهم ايش مشكلتها و نساعدها المهم


بعدها بكم يوم تدق ام زوجي و تخبر زوجي ان طليقتك تطلقت .. و هو قالي بنفس الوقت قلت له يعني شنو المطلوب و شدخلك ... يوصلك الخبر .. زوجي كان متأثر و كاسره خاطره ..


المهم عدت الايام و الليالي و الحرمه مادقت تقول ابي
اشوف ولدي مره شهر شهرين شسالفه قمت انا ارسلت
لها رساله قلت يمكن بسبب طلاقها اهلها على خلاف معاها و مشاكل..
ارسلت لها يا ام فلان وينك ماتسالين عن ولدك ماودك تشوفينه المهم
و ردت علي قالت خلاص جيبوه لي و ودينها قعد عندها يومين و نص ..
و بعدها مر شهر و ما ارسلت و انا موصيتها اذا كان عذرك السياره
لا تحتاين احنا نجيبه لك المهم يشوفك ..

ما ارسلت لي شي و لا ارسلت لزوجي و لا حد من اهلها اتصل ..

جتني اخت زوجي تقول ان طليقة اخوي ودها تشوف ولدها .. بس
محد عندها يجي ياخذ الولد اهلها سافطينها ..

رحت انا عصبت على طليقة زوجي و قلت لها انا قلت لك
اعتبريني مثل اختك و اي شي في مصلحة ولدك لازم تتعاونين معاي فيه و لا تستحين اذا بتستحين انك ترسلين رساله يعني معناتها
شهووووووووووووووووووور بتمر و انتي ماراح تشوفين الولد ..
و اهلك ماراح يساعدونك ..
قالت لي مشكوره و ماقصرتي و انشالله المره الجايه
لا بغيت اشوفه برسل لك مسج و بلفعل ارسلت و ودينها خلينا الولد عندها اسبوع ..
لانها من زمان ماشافت و ظروفها صعبه و و و و الخ ..



بوقت ما الولد عندها حلمت حلم مررررررررررررررررره

يخووف ..


اني كنت في بيت اهلي و ابوي جاب لي شيخ يقراء علي على اساس ان فيني ضيقه و اني مو منتظمه بصلاتي و و و و الخ ..
الشيخ اللي جاء ما قراء علي قراء القران و قعد يصلي بغرفة نومي اللي في بيت اهلي ..
المهم ..

فجأه انا قاعده بغرفتي مع ولد زوجي و هو الولد كان يلعب بس بنفس الوقت متضايق من شي مو عارف يقعد كويس دخل الشيخ علي فجأه و قالي الولد هذا هو اللي فيه السحر ..
و انا ما كنت مقتنعه اقول بلا سحر بلا خرابيط ..
فا الشيخ اخذ الولد و اسدحه و رفع بلوزته و مسح على بطنه مرتين ..
بعدها اقلبه و شال عنه البنطلون و الملابس الداخليه و الولد
قام يتغوط الغائط حقه اسود و كتل كبيره بعدها صار اسهال ..
بعدها طلعت ورقه و قلت شلون الورقه ذي ادخلت فيه ..
قالي الشيخ تبين تعرفين شنو مكتوب بلورقه و لا لا قلت لا و انا بخاطري اعرف

فا قالي الشيخ انا بقولك الاسامي اللي في الورقه يوم فتحها مكتوب رموز طلاسم و بين الطلاسم مكتوب اسم زوجي مرتين و مكتوب اسم ثاني بنت الشيخ بنت الشيخ ..
فا استغربت قلت لزوجي اسمك بلورقه ليه و مين هذي بنت الشيخ قد مر عليك الاسم و بلحلم كنا شاكين ان اهل طليقته هم اللي مسوين السحر .. و خلص الحلم ..


بعد يومين رحنا عشان نأخذ الولد .. المهم
هنا ..


الولد ما يعرف ان اللي يروح له امه يناديني انا ماما ..
و هي يقولها عمتي مدري خالتي ..

المهم ..
اول مررررررررررررررره الولد يطلع من بيت امه و يضرب ابوه ..
العاده يكون مبسوط لما يشوف ابوه او اقل شي انه يبكي
لان امه عندها اخوانها صغار بعمره .. فا هو يحب يلعب معاهم ..
العاده اقلها يبكي و لما يركب السياره على طول ينسى ..
السالفه .. و ينشغل بلجوال و الالعاب و هيك شغلات ..


