يارب عوضني واجعل ابنتي شفيعه لي ولوالدها

وفاءإنثى · 04-09-2013, 08:14 AM

السلام عليكم ورحمة الله وبركاته
بكتب لكم قصة ولادتي المبكره اللي قبل شهرين وادعو ان ربي يعوضني
وربي لليوم احس بغصة لاذكرت الحمددلله الله يجعلها شافعه لي
انا طبعا ماحملت بعد زوجي ع طول جلست سنه وكم شهر وحملت
طبعا ماكنت مصدقه لاني كنت اتعالج واروح لحريم وكذا وسبحان الله
بالشهراللي تركت العلاج ولجأة لربي حملت المهم تعلق قلبي بجنيني وانا ماشفته
ويوم عرفت انها بنت فرحت وتعلقت فيها اكثر واكثريالله كنت ااحسب الايام عشان احضنها واصير ام
المهم كان وضعي تمام وكل شي كويس بحملي لكن نفسيآ كنت امر بمشاكل مع زوجي وضغوط
المهم ربي اراد اني اولد بنهاية الشهرالسادس بالبدايه كان ينزل معاي افرازات ع بالي انها التهابات وكذا
ورحت المستشفى وادتني علاجات بس مافادتني وبديت احس الافرازات تزيد وبديت احس بالام خفيف
طبعا حولتني الدكتوره ع مستشفى اسوي مزرعه بس بسبب شغل زوجي اجلنها يومين وسبحان الله بهاليومين بدا يقوى الالم وانا عابالي التهابات رغم اني بغيت اموت بس ماادري لاني بكريه ومااعرف شنو الطلق المهم الجمعه بااخرالليل زاد الالم لدرجه بغيت اجن رحت المستشفى جا بالي بيقولي اي شي فيني الا طلق والا ولاده الا الصدمه كشفة عليه قالت ولادة الرحم مفتوح 3 سانتي جلست ابكي وارجف
واقول انا توي شلون ولاده اه ياااارب مايتكررهالشي ولايصير لكم طبعا جلسة ارجف من الخوف طلعوني ع الولاده واعطوني تحاميل توقف الطلق وقف وجلست بغرفة الولاده للظهر وطلعوني قالو تنويم
يمكن يرجع يتقفل الرحم المهم اليوم الثاني بدا يرجع الالم وبقوة وكشفت الا قالت 6 سانتي انا تجننت وخفت اكثر واكثر وهم كمان المستشفى مايبغوني اولديقولولو يوم بطنك ينفع الجنين سبحان الله المهم نزلو ني لغرفة الولادةوقف الطلق وجلسة لين المغرب بعدين طلعوني تنويم المهم ع الساعه 12 رجع الالم ورجعوني ع غرفة الولاده تخيلو جلست فيها من 12 الين اليوم الثاني المغرب طبعا بهاليوم شفت الموت تعب لدرجه وهم مايبغو يولدوني عشان البنت توها والمشكله الرحم مفتوح خلا ص عذبوني طبعا مااكلت من امس شي بس مغذيات عشان قالو يمكن عمليه انا خلاص بذاك اليوم توقعت اموت المهم يوم قربت الولاده ادوني اكل عشان اقوى واقدرادفع البيبي المهم قبل العشاء ولدت انا شفت بنتي تجننت صغيييييييره جدآ المهم ودوها الحضانه مريت بفتره صعبه الحمدلله مره تتعب مره تتحسن مره يطلبو حليب ونروح نجري من الفرحه ومرات نروح بالحليب لها ونرجع فيه لانها تعبانه ومايدوها طبعا كنت اتعذب عشان اطلع الحليب من صدري ومايطلع الا قليل بس كانو يقولو جيبيه مفيدلها المهم الفتره الاخيره لما
كنت ازورها والله يابنات مجردماادخل اجلس دقايق الاتفتح عيونها وتتحرك وكانها تفرح بجيتنا اوتودعنا
اه يابنات وربي تعبت اصعب شعور طفلتي اللي انتظرتها شهووور تموت يارب تعوضني يعلم الله لهذاليوم مجردمااتذكرها ابكي المهم قبل لاتموتب ثلاث ايام توقف النبض عندها وادوها اانعاش طبعا صرت اروح كل يوم وبيوم اللي توفت فيها كنت احس بشي غريب الا ابي اشوف بنتي طبعا قلت لزوجي بكره بروح اشوفها الصبح الصدمه صحاني زوجي وقمت اجري ابي اروح اشوفها وفرحانه وزوجي حزن علي موعارف شنو يقولي حاول مايقولي وقالي مقدراخذك بروح لمشوار المهم زعلت منه وقلت انت وعدتني وانا ابغى اشوفها المهم شفت وجه تغيرحسيت قلت بنتي صار فيها شي المهم قالي مومصدقه بكيت قلت بروح معك اشوفها قبل تدفنها ورحت وربي يابنات طول ماانا بالسياره اقول يمكن يكذب يمكن يمزح مومتخيله لين شفتها اه ياروحي راحت معها ضميتها وبكييت وبكيييت الحمدلله على كل حال
ويارب يتمم لك حامل حملها ويرزق جميع اخواتي بالحمل السليم
وادعولي ان ربي يعوضني ويصبر قلبي..

