ارجو من الامهات مساعدتي " طفل خديج

[ام فالمستقبل]

السلام عليكم ورحمة الله وبركاته

حبيت اشكر كل من ساهم في هذا المنتدى الراقي وانا من بداية حمل استفدت كثير
وعلى كل مرال حملي

بس قدر الله ما شاء فعل وولدت قبل وقتي ولدت في الاسبوع 29

اللهم لك الحمد وولدي بصحه طيبه عانيت في البدايه ومستمره بس الوضع افضل
وبصراحه ما احب استخدم كلمة خدج او قاصر او اي مسميات للاطفال المولودين قبل
وقتهم

بس ابى استفيد من الامهات او اقاربكم كيف اقدر اتعامل معاه من كل النواحي التربيه والنوم
والفهم

اشكركم على وقتكم

[نور العمر]

ربنا يحفظلك طفلك ويحميه من كل شر ...

حاولي تحافظي عليه من البرد عشان مايمرض لانهم حاسسين يعني حافظي على درجة حرارة الغرفه... واهتمي بالاكل في هذي الفتره اقصد الحليب طبعا عشاان يصير وزنه طبيعي .. وبالفيتامينات ..

وماتقلقي اختي بكره يكبر ان شاء الله ويجننك من الشقاوه

الله يحفظه ويحميه ...

[نور العمر]

شوفي هذا التجمع يمكن تستفيدي منه ..

http://forum.hwaml.com/t273038.html

[dr.loly]

الف مبارك اختي والحمدلله ع سلامتك ويتربي بعزك

حاولي اهم شئ ترضعيه طبيعي قدر المستطاع حتي ياخد من حليبك كل المضادات اللزمه لتقوية مناعته


وكذلك اذا اعطيتيه صناعي خودي له حليب خاص بالخدج اهتمامه بيكون اكثر ومخصص لعمر الرضيع

[عيش الحياة]

الاخوات ماقصرو

ولا تخافي اختي الاطفال في حفظ الرحمن ما انصح بالحرص الزائد جدا لان راح يولد فيكي القلق
تعامليه معاه ببساطة مثل باقي الاطفال

[دلـــوعــه عـــــبوديـ]

حبيبتي انا عندي توام خدج ولدو بالاسبوع 27 كنت اهتم فيهم بدرجه ماتوقعيها اكثر شي اهتميت فيه التغذيه كنت اعطيهم رضعتهم كل 3ساعات وكمان عطيتهم فتامين كتبه الدكتور لهم مع الايام الاولى كنت اخاف يجيهم شي او يكنون غير الاطفال لاكن الحمدلله صارو افضل من الي بعمرهم ومكملين 9شهور
انصحك ماتعطيه اي اعشاب او علاجات اوشي غير الحليب حتى المويه اذا عمره اقل من 3شهور لاتعطيه وقت مايكبر ويصير عمره 5شهور دربيه ع التقلب حطيه ع بطنه وحاولي تمر نينه وكذلك اذا صار عمره 6شهور دربيه ع الجلوس وع الحبو والعبي معه وسولفي معه
الحين توامي عمرهم سنتين والحمدلله طبيبن واذكياء ماشاءالله يعني الي يقولك ترا الخدج مايفهمون بسرعه او لازم يكنون فيهم شي لاتسمعي له
بعد مايصير عمره سنه يكون نفسه نفس الي مكمل 9شهور

[ام فالمستقبل]

نور العمر .... مشكوره حبيبتي وان شاء الله والله يجعل عيالنا من الذريه الصالحه

[ام فالمستقبل]

*ام فراس* ... هيه حبيبتي الدكتور هو اللي واصف له حليب خاص للخدج

[ام فالمستقبل]

عيش الحياة ان شاء الله ببدا معاه ... بس انا وايد اخاف عليه ومرات يبكي من دون سبب واحتار شو اسوي

[ام فالمستقبل]

دلـــوعــه عـــــبوديـ ... الله يخليهم الج وتفرحين فيهم بصراحه الوضع متعب واااايد مع واحد كيف مع 2 الله يعطيج العافيه

شو اقولج بصراحه احاول ابرمح نفسي بس وايد احاتي واخاف
وبعدين وايج يتعصر ومرات ما اعرف شو فيه

بس ان شاء الله مرحله واتعدي