و اول ما ركب السياره قالي ماما انا ما ابي بابا ..
و كان رافض انه يروح لابوه و العاده العكس .. انه يتعلق بأبوه و يسفطني ..

طول الطريق و هو يشتم في ابوه فا قلت لزوجي مر البقاله و نزله عشان شوي ينسى ..
نزل البقاله و نزلنا السوق و تقضينا للولد ..
و مافي فايده طول الطريق يقول لابوه انا ما ابيك و انت وع
ابي بيت خالي .. يقصد بيت امه ..

المهم قلنا بينسى لما ينام و يصحى ..

المهم
ثاني يوم صحى من النوم العاده اوديه الحمام فا فصحته ملابسه و قلت له روح الحمام اول ما تخلص نادني ..

متعودين على هذي الطريقه و يعرف الولد كيف يفصخ و يلبس و يعرف يروح الحمام ..

المهم الولد تغوط و هو واقف مكانه كتله كبيره و فيها سواد مو طبيعي .. فا
جاء قال لابوه انا خلصت من الحمام ..


العاده الولد ما يطلع من الحمام الا اذا غسل

يعني لما يقضي حاجته ينادني ماما انا خلصت و اروح اغسله .. و بعد كذا يغسل يده و يلبس ملابسه ..

الولد ماشي بيلبس ملابسه ولا همه انا ماراح الحمام ..

عصبت انا و قلت له روح الحمام عشان اغسلك كذا وع مو حلو..

غسلته و طبعا تنرفزت تكلمت مع الولد قلت له لما نروح الحمام مو نغسل و بعدها نلبس ..

و لا كاني اتكلم سافطني و يخز فيني بس ..

عصبت و قلت له انقلع البس بروحك ..
و لا تكلمني ..

مره ثانيه بنفس اليوم تغوط بملابسه و بعدها فسخ و كمل بلحمام


ثالث يوم نفس الشي .. و اخرها تبول في ملابسه ..

قلت الغائط مو مشكله بطنه يعوره فلنفرض لكن البول جديده علي ..
عصبت عليه و ضربته ..
و قلت لا ابوه راح لامه اسبوع ..
الولد صار مايسمع الكلام و عديناها
صار مشاغب و قلت كل الاطفال يشاغبون
صار عدائي فجأه قلنا زيادة طاقه
صار يوسخ في ملابسه لا لحد هنا و كفايه ..

اخر مره يقعد عند امه اسبوع انا
اربي و اعود على النظام و الادب و اوجها .. على الدرب الصحيح و الكل .. يمدح بأخلاقه ..
الكل يحسده على الادب كنت اتركه في بيت اهلي و بيت عمي محد اشتكى منه ابد ..
الكل يقول عنه مؤدب و عاقل و يسمع الكلام و مرتب و نظيف ..


كمل اسبوع و الولد مافي على لسانه غير ماابي بابا .. و بابا وع

شوي قلب علي و قالي ما ابيك انتي وع ..

و صار يضرب ابدا ما يتجراء يمد يده
ولما نطلب منه شي يسويه الحين يسفطنا و يخز بس و مهما اقوله مايسمع كلامي

و دايم يتصنع البكاء يبي يبكي غصب ..



هنا الأكشن ...




طليقة زوجي معترفه لزوجي قبل ايام ما كانت على ذمته ان جدتها تسوي سحر و ان امها تدري و مره هي حاولت تكلم ساحر عشان تعرف زوجها ايش يسوي لكنها جات و اعترفت له انها حاولت لكنه ما سوت شي و و و الخ و لما طلقها
تزوج ثاني مره
تزوجني انا صابتني عين و هو صابه مس من سحر ..
بعد ست شهور
تعالجنا الحمدالله قراء علينا الشيخ مره وحده ..
و وجهنا اهم شي ننام على طهاره و نصلي الفجر بلموعد ..
وبس ..


زوجي وقتها قال اكيد مافي الا امها هي اللي سوت السحر عشان ارجع بنتها بس الحمدالله لاني محافظ على صلاتي
السحر ما قدر يتمكن مني ..


من بعد الحلم و التصرفات اللي شفتها على الولد الصراحه بديت اخاف ..
و اشك ان مسوين للولد شي ..

لان اللي لهم درب بلسحر و و طريه سهل عليهم و سوه مره مو عجزانين عن المره الثانيه ..

و بنفس الوقت اقول حرام ان بعض الظن اثم و لا تفكرين كذا بس الولد حتى اهل زوجي مستغربين من تصرفاته و انا اقولهم ايه يغار من اخته عشان كذا فجأه صار عصبي ..

