بنات اسالكم بالله تكونو معي بمصيبتي

[ترتيل الشايع]

بسم الله الرحمن الرحيم
السلام عليكم ورحمة الله وبركاته
هذا اول موضوع ليا هينا
شفت اشلون تعاونكم مثل الاخوات ماشاءالله وعجبني حيييييييييييل
ربي يسعدكم
بنات انا لي 4 سنوات متزوجه عمري 23 بعد زواجي بسنه ونص حملت بتؤام حمدت ربي وشكرته من جد كنت احس الحياه غير وناسه ولها طعم جلت اتخيل شكل اولادي شنو بسميهم ووين بدرسهم شلنو ااثث غرفتهم
وقتها كنت بالجامعه وتخصصي حيل صعب يعني كله اشياء ثقيله واعمال وتصميم
المهم
داومت عادي
وكانت عندي طلبات للجامعه رحت شريتها العصر ورديت البيت
بالليل الساعه 12 جاني قطرات دم وانتم بكرامه
بجد خووووووووفت بس قلت يمكن ارهاق وذا لان مالي خبره بهالامور
بس جلست المغص يجي ويروح
قلت لزوجي قال بوديك المستشفى رحت المستشفى قالت الطبيبه عادي طيبه روحي وتعاالي بعد 4ايام
روحت
حاولت انام بس ماجاني نوم ميته خوف
لمن جات 4 الفجر بدا يجيني الم فظيييييييع بظهري وبطني احس مو قادره اتنفس يالله قدرت صحيت زوجي ووداني المستشفى هناك قالت الدكتوره مافي نبض هنا بس توقف املي بالحياه هنا ماتت سعادتي قالت روحي وتعالي بكره
خرجت ورحت مستشفى ثاني
هناك نوموني اه يابنت وربي جاني الم عمري بدنيتي ماحسيته كنت مره مقدر اتنفس جسمي يتصبب عرق والالم اللي ببطني وظهري بيقضي علي كونت ابكي وادعي ربي يارب بس لو دقيقه ارتاح بس
ويوم جات الساعه 10 الصباح نزل الحمل ماتو املي وحياتي
ومات قلبي معهم كونت ابكي بكاء متواصل والله يابنات مع التعب والارهاق جلست يومين صاحيه ماغمضت لي عين وماكنت اكل الاشي بسيط شبس ولا عصير بقيت بالمستشفى 7 ايام الدكتور رافض انو اخرج لانو في خطر علي
المهم عدت الايام بمراره وصعوبه
ورحت عند ماما اهتمت فيني بس نفسيتي زفت مابي احد يجلس معي ولايكلمني بس ابكي ماكنت اتذمر واعترض لا بالعكس ساكته بس قلبي ينزف الم وحزن
عدت الايام
والحين لي سنتين من هالسااااالفه وماعندي اطفال ولاحملت اصلا
كل يوم تطلع لي عله
اول الهرمونات
الحليب والغده الدرقيه
وبعدينت التكيس
بس بنات انا قبل 5 ايام شفت شي غرررررررررررريب ابيكم تقولو لي ايش هوا
صحيت من النوم وروحت الحمام وانتم بكرامه بس جا دم وقطعتين فيهم شرايين صغيره ولون القطعه اجلكم ربي وردي فاتح بجد خوفت هم صغار القطع بس شكلها من جد حييييييييييرني
ابد مو دوره شي عجيب من برا املس ومن جوه محبب وخشن
بنات اذا تعرفون ايش قولو لي
اي بعدها وقف الدم يعني مرررررررره قطرات بس
بنات عفيه ساعدوني والله صاكه بي الدنيا نفسيتي زفت ماعدت اعرف من انا ولاوين
فيني هم من اول وجا هالموضوع وكمله
انا عارفه انو بمجرد انو ربي معي وبجنبي مايصير اخاف من شي واملي به كبييييييييييير
بس والله يابنات تعبت من كل شي حتى اخوي يقولي انتي اشفيك كذا احسك كانك مو اختي تغيرتي ماعدت اعرفك
هذا غير كلام الناس اللي يسم القلب
الكل ليه ماجبتي وليه مارحتي انتي اصلن مهمله عمرك
انتي اللي تبين تجلسين احسن بعدين بتندمين
يالغبيه يالهبله ذا كلام بالله
الله بس يسامحهم
ادعو لي يابنات ان ربي يعيني ويعين كل مسلم ومسلمه
وشورو علي ربي يسعدكم

