الى الجزائريات والتونسيات سؤال

[anoossam]

السلام عليكم ورحمة الله تعالى وبركاته
حبيت أسأل البنات الجزائريات والتونسيات عن تكاليف عمليات التلقيح الاصطناعي و اطفال الانابيب في الجزائر وفي تونس ويا ريت بالتفصيل الممل كم تكلف الادوية وكم تكلف العملية
وسؤال للجزائريات الي تعالجو في تونس او عملو العملية ونجحت ياريت تقولولي كيفاش درتو يعني كيفاش اخذتو المنشطات ومتابعة التبويض كلشي ثمة ولا كيفاش
حبيت اجمع معلومات باش نحضر نفسي اذا ما حملت بعد كم شهر نعمل العملية ان شاء الله علما انو زوجي سليم وانا كان عندي ارتفاع في هرمون الحليب والحمد لله نزل واجهضت مرة من 6 شهور وبعدها ولا شيء واخذت منشطات (كلوميد) ثلاث مرات وابر تفجير وكانت استجابتي جيدة جدا ولكن الله ما كتبش مازالي برك اشعة الصبغة خفت منها كاين لي قالولي الم فضيع وكاين لي قالولي عادي .. نسيت نقولكم عندي عام و3 شهور متزوجة
يلا حنوناتي ما تبخلوش عليا بمعلوماتكم

[bassouma]

أهلا حنونة لاباس هذي غيبة
أنا جارتي عملتها في كلينيك المولود في وهران و راهي حامل في الشهر الخامس ما شا الله و نجحتلها حتى المرة الثالثة
لكن هي زوجها عسكري تكاليف على عاتق الدولة
و أنا رحت عندهم و أعطوني تحاليل ب قيمة 30000 كلهم أنا و زوجي
و تلقيح من 15000 فما فوق و أدوية حسب تبويض المرأة كل وحدة و جسمها
كاين لي يكلفهم 10 مليون و كاين لي 30 مليون
و ربي يجيب الخير و يرزقنا

[anoossam]

شكرا حنونة بسومة ربي يخليك

[ASMA layal]

اهلا حبيبتي

بالنسبة للجزائر كاين عيادة تيزيري في الابيار هي الاحسن والعملية يديروها 12 مليون والدوا كل واحدة وحالتها كاين ل 7 ملاين وانت واستجابتك للدوا وزيديلهم التحاليل قولي يلحق كلش 20 الى 23 مليون
وتبقى تونس افضل ولكن ماعنديش معلومات على العيادات هناك

[anoossam]

المشاركة الأصلية كتبت بواسطة asma layal

اهلا حبيبتي

بالنسبة للجزائر كاين عيادة تيزيري في الابيار هي الاحسن والعملية يديروها 12 مليون والدوا كل واحدة وحالتها كاين ل 7 ملاين وانت واستجابتك للدوا وزيديلهم التحاليل قولي يلحق كلش 20 الى 23 مليون
وتبقى تونس افضل ولكن ماعنديش معلومات على العيادات هناك

شكرا حنونة بصح قوليلي اي نوع من العمليات تكلف 12 مليون أطفال الانابيب ولا التلقيح الصناعي

[ASMA layal]

اطفال انابيب وحقن مجهري

[anoossam]

ماكانش وحدة جربت التلقيح الاصطناعي تقولي كم التكلفة؟ في الجزائر وفي تونس

[miky]

شوفي في الجزائر تكلفتها حوالي 25 مليون لانو العملية وحدها حوالي 13 او 12 مليون و لازم تعملي تحاليل ليكي و لزوجك و الادوية يعني تقريبا 12 مليون تقريبا
التحاليل لازم تعمليها لكن الادوية ترجع قيمتها للي عندو ضمان
في عيادات كثيرة في الجزائر تيزيري و فريال وانا سمعت انو فريال اقل سعرا
ربي يوفقك

[anoossam]

المشاركة الأصلية كتبت بواسطة miky

شوفي في الجزائر تكلفتها حوالي 25 مليون لانو العملية وحدها حوالي 13 او 12 مليون و لازم تعملي تحاليل ليكي و لزوجك و الادوية يعني تقريبا 12 مليون تقريبا
التحاليل لازم تعمليها لكن الادوية ترجع قيمتها للي عندو ضمان
في عيادات كثيرة في الجزائر تيزيري و فريال وانا سمعت انو فريال اقل سعرا
ربي يوفقك

ربي يحفظك حنونة تعيشي
تقدري تقوليلي ماهي التحاليل المطلوبة ليا ولزوجي و ماهي الادوية؟

[ASMA layal]

التلقيح الاصطناعي العادي 2 ملاين تكلفة العملية فقط بلا دوا