ولكن الشك لاعب فيني لان الكل ملاحظ ان الولد مو طبيعي ..
و يصارخ كثير هو ابدا ماكان يصارخ و يخز و يقول لا بدال المره عشر ..


وبس انا خايفه و ما ابي اقول حق اهلي شي و لا ابي اتكلم مع زوجي بشي و افتح باب الشك و الوسواس ..
و قاعده اتصرف و كان مافي شي ..


اقول لا اهل زوجي يساعدوني نودي الولد نقراء عليه و لا اسكت و اصبر و اشوف اذا الولد بيتغير و يصير مثل قبل ..
او على الاقل يرجع بتصرفاته مثل قبل ..

[نـ/ـوَورٍَعٌينِهـ]

الله يعينك حبيبتي والله احس مشكلتك مررره معقده

بس مااتوقع في ام راح ترضاء تسوي لولدها سحر

بس الكلام اكيد ياثر فيه يمكن هي تقول قول لبابا كذا سوي في البيت كذا

وانتي لمن يروح لاتتركي الولد عندها فتره طويله ...

وانتي حاولي تسئليه ماما ايش تقول لك ماما ايش تسوي معك

في النهايه هو صغير وتقدري تاخذي منه الكلام

وحاولي تقرائي عليه سور السحر والمس لو لقيتي اي رده فعل لاتترددين انك تاخذينه لشيخ

وبنسبه للاحلام الي تحلمي فيها حاولي تفسرينها عند شيخ ليطمئن قلبك

حافظي علي صلاتك والاذكر والله يبعد عنك كل مكروهـ

طمنيني ايش يسير معك

[مشاعل الدوسري]

عزيزتي شكرا لتجاوبك لكن انا ما اثق فيها لعدة .. اسباب
اول ما تزوجت و ولدها كان عندي كنا نوديه زياره لامه اسبوعين و عندي اسبوعين الزياره بلنص انا كنت اودي الشنطه مرتبه و الملابس نظيفه مكويه و معطره و اوقات ابخرها ..
هي كانت ترجع الشنطه معفوسه و الله يكرم الجميع ملابسه عليها غائط ناشف .. و ترجيع ناشف .. و ماكنت اقول لزوجي اسكت و اسكت و اقولها انتبهي ترجعين الشنطه كذا ترى مو بصالحك قلة الاهتمام ..
و كل ما يرجع من عندها لازم يكون مريض
كانت ما تتقبل النصيحه و اقولها
انا انصحك لان ادري وضع المطلقه و الحضانه امر صعب
و و و الخ
بس ما كانت تسمع بعد فتره تصنعت ..
و بعد ماتزوجت زوجي ما صار يوديه الا كل اسبوعين
يومين و نص لان هي بمنطقه بعيده عن منطقتنا و اهلها بمنطقه..


و ما اثق فيها انها كفؤ تربي ولدها ما احس ان عندها احساس بلامومه رغم انو ولدها
اللي تكتب تنزل في حضانة الطفل و ما تهتم لنظافته و لصحته
ما استبعد عليها اي شي مو شرط هي تسوي لولدها ممكن
امها تسوي جدتها بحكم ان يبون يساعدونها..
ممكن السحر لو كان في سحر من اساسو
يسونه عشان الولد يكره ابوه و بكذا الاب راح يضطر يتركه عند امه اذا استمر بلعدائيه و هيك شغلات ..

أنا ما أحب أستجوب الطفل و اقوله وين رحت و وين جيت اهم شي اقوله انت انبسطت انت كويس طيب كنت مؤدب ولا لا .. هيك شغلات ..


وبنسبه للاحلام تعبت ادووووووووووووووور رقم شيخ بلاخر ..

استسلمت و قلت لخالتي لان خالتي تعرف رقم وحده تفسر الاحلام و هي داايم تفسر لي احلامي ..

كنت ماابي اقول لخالتي عشان ما تقول لامي لكن خالتي لما قلت لها الحلم ..
قالت ماهو بزين الحلم و مو شرط انه يتحقق لكن ممكن يكون تنبيه و تحذير ..


راح اكتب كل جديد و انشالله يارب ما يكون اي شي من شكي صحيح و اكون غلطانه ..
و مجرد تهيأت..

