الاكزيما

[الجوري 2012]

بنات ولدي عمره 4شهور ومعه اكزيما دهنيه
ويرضع من صدري ولاحظت ان كل ما اكل بيض ولرضعه
يسبب له حساسيه

واعالجه في عياده خاصه ممتازه
بس سوالي شنهي الاطعمه غير البيض اللي تسبب حساسيه للي معهم اكزيما؟؟؟

[مشاعل الدوسري]

الأطعمة التي تؤثر على الأكزيميا و على الحوامل ..

[الجوري 2012]

مشكوره اخت مشاعل

[ام تومي888]

عمره اربع شهور وتعطيه بيض مو بدري

[فوحة الطيب]

لوسمحتي اختي ربي يشفي لك ابنك ابسالك ايش الكريم الي تستخدمينه للكزيما لانه ابني فيه

[حالمه ولكن]

حبيبتي ولدك لسه صغير
ع الأكل وبدرررري ع البيض
طالما يرضع طبيعي المفروض من الشهر السادس تبدأي تعطيه سوائل
مو بيض

بخصوص الاكزيما حتى انا بنتي تعاني منها وبتطلع اوقات وتختفي اوقات
رغم انها ماتاخد غير الرضعه لسه صغيرة

الله يعينك ويعيني يارب

[um yosuf]

مرحبا خواتي..
الاخت تقصد انها هي لما تاكل البيض وترضع ولدها بعد ماتاكله تتهيج بشرته...

تجربتي مع اكزيما ولدي..
تعبت لين عرفت الاشياء اللي تأثر عليه.. وطبعاً من شخص لشخص يختلف...
ولدي يتأثر كثيييييير من البيض إذا أنا أكلت بيض ورضعته يتنفخ جسمه وتتسلخ بشرته ويطلع منها زي الماي..
السمك لكن أقل من البيض..
الحليب
الموز .. مع اني ماآكل موز ولامرة عطيته.. لكن مرة أكلته سيريلاك بالفواكه وكان فيه موز وتأثر..
الخوخ..
المانجو..
الحليب.. الرضاعة الصناعية لأطفال الاكزيما لازم تكون بحليب خاص للحساسية..
الشوكولاتة مش كثير .. اذا كثرت منها ورضعته يتأثر بس لو آكل قطعة وحدة صغيرة مايأثر..
تأثر الاجواء في ولدي بعد.. يعني الحر مايصلح له أبد.. الغبار يهيج بشرته مرررررة.. لدرجة ان يوم الغبار مااطلع من البيت..
طبعاً خليه بعيد عن العطور وأي شي معطر مثل بودرة الاطفال وكولونيا الاطفال..
المنظفات.. تأكدي من ازالة الصابون عن ملابس طفلك عند غسلها.. لان اذا ظل ولو بسيط راح يتحسس جسمه منها.. انا اغسلها بصابون قلييييل مرة.. عشان اتاكد انه راح..


العلاج..
استخدمي العلاج اللي يوصفه لك الطبيب.. انا استخدت اشياء كثير واستقريت على الطريقة التالية:
* ابتعد عن مهيجات الاكزيما
* لو صارت في اماكن متهيجة من البشرة احط عليها كريم (أليكا) مو(اليكا.ام).
* احاول اني اشربه ماي كفاية
* بعد السباحة امسح جسمه بماي زمزم وادهنه بالجل الزيتي من جونسون طبقة خفيييييفة جداً لانو مرررة دسم.. وادهنه بالجل الزيتي عند النوم بعد..
* قبل السباحة ادهن شعره بزيت زيتون منقوع فيه حبه سودا.. يادوب نقطتين واخليه نص ساعة بعدين احممه .. لان الاكزيما وصلت الى فروة راسه .. الحمد لله الان تحسن كثير..

الله يشفي جميع مرضاكم..

[نقية]

اكثر شيء البيض والسمك والربيان كمان ..
انتي جربي تمتنعي عن واحد وتجربي الثاني وراقبي بشرته ..
وبالتوفيق ..