ام ارجواااااان · 04-09-2013, 08:28 AM

الله يعوضك الخير يا قلبي
ويرزقك الذرية الصالحه
ويلهمك الصبر
اللهم امين

شمعدانه · 04-09-2013, 11:51 AM

الله يعوضك يارب شفيعه لك انا ببكري كمل تسعه شهور واثناعشر يوم وماكمل يوم وتوفى اصبري واحتسبي ربي يعوضك انا معاي ولد الله يحفظه لي اناعارفه ماراح تنسيها ااكيد حتى انا لما افتكر ولدي ابكي واحتسب عند رب العالمين والله يرزقك بالذريه الصالحه

جروح الحب · 04-09-2013, 12:17 PM

الله يصبرك
حبيبتى
ان شاء اللهـ تحملي في الغريب العجل
ي ربي اصبري

وفاءإنثى · 04-17-2013, 01:39 AM

اقتباس:

المشاركة الأصلية كتبت بواسطة جروح الحب

الله يصبرك
حبيبتى
ان شاء اللهـ تحملي في الغريب العجل
ي ربي اصبري

ان شاءالله

وفاءإنثى · 04-17-2013, 01:37 AM

اقتباس:

المشاركة الأصلية كتبت بواسطة شمعدانه

الله يعوضك يارب شفيعه لك انا ببكري كمل تسعه شهور واثناعشر يوم وماكمل يوم وتوفى اصبري واحتسبي ربي يعوضك انا معاي ولد الله يحفظه لي اناعارفه ماراح تنسيها ااكيد حتى انا لما افتكر ولدي ابكي واحتسب عند رب العالمين والله يرزقك بالذريه الصالحه

امييين الله يجعله شفييع لك
اي والله مااتوقع اني انساها الحمدلله الذي لايحمدعلى مكروه سواه

وفاءإنثى · 04-17-2013, 01:34 AM

اقتباس:

المشاركة الأصلية كتبت بواسطة الشمووووووخ

الله يعوضك الخير يا قلبي
ويرزقك الذرية الصالحه
ويلهمك الصبر
اللهم امين

امين جزاك الله خييير

نوره1 · 04-09-2013, 06:13 PM

يا حبيبتي والله قصتك مثل قصتي مع اختلاف بسيط
انا ولدت بنص السادس وفجأة جاء الالم و صارت ولادة مباشرة وعاشت بنتي بس يوم واحد وما شفتها الا لما ماتت والحمدلله على كل حال
الله يجعلهم شفعاء لنا يا رب العالمين
انا صارلي اقل من شهر صايرة معي هالقصة والحمدلله رب العالمين ... قدر الله وما شاء فعل
طيب عرفتي شو سبب الولادة المبكرة ؟ شو سويتي فحوصات بعدها ؟

وفاءإنثى · 04-17-2013, 01:42 AM

اقتباس:

المشاركة الأصلية كتبت بواسطة نوره1

يا حبيبتي والله قصتك مثل قصتي مع اختلاف بسيط
انا ولدت بنص السادس وفجأة جاء الالم و صارت ولادة مباشرة وعاشت بنتي بس يوم واحد وما شفتها الا لما ماتت والحمدلله على كل حال
الله يجعلهم شفعاء لنا يا رب العالمين
انا صارلي اقل من شهر صايرة معي هالقصة والحمدلله رب العالمين ... قدر الله وما شاء فعل
طيب عرفتي شو سبب الولادة المبكرة ؟ شو سويتي فحوصات بعدها ؟

الله يعوضنا ويجعلهم شفعاءلنا
انا تخيلي كنت اروح لها بالحضانه واشوفها
واشوف حركاتها البسيطه ياروحي عليها كانت تدنن
يارب تصبرني وتعوضني خييييييير
لاوالله ماسويت فحوصات للحين بس انا معاي خمول بالغده
هو سبب ولادتي

Dana · 04-09-2013, 06:13 PM

الله يعوضك خير وتكون شفيعة لكِ ولوالدها
ويلهمك الصبر إن شاءالله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يارب يارب يارب من تجاوبني ما تشوف ي حياتها كدر ولا ضيقه..اسألكم بالله ردو علي	وســـن	منتدى علاج العقم و تأخر الحمل	48	07-03-2014 02:42 PM
ادعولى بعد 9 ايام هحلل بعد خطه علاج متعبه ومجهده يارب عوضنى خير	rana (om ali)29	منتدى أعراض الحمل والوحام	6	03-30-2013 07:08 AM
شفيعه باااذن الله قصه ادمعت عيني لها	انهار 2015	ملتقى عضوات حوامل	1	11-27-2012 08:16 AM
ابشركم ولدت وجبت (حور) بس اللهم اجعلها شفيعه لي بجنات النعيم	لوووورا	إستفسارات مرحلة الولادة	136	05-22-2011 04:36 PM
حرر نفسك واجعل لحيآتك معنى..	ام ارجواااااان	منتدى الحياة الأسرية والزوجية	6	03-14-2011 09:52 PM