ولدي عنده اكزيما.. ساعدوني!

[um yosuf]

مرحبا بالجميع..
ولدي عمره الحين 6 شهور الله يحفظه لي وعنده اكزيما من كان عمره 3 شهور..
وديته لطبيبة جلدية عطته غسول وكريم ديرماجور..
فاده شهر .. لكن الحين ماعاد يفيد..
كل مالها الاكزيما تزيد..
وماابغى استخدم له علاجات فيها كورتيزون لاني عارفه ان مضاره اكثر من منفعته..
استخدمت له زيت السمسم..
وزيت الزيتون..
والفازلين..
وكل ذا مافاد!!!
وش اسوي افيدوني؟

[حـلآ]

الله يشفيه يارب ويحفظه لك
ياقلبي زيت السمسم في ناس تتحسس منه يمكن هو الي زود عليه الحساسيه انا ابني زيت السمسم يسوي له حساسيه
رطبي جسمه دايم وخاصه اول ماتحمميه وفي مرطبات فالصيدليه للي زي حالت ابنك

[وميض النجوم]

حتى انا ولد اختي من وهو مولود وفيه اكزيما وللحين فيه اكزيما لكن خفت مررررررررره في كريم مره ممتاز بس ناسيه اسمه

بسأل اختي واقولك

[أم تامي]

شوفي حبيبتي أن عيالي كلهم تجيم إكزيما من الولادة و ولدي مستمرة فيه لين ألحين و عمره 7 سنين
اول شي الدكتور هو إللي يقرر الدواء المناسب و لا تخافين الكريمات غالباً رح يكون فيها نسبة بسيطة كورتيزون
و هي مدة بسيطة و بعدين إنتي و مستوى إهتمامج
أنا إذا بدت الإكزيما أحط لهم المرهم إللي يكتبه الدكتور و إللي يكون ف الغالب نسبة الكورتيزون 0.1
و بعد كم يوم لما تخف أقلل الكمية و أخلطها مع كريم مرطب ما يكون فيه عطر أو فازلين
و بعدين أم شيئين : الترطيب و خصوصاً بعد الإستحمام لأن الجفاف يهيج الإكزيما
و ثاني شي لا تخلين الجلد متعرض للرطوبة و خصوصاً ثنيات الجلد وما يلبسون ملابس مبلولة مثلاُ الكم تبلل و لا طرف البنطلون على طول غيريه لأنه رح يهيج الإكزيما في هذاك المكان و بعد الإستحمام نشفيهم زين
و دايماً استخدمي صابون لطيف يعني مو الصابون القالب لأ جل أو غسول لطيف او صابون دوف
هذي تجربتي مع الإكزيما إللي أنا و عيالي نعاني منها و لله الحمد

[نظرةأمل]

حبيبتي استعملي مرهم اللي يكتبه لك الدكتور وفيه نسبه بسيطه من الكرتزون بس اخلطيه نفس الكميه مع فازلين او كريم جونسون الازرق بدون عطر وخوذي كميه بسيطه وادلكي لحد ماتتشربه البشره

ولما يروح استعملي كريم جونسون يالوحده اواخلطي معه جنسوليد لان الجنسوليد يخلي الجلد دايم رطب

واذا ترضعي طبيعي ابعدي عن الموز والفراوله والشوكولاته والبيض والمكسرات والسمك لانها مسببات للحساسيه

والصناعي عطيه بليميل بلس hr ولما يخف بعد شهر عطيه بيوميل

وبعد كذا من اول ماتشوفينها بدت تطلع على طول حطي المرهم وتزول بالاضافه للترويش يوميا وتخفيف الصابون على الملابس وشطفها تماما

وابعديه عن الغبار وبعض المزرزعات اللي تهيجها

انا اتكلم من واقع تجربه اعيشها الان مع ابني الله يشفيه ويشفي ولدك وجميع المسلمين

والله ولدي كانت بكل جسمه حتى عيونه انخاطت لاني رافضه الكورتوزون بس خوفوني لوتجرح الجلد يضطروا ينومونه ويعطونه مضاد وكرتوزون مع الوريد

حبيبتي امشي على الطريقه هذي اسبوع وقولي لي النتائج

والله بتدعين لي

[حلم السنين !]

انا كمان بنتي فيهآ ..
وآستخدمت مرهم : أليكا ام .. ومافي فايدة
وجه بنتي صار مبقع

[أم لمآر]

اممممممم

يمكن ردي متأخر

عندي بنتين لمار 3 سنوات ومن يوم ولدت وهي تعاني من الاكزيما قويييييييه الله يعلم بمعاناتي وما خليت مستشفى الا رحت لهم ومافاد اي شي

وجنار عمرها 3 اشهر برضو نفس الحاله

ومافاد شي معهم من بعد الله الا كريم اسمو ( كريم الاكزيما) أخذته من عطار صبغة بمكه اللي قبل مستشفى باشراحيل

وصفه لنا الرجال العجوز قال وحده بوحده

وربي وربي وربي استخدمته على بناتي كل وحده لمدة شهر وشوي الله يسعده ويوفقه ويطول بعمره جعله بالجنه

حتى في ناس موصيني اجيبه لهم من المدينه والكل يتصل ويدعيلي

اقسم لكم انو مالي بالدعايات عشان ماتدخل وحده بالغلط

لاكن معاناه عشتها وحبيت أفيد

العلبه لونها ابيض والكريم ابيض العلبه بحجم كف اليد تقريبا وسعرها 50 ريال

اي الكريم كله أعشاب استخدمته لبنتي وهي عمرها شهر وماضرها

دعواتكم

[أم أصيـــل]

أم لمار يمكن قصدك عدنان صبغة بالعزيزية بمكه؟؟....
المهم عزيزتي ولدي طالع لأبوه فيه أكزيما من عمره 3 أسابيع
وسلخت خده الله يشفيه منها
سويت تحليل وطلعت إكزيما بالدم,, ووصفوله الدكاتره كريمات ومراهم مررررررره مرررره مافادت بشي
وغاليه,,المهم رحت لدكتور بمستشفى العدواني الله يعطيه العافيه أول ماشافها كتبلي
على مرهم إسمو (إليكا) نسبة الكورتيزون فيه غير مضره والحمدلله تعادل 0,1
يعني شيء لايذكر وسألت دكتور أطفال عنه قال إذا تستخدمينه فتره طويله مايأثر عالجلد والأعضاء من برى طبعآ
أما لو دخل جسمه بعد فترة راح يبين,,,
الحمدلله الإكزيما راحت منه وربي من عليه .....

[um yosuf]

السلام عليكم..
ومشكورين لكل من ردت والله يشفي اطفالكم..وحبيت ابشركم ولدي الحمد لله صار طيب حالياً..
صرت احممه بماي زمزم .. ولمدة 5 ايام استخدم له كريم اليكا .. مو اليكا ام.. انتبهوا..
وصار طيب ..
بس ابغى اعرف كريم او لوشن مرطب يصلح لبشرته وماني عارفة .. لانو اليكا معالج فقط..

[أم أصيـــل]

هلا أم يوسف صباح الخير,,
دهني جسمه بزيت زيتون مقري فيه مع الرقيه والله يشفيه يارب...