حرقه في البول وانتم بكرامه + افرازات شفافه؟؟!!

[حياتي توأمي]

السلام عليكم يابنااااات

ياريت تفيدوني حبيباتي بموضوعي هذا

بنات أنا الشهر اللي فات خذيت منشط وأبر menu pure هذي ابر منشطه ..
وكانت عندي مراجعه عند الدكتورة باليوم 11 من الدورة ورحت وكانت بويضاتي كثيره لكن للأسف كلهم كانوا صغار ..
وعطتني 3 ابر اضافيه حتى يوم 14 من الدورة كل يوم ابره يعني مجموع الابر كلها 8 ابر منشطه ورحتلها مره ثانيه باليوم 14 لمتابعه التبويض لكن للأسف بويضاتي صغيره جدا وماصار اي تطور فيها .. ولهالسبب ماقدرت الدكتورة تعطيني ابره تفجيريه لأن أكبر بويضه كان حجمها 8 للأسف ......
المهم أنا فقدت الأمل هذا الشهر وقلت خلاص ماراح يصير حمل واتفقت مع دكتورتي أسوي عمليه بعد ماتنزل الدورة ومثل ما أغلبيتكم عارف في مواضيعي السابقه اني قررت اسوي عمليه لأزاله التكيسات اللي كانت السبب في حصر بويضاتي وعدم نضوجها ..
بنات من يومها وأنا شلت فكره الحمل هذا الشهر نهائيا وطووول وقتي كنت افكر بالعمليه ونتايجها وأشوف مواضيع مشابهه بالمنتدى ياعل وعسى ألقى حد يطمني ... وانا باقي على موعد الدورة تقريبا اسبوع ** الشهر اللي فات جاتني بتاريخ 7/2 ميلادي
بس المشكله ماقدر احدد انها ممكن تجيني بنفس الموعد لأن اصلا دورتي مش منتظمه
بس اليوم يابنات حسيت بشيء غريب
وحبيت أقوله لكم عل وعسى ألقى وحده مرت بنفس هالحاله
اليوم وانتم بكرامه دخلت الحمام وحسيت بحرقه لما تبولت وانتم بكرامه ... ولما جيت أغتسل لقيت افرازات شفافه تقريبا وهذه ولا مره صدف انها جاتني قبل الدورة بأسبوع ؟؟

مو عارفه شو هذا بس انا مابغي اتعشم ومتأكده اني مو حامل هالشهر خاصه لماتابعت بويضاتي اللي للأسف ماكبرت واستبعدت فكره اني أحمل بهذا الشهر
بس اللي صار معاي اليوم الصبح استغربت منه
ممكن تفيدوني بنات
جزاكم الله خير يااااااااااارب

[farfocha]

حبيبتي مآدري بس ماحبيت اطلع بدون مآدعي لك وخصوصي اني متابعتك ومابنساكي من دعائي ولله، يارب تكوني حامل يارب وتطلع احلى مفاجئة يارب

[حياتي توأمي]

المشاركة الأصلية كتبت بواسطة farfocha

حبيبتي مآدري بس ماحبيت اطلع بدون مآدعي لك وخصوصي اني متابعتك ومابنساكي من دعائي ولله، يارب تكوني حامل يارب وتطلع احلى مفاجئة يارب

حبيبتي الله لايحرمني منك ولا من متابعتك يالغاليه
اشكر مرورك ويارب مايخيب لنا أملا
ويرزقني ويرزقك ويرزق كل وحده بالمنتدى ماتتنمنى بالقريب العاجل جدا يااااااااااارب

[ahlam-f]

طيب ممكن كبير يكون عندك تبويض متاخر يعني بتلقي البويضه ياادوبها كبرت ونزلت لاتوفتي هذي الاياام يمكن يكون فيها الحمل..لان انا دكتورتي تقول احتمال كبير حملتي يوم الدوره او قبله بيومين مع اني كنت اتابع التبويض بس سبحاان مدبر الامور..

[حياتي توأمي]

المشاركة الأصلية كتبت بواسطة ahlam-f

طيب ممكن كبير يكون عندك تبويض متاخر يعني بتلقي البويضه ياادوبها كبرت ونزلت لاتوفتي هذي الاياام يمكن يكون فيها الحمل..لان انا دكتورتي تقول احتمال كبير حملتي يوم الدوره او قبله بيومين مع اني كنت اتابع التبويض بس سبحاان مدبر الامور..

