تنصحوني اقضي اغراض البيبي الحين ..؟؟؟

[مصفوقه بقووه]

السلام عليكمم




زي ما انتم شايفين متحمسسسه



وكل ما اروح السوق لازم عيوني تدور محل اطفال ولمن ادخل اتحمسسس



قالولي بنت بس ان شاءالله موعدي بشهر 6/5/1433
اذا رحت بتاكد




تنصحوني اقضي الحين ولا اصبر لمن ادخل الشهر السابع ..؟؟


ياليت ماتحطموني

[المجتهدة...]

أنصحك تقضين من الحين
تدرين ليه
عندك انا مقضيه من الشهر الثالث بكرية وفرحانه
وكل شوي نازله ع السوق ورحت محلات وشريت والحمد لله خلصت الملابس من إلى
بكل راحه وهدؤء
وباقي اغراضي وأغراض البيبي الاشياء الثانية
وانا بالشهر الخامس خلاص احس صرت ثقيله اروح محل محلين اتعب
ارجع البيت منهد حيلي حتى زوجي يقول توك كيف لدخلتي الشهر الثامن
على اساس انك تتمشين
والله يتمم لنا على خير ويسهل ولادتنا وتقر أعيننا بشوفة طفلنا

[منييرة]

هلا بنات شلونكم؟
انا بديت نتبضع من الشهر السادس و بعدني ما خلصت لأنه عندي دوام بس في الويكند نطلع و مرات لا، بس كل ما كان أبكر احسن لأنه لما الوحدة تثقل صعب و الله الحين بقول لو خلصت كل شيء اول احسن لاني ثقيلة و بتعب بسرعة و مع زحمة السوق الله يعين، بس كله يهون عشان النونو ربنا يفرحنا بشوفتهم يا رب

[صعب تملكني]

امممممم ايه انصح كل وحدة تتقضئ من بدري منشان بعدين تثقل وماتقدر تمشي كثير حدها محلين بس
شوفوني انا مرة تعبت اذا تسوقت حدي محلين وبس خلاص ابي اركب السيارة تعبت
ولا ودي اروح الحمام وأنتم بكرامه لأنو مررررة ينزل معي إفرازات طفشت

[مصفوقه بقووه]

يعطيكمم العافيه ع الردود ماقصرررتمم


والله مره بديت اثقل من الحين ظهري مرر يعورني اي حركه بسيطه تعبتت
وقلت لزوجي نشتري اغراض النفاس ونقضي للبيبي تحمس بس قال اصبري خل نتاكد
بنت ولا ولد قلت اوك يالله بصبر ع نهاية شهر 5 واروح اقضي


وان شاءالله انزل لكم تجهيزاتي لمن اخلص

[مصفوقه بقووه]

منيرة تمااام الحمد لله

انتي كيفك .؟؟؟

[منييرة]

المشاركة الأصلية كتبت بواسطة مصفوقه بقووه

منيرة تمااام الحمد لله

انتي كيفك .؟؟؟

الحمدلله بخير حياتي ربنا يحفظك

[منى العين]

انا بديت اجهز من نهاية الخامس

هو صح جات بضاعه احلى بس على راحه كنت اجهز ولا كثرت
قلت بعد الولاده اذا في شي ناقصني بشتريه ما أبي اكثر عشان بعد لو في شي عاجبني
آخذه عادي واذا ما اخذت آخذ فكره عن المحلات بس وارجع اشتريه مره ثانيه
انا احين في الثامن وينقطع نفسي لاما اروح محلين اشوى اني مخلصة الاغراض
باقي لي اغراض الصيدليه ومفرش نفاس وملابس حقي الله يساعدني ويساعد كل الحوامل

[ملكة الاحساس22]

لااااااااااااااااااااااااااااااااااااااااااااااا روحي من بدري احسن لك ولا بتصير لك حوسه من جهة بطنك ومن جهة الحمام وانتم يكرامه ومن جهة الثقل والنفس يصير صعب صعبخلصي من بدري نصيحه انا للحين ماخلصت اغراضي واغراضه حق الشور والقوارير واحس خلااااااااااص ...



دمتي...

[محبوبته]

انا بديت بنص السادس والحمدلله خلصت اغراض البيبي باقي اغراض الصبدليه والنفاس
وملابسي شوي شوي اخذهم اللحين باقي اسبوع واخش الثامن
احس اني مليت وكرهت السوق من الثقل واتعب ع طول
احسنلك قضي مدامك خفيفه ومروقه
والله يفرحنا بشوفتهم بالسسسلامه