[روز بااريس]

يمكن سحر كل شي جايز

ويمكن الولد لانه طوول تعلق في امه وخلاص ماعاد يبيكم

انتي انتظري شوي بعد اذا ماتعدل اقري انتي علييه وشوفي يتاثر والا لا

والله يعينك حبيبتي

[مشاعل الدوسري]

المشاركة الأصلية كتبت بواسطة روز بااريس

يمكن سحر كل شي جايز

ويمكن الولد لانه طوول تعلق في امه وخلاص ماعاد يبيكم

انتي انتظري شوي بعد اذا ماتعدل اقري انتي علييه وشوفي يتاثر والا لا

والله يعينك حبيبتي

حبيبتي هو ما يعرف انها امه ..
ما يقولها ماما ابد ..
يقولها هي او عمتي او خالتي
لكن قبل لا يروح لها و دايم اكرر عليه انا ماما مشاعل و و امك ماما فلانه فهمتي ..

و بس هو يقولي انتي ماما..

حتى لما ننزله نقوله يلا بتروح حق ماما يقولي ماما انتي بلسياره و يستغرب فا

انا سالتها يحكي لك ماما قالت لا ..

قلت لها اطلبي منه يقوله ماما فلانه باسمك الين يتعود ..

و بس
وهو اتربى عندي صار له سنتين و نص عاي.. و هي فترات طويله تقطع ما تشوفه ..
حتى انا اقولها مو كويس تقطعين عنه فجاه لازم نتظم بشوفتك لانه لازم يفهم انك انتي امه ..
ما نبي تجي له صدمه بعدين ..

[فوضت امري لله]

حبيبتي جيبي له زيت الشيخ ابراهيم الرويس

ودهني الولد فيه وعلمي زوجك

لاتتركونه مسكين ياقلبي

يمكن سوت للولد شي عشان يكرهكم وتكرهونه


وتكرهينه انتي

الله يكفيكم شرها يارب العالمين

[مشاعل الدوسري]

المشاركة الأصلية كتبت بواسطة فوضت امري لله

حبيبتي جيبي له زيت الشيخ ابراهيم الرويس

ودهني الولد فيه وعلمي زوجك

لاتتركونه مسكين ياقلبي

يمكن سوت للولد شي عشان يكرهكم وتكرهونه


وتكرهينه انتي

الله يكفيكم شرها يارب العالمين

هلا فيك عزيزتي الله اعلم لكني لا احد يلومني غصب عني اشك هي معترفه لزوجي و اهلها معروفين المقصد جدتها معروفه بهذي الامور ..


غصبن علي اشك و اخاف و احاتي بيتي و عيالي و زوجي ..


و بس

[kyot]

الله يكون بعونك أختي وانشاء الله تكون تهيؤات أبحثي عن خلطة ابطال السحر للشيخ ناصر الرميح وبعد هو مفسر احلام أتوقع انه ثقه عندي رقمه اذا تبينه ع الخاص

[مشاعل الدوسري]

السلام عليكم


بناااااااااااااااااااااااااااااااااااااااااااااااا ااااااااات


ادعو لي يابنات ان ربي يصبر قلبي..

من القلق و التوتر ..



زوجي جاني اليوم يقولي انه حلم حلم غررررررررررررريب..

هو ان اهله و اهل طليقته كانو يحاولون يرجعونهم لبعض..
و هو بلحلم ماكان يبي و رافض الفكره و معصب ..
و عمته بلحلم كانت تقوله رجعه عشان عيالها .. يعني خلها معلقه بس عشان عيالك ...
و يوم قالي الحلم ..



قلت له بترجعه خلاص هذا تفسير الحلم.. مبروك .

قالي لا بلحلم انا رافض و معصب على اهلي و و و و


و انا الدمعه في عيني قاعده اتذكر بأيام الملكه كان يقولي انا مستحيل ارجع لها فا لو حصل و رجعة اعرفي اني مسحور
و انا كنت افكر انه يمزح


و بعد العرس يوم انا هو طحنا تعابه من االعين و بعد ماجاء الشيخ و قاله مسك سحر و و و و الخ

اعترف لي ان اهلها لهم في هلطريقه ..

بوقتها قلت لامي و اذكر قالت لو كنت ادري ان اهل طلقتك لهم بهسوالف كان ما زوجناك بنتنا و و و الخ ..



انا قلقانه من الاحلام و من اللي اشوفه و من اللي اسمعه ..

[روز بااريس]

ياعمري انتي حااسه فيك ...

بس لاتخلين هالاحلام تاثر على حياتك

يمكن من كثر تفكيركم بالموضوع تتحلمون فيه

احنا اللحين برمضان ادعي ان الله يسخركم لبعض ويبعد عنكم اللي مايخافون الله

والله يعينك حبيبتي