ياسبحان الله .. معقوووله ؟؟؟ بس المشكله أبو الشباب زعلان مني واصلا هو مريض هاليومين للأسف يعني ماراح يصير جماع
بس بكل الأحوال خذيت موعد اليوم المساء وبروح اشوف اذا فعلا فيه تبويض ولا لأ ؟؟

[حياتي توأمي]

بنات للرفع ..........
ارجوكم افيدوني معقوووله يكون تبويض متأخر ؟؟ طيب وبخصوص الحرقه بالبول وانتم بكرامه شو معناه ؟؟

[سالي45]

طيب حبيبتي كيف شربك للسوائل وللماء خاصة؟؟
ممكن يكون علامة للحمل
لانه كل ماروح افحص عند الدكتورة تسألني هالسؤال دايما
عندك حرقان بالبول ؟ لانه علامة حمل اكيده بنظرهم
+
بالنسبة للحمل باخر يوم للدورة جآيز مرة مثل ماقالت احلام
لأنه اتوقع حاصلي هالشهر تبويض متأخر قبل يومين بالزبط نزلت علي افرازات
مثل افرازات التبويض بالزبط

طمنيني حبيبتي أذا رجعتي من عند الدكتورة () ق1

[حياتي توأمي]

المشاركة الأصلية كتبت بواسطة سالي45

طيب حبيبتي كيف شربك للسوائل وللماء خاصة؟؟
ممكن يكون علامة للحمل
لانه كل ماروح افحص عند الدكتورة تسألني هالسؤال دايما
عندك حرقان بالبول ؟ لانه علامة حمل اكيده بنظرهم
+
بالنسبة للحمل باخر يوم للدورة جآيز مرة مثل ماقالت احلام
لأنه اتوقع حاصلي هالشهر تبويض متأخر قبل يومين بالزبط نزلت علي افرازات
مثل افرازات التبويض بالزبط

طمنيني حبيبتي أذا رجعتي من عند الدكتورة () ق1

هلا حبيبتي شربي للماء مو كثير يعني عادي
بس بصراحه حرقان البول وانتي بكرامه بس امبارح حسيت فيه
يعني اليوم لما رحت عالحمام صباحا ماحسيت بالحرقان ؟؟ هل الحامل تحس فيه يوميا هالحرقان ؟؟
وبالنسبه للتبويض ماعندي حبيبتي رحت البارحه للدكتورة وقالتلي بويضات صغار
أمرنا لله

[سالي45]

المشاركة الأصلية كتبت بواسطة حياتي توأمي

هلا حبيبتي شربي للماء مو كثير يعني عادي
بس بصراحه حرقان البول وانتي بكرامه بس امبارح حسيت فيه
يعني اليوم لما رحت عالحمام صباحا ماحسيت بالحرقان ؟؟ هل الحامل تحس فيه يوميا هالحرقان ؟؟
وبالنسبه للتبويض ماعندي حبيبتي رحت البارحه للدكتورة وقالتلي بويضات صغار
أمرنا لله

مو يوميا تحس فيه
بالأول كان 3 مرات اللي حسيت بس أنا بطبيعتي شرب الماء عندي واجب
xd
واليومين هذي حسيت فيه مرة وحدة طبعا لسة ماحللت مأجلة كل شي للخميس
وبالنسبة لقطرتين الدم
أتوع هي مثل مانزلت لي برضو نقطتين دم ومالها ريحة الدورة
ممكن يكون تعشيش أو علامة تبويض ممتاز
وربك كريم ماتعرفي يمكن من أمس لليوم تطلع بويضة ناضجة كاملة
كل شي بأمر ربي ()
أنتي تفائلي وارفعي معنوياتك ودآم الدكتورة الثانية نصحتك بكورس ثاني
جربيه وخلي العملية الشهر الثاني ()
يارب يفرحك عن قريب وكلنا ياآآآآآآآآآآآآآآآآآآآآآآآرب

[حياتي توأمي]

المشاركة الأصلية كتبت بواسطة سالي45

مو يوميا تحس فيه
بالأول كان 3 مرات اللي حسيت بس أنا بطبيعتي شرب الماء عندي واجب
xd
واليومين هذي حسيت فيه مرة وحدة طبعا لسة ماحللت مأجلة كل شي للخميس
وبالنسبة لقطرتين الدم
أتوع هي مثل مانزلت لي برضو نقطتين دم ومالها ريحة الدورة
ممكن يكون تعشيش أو علامة تبويض ممتاز
وربك كريم ماتعرفي يمكن من أمس لليوم تطلع بويضة ناضجة كاملة
كل شي بأمر ربي ()
أنتي تفائلي وارفعي معنوياتك ودآم الدكتورة الثانية نصحتك بكورس ثاني
جربيه وخلي العملية الشهر الثاني ()
يارب يفرحك عن قريب وكلنا ياآآآآآآآآآآآآآآآآآآآآآآآرب

حبيبتي سالي
انا اكتشفت شيء قبل شوي رحت عالحمام وانتي بكرامه وكل ماأحاول أتبول الحرقان يزيد عني اتوقع عندي جرح في فتحه التبول يمكن لأن الدم اللي نزل حاولت احطه بنفس مكان التبول بعد مازاد الحرقان حسيت ان الدم يطلع من مكان مجرى التبول
الله المستعان