كيف تسعدين زوجك وزوجك يسعد بك

[شمعدانه]

[/color]بسم الله الرحمن الرحيم

السلام عليكم ورحمة الله وبركاته..

نحن معشر النساء كثيرا مانتذمر من الحياة الزوجية لاأعمم بل أقول البعض..

لكن تنسى المرأة أن مفتاح السعادة الزوجية وتعاستها بيدها هاتين النعامتين..

حركات منك بسيطة مع غض النظر عن بعض قصور الزوج والرضا بما قسم الله لك وعدم التطلع فيما أيدي الاخرين ستكونين أسعد إمرأة بالعالم وإن نظروا إليك بأنك مسكينة لكن هم لايعلمون مابداخل بيتك من الراحة والسكون..

كما يقال ..ومن الحب ماقتل..

إن كنت تحبين زوجك محبة شديدة سوف تضحين من أجله ومتى شعر الزوج بذلك منك سيبادر معك بالتضحية..

عزيزتي..

كيف تسعدين بزوجك وزوجك يسعد بك؟؟؟

اشتكت امرأة لي من زوجها بجفاءه وجبروته وتقصيرة بمنزله ..(تقول:أتمنى أن اسمع منه كلمة تفتح نفسي )ويشعرني بالسعادة كبقية الزوجات..
قلت لها تعالي:
هل تهتمين بزوجك من الناحية العلاقة الزوجية الخاصة؟
بدأت مرتبكة خجلت من سؤالي....فقالت:أنا قليلة الاهتمام بل أحيانا ينام بغرفة اخرى..
تعجبت من ردها مع انها جميلة وصغيرة ولايقصرها شيء..
المهم..
طلبت منها أن تهتم بنفسها وتهتم بملابس النوم وتنوعها واستخدام عطر مختلف لكل ليلة مع الحديث المعسول ..والله ياأخوات بعد شهر التقيت بها..فإذا تقول:
تصدقين زوجي تغير تماما من غير أن اقول له غير نفسك بمجرد رأى التغيرات علي أصبح رومانسي طيب ....الخ
إذن:
زوجك يحتاج الى تغيرات تبدأين أنت بنفسك كي تشعرية بأنك ترغبين به محبه له لن يستطيع زوجك الصموت أكثر بعد رؤيته لتلك التغيرات الخاااااااااااااااااااااااصة والتي منها:




1- الاهتمام بالامور الخاصة بتغيير مفرش السرير بين الفترة والاخرى.
2- عطر الفراش لاتجعلية رائحة واحدة طوااااااااااال العام غيري ..كأن تشتري خمس روائح كل أسبوع اختاري رائحة.
3-عطوراتك الجسدية بدعي فيها وغيري شوي برضوا كل ليلة نوعي بالعطور(حتى أثناء الدورة الشهرية)لاتجعلي زوجك يفتر منك اذهليه بالجديد دوما..
4-قمصان النوم شكلي فيها (وانصح تتفقي مع زوجك يوم تروحين تشترين الملابس الداخلية وخليه هو اللي يختار)..انصحك (بمعرض طابا ) هو موجود عندنا بالشرقية..هو محل كبير ومشهور ورخيص جدا 200 ريال تجيبلك أكثر من 12 قطعة فضيعة..
5- اذا عندك اطفال نوميهم بدري وخلي الجو صافي لأبو عيالك..

من الناحية الغذائية:

بتقولين ويش دخل البطن بالحب..اذا جاء جيعان من العمل يبي الفقير يترسن بيطنه هالله الله فيه اذا امتلأت المعدة تعدل المزاج..

1- بدعي له بالحلويات(والاخت هند ماقصرت ترست كرشة زوجي من طبخاتها ههههههه) ولا يهون الحاضرين كلهن طبخات ماشاء الله..واجعلي وقت الحلو بعد نوم العيال ويكون الجو صافي وهادي واهتمي باختيار الاواني الجذابة (اذكر وحده قال لها زوجي من وين لك هالصحن الحلو؟ قالت هذا خاص لك انت بس...شوفي كان ردة ماني قايلة لكم ...)

2- تذكري طبخة قديمة مدحها ومن زمان ماذاقها سويها له..

3-المشروبات لاتقل اهمية كذلك....وأنصحك تجعلي المشروبات في غرفة النوم لما يبي ينام ...طبعا اختاري الكؤس الجميلة والرقيقة..

من الناحية الاجتماعية:

-طبعا المرأة الصالحة ماتنسى دورها مع أهل زوجها..خليكي من يبدأ بزيارة والدينة..
امدحي امه وابوه وخواته(حتى ولو اغلطوا عليك...) صدقيني الزوج لما يحس ان زوجته مسالمة بعيدة عن المشاكل أي مشكله تحصل هو اللي بدافع عنك ومستحيل يعتقد ان انت صاحبة المشكلة..وتذكري المسامح كريم..

نرجع لقضية الزوج وطرق سرقة قلبه من فؤادة..