[عذبوكـ ياقلبي]

الله يصبرك ياأختي ويعوضكـ خير
بعدين ياأختي ليه ماتروحي تتعالجي ممكن شي بسيط مخليكي ماتحملي
انا خالي معاه ضعف ومايجيب اكثر من طفل واتعالجو وجابو بنت عمرها الأن 15 سنه
وبعد فتره راحو عند عيادة الدكتور سمير عباس وسولها طفل أنابيب وتوأم وحده ماستمرت ونزلت والتانيه استمرت فبطن امها وماشاء الله دحين عمرها 3 سنوات
روحي حبيبتي وراجعي انتي وزوجك وروحي لدا الدكتور شاطر مره ماشاء الله
ممكن يكون ان شاء الله علاجك بسيط جدا وعلى طول تحملي ان شاء الله
وسوي كل شي بالكتمان قولي لأمك بس عشان تدعيلك .
واللي نزل منك دا روحي شوفي الدكتوره أحسن واضمن لك
والله يسهلك ويسرلك ويرزقك بتوأم ان شاء الله معافين سليمين يااااااااااااارب

[العطر الفرنسي]

الله يعينك حبيبتي والله وضعك مو سهل الله يفرج همك
بس لازم يكون إيمانك بالله قوي وإنشالله إلي راح منك يكون عند رب العالمين بالجنه حصني نفسك وإفتحي صفحه جديده من حياتك وخلي التفائل سلاحك والإيمان بالله هو الباب الوحيد للتقدم للافضل
حبيبتي الكلام مايفيد المهم لازم تكوني مقتنعه من داخله أنك لازم تحمدي رب العالمين عنمت الحياه وأنك قادره عالعطاء إنتي صغيره حبيبتي والحياه قدامك والدنيا تطورت
الله يهدي بالك ويفرج همك ويريح قلبك

[زهرة البنفسج]

حبيبتي ربي كريم انا لي 7 سنوات وحملت قبل سنه وكان مافي نبض مثلك صح بكيت وحزنت بس خلاص لما جو اهلي في المستشفى كلهم حزينين وانا اضحك واسولف الحمدلله على كل حال
حبيبتي وتميت ادعي واستغفر وربك كريم الحين انا حامل عقبالك انتي وكل محرومه يارب
حبيبتي اصبري وماعليك من الناس ياما سمعت منهم طول السنين والله ربي كريم ومايعجزه شي وبالنسبه للهرمونات انصحك بشرب البردقوش طول اشهر بس وقفي وقت الدوره ولماتطهري ارجعي واذا كان وزنك زايد نزليه واتعالجي بالكتمان مثل ماقالت الاخت اللي قبلي وربك كريم

[حلم الامومة]

الله يصبرك ياأختي ويعوضكـ خير

[((ياما تمنيته))]

الله يرزقك ويفرح قلبك انابعد لي3 سنوات متزوجه حملت بعد زواجي بتسع شهور بمنشطات واستمر حملي تسع شهور الين وقت الولادلاه وكان وقت الولاده دقات قلبه كل مامرالوقت تضعف يوم ونصف وانا الالم الولاده مااقدر اتحملها الين جبته وبعدها راح وماشفت ولدي كلهم دقيقتين وراح اللهم اجرني في مصيبتي واخلفلي خير منها والله كل يوم وانا اموت الف مره مشتاقه اضمه تكفون ادعولي صارلي ثمان شهور ماحملت بعد ولادتي

[Salam]

الله يعوضك خير انشاء الله.

[أريج العطر]

الله يعوضك إن شاء الله

[أمل 777]

حبيبتي الله يعوضك يا رب بالحمل القريب السليم التام الخلقة .. أنا أكثر من مرتين أجهضت وعانيت وحاس فيكي وما عليكي توكلي على الله وأكثري من الإستغفار
وركعتين في جوف الليل ..وما شاء الله بعدك صغيرة لا تخلي اليأس يتسرب لقلبك ..الله كريم يعوضك ..إن شاء الله نسمع قريباً بحملك بحمل تام وولد صالح بار آمين .

[أم وتين]

الله يعوضك يااارب عاجلا غير اجل بالحمل السليم التام المعافى
بس انتي لاتسكتي على نفسك روحي راجعي وعالجي الهرمونات وكل اللي عندك ونصيييييييييييييييييييييحه لازمي الاستغفار 100 مره في اليوم و100مره في الليله والله راح تشوفي انه في وقت قصير ربي بيرزقك والله كرررررريم