1- اذا زعل زوجك منك لاتنطقري ......خلي عقلك كبير واذا زوجك اكثر من الكلام اللي يزعل اسكتي لالالالالالا تطلعي من الغرفة لأنه بيزيد غضبة ولاتجادليه لأنه بيطلع عن طورة خليكي هاااااااااااادية حتى وان النار من جواك تغلي..
بعد مايبرد الزعل منه هو اللي بيجيك واذا ماجاك انت روحي له وعطيه من الكلام اللي يطيب خاطرة حتى وان كان هوالغلطان.......صدقيني بتكبرين بعينة بشكل غير معقول..

2- تعجبني حركة وحده تسويها مع زوجها تدرون ويش تسوي؟؟؟؟



اذا دخل زوجها تسوي نفسها ماشافته وتقول بصوت مسموع....ياربي خلي لي حبيببي زوجي فديته انا ....طبعا زوجها ضحك واستانس من دعوتها له على باله انها ماتدري انه دخل(ان كيدكن عظيم)خلي كيدك بالشي الحلو..(مجرب ومضمون نتايجة)


3- حركة اخرى وكيد جديد..

وحدة اتفقت مع زوجها انها بتنام عند أهلها خمسة أيام(وهي في الحقيقة نوت تنام عند أهلها ليلتين بس)بعد الليتين اللي قضتها عند أهلها اتصلت بزوجها وقالت له بكلام معسول تعال خذني حدي مقدر اقدر اقعد عند هلي أكثر من كذا ..قال لها:انت قلت لي بتقعدين خمسة ايام؟ قالت له:مقدر استغنى عنك احس بيصير فيني شي لو ماجيت..طبعا جاها طااااااااااااااير ..وكان مستانس ياعيني يقول لهاالدرجة متعلقة فيني شوفي الاخت ويش ابدعت من الكلام لين طيرت قلبه..(ذكاء)


4- حركة أخرى وكيد جديد وستايل خااااااااص:

احدى الاخوات كان تتوجع امام زوجها سألهااشفيك قالت:اتوقع انها بتقرب الدورة الشهرية ..يعني فهمت الرجال ان الليلة مافيه شي..
تزكرتت وتزينت (طبعا اختاري الوقت المناسب انه مايكون موجود او بيتأخر عن البيت)المهم..
نومت العيال..والشغالة..فضت البيت..
اتصلت عليه..وخلته يبكر شوي بالجية..

لما دخل شم ريحة البخور والحياة الزينة وتفاجأ لما دخل غرفة النوم والزوجة بأبهى زينة اللي ضحكني ..قال لها..وذاك؟
قالت:شكلها بتتأخر(يقصدون الدورة الشهرية....مادرى المسكين انها متفقة عليه..حتى تبهره دايم..
















الخلاصة..

كل زوجة تعرف طريقة ابهار زوجها بالفلفل ..عفوا ...اقصد بالحركات الحلوة وطبعا هذي اللي تزيد المحبة وماتخلي الحياة الزوجية شبة علاقة ميتة طبعا بعد ذكر الله عزوجل..


اتمنى ان الموضوع عجبكم وافادتكم واي تكتيك جديد اوصلة لكن بإذن الله..
منقول

[♥IcE pRiNcEsS♥]

طرح رااائع
عجبتني اقتراحاتك خصوصا رابع وحده هههه
يسلمووو يا عسسل
احلى تقييم لعيوونك !!!

[شمعدانه]

المشاركة الأصلية كتبت بواسطة ♥ice princess♥

طرح رااائع
عجبتني اقتراحاتك خصوصا رابع وحده هههه
يسلمووو يا عسسل
احلى تقييم لعيوونك !!!

هههههههه. اهم شي. عجبك
تسلمين ياعسل نورتي موضوعي.

[شمعدانه]

ايش دعوه مافي حماااس

[حرم السلطان]

الله يجزاك خير كلامك جدا رائع
فديته زوجي راح اطبق عليه هالحركات عاد هو من النوع اللي يصدق ع طول ويفرح كثييير

[شمعدانه]

المشاركة الأصلية كتبت بواسطة حرم السلطان

الله يجزاك خير كلامك جدا رائع
فديته زوجي راح اطبق عليه هالحركات عاد هو من النوع اللي يصدق ع طول ويفرح كثييير

الله يحفظه لك عاد لازم من الحركات. شاكرة مرورك ياعسل

[جهينة السلفية]

تسلمي يا قمر الله يخليلنا ازواجنا ويحفظهم

[شمعدانه]

المشاركة الأصلية كتبت بواسطة جهينة السلفية

تسلمي يا قمر الله يخليلنا ازواجنا ويحفظهم

الله يسلمك يالغلا. اللهم امين

[درين]

لما اولد ان شاء الله بجرب
تسلمي يا قمر الله يخليلنا ازواجنا ويحفظهم

[شمعدانه]

المشاركة الأصلية كتبت بواسطة درين

لما اولد ان شاء الله بجرب
تسلمي يا قمر الله يخليلنا ازواجنا ويحفظهم

الله يسلمك ياعسل والله يعطيك ساعه طيبه