بنات اسالكم بالله تكونو معي بمصيبتي

[ترتيل الشايع]

بسم الله الرحمن الرحيم
السلام عليكم ورحمة الله وبركاته
هذا اول موضوع ليا هينا
شفت اشلون تعاونكم مثل الاخوات ماشاءالله وعجبني حيييييييييييل
ربي يسعدكم
بنات انا لي 4 سنوات متزوجه عمري 23 بعد زواجي بسنه ونص حملت بتؤام حمدت ربي وشكرته من جد كنت احس الحياه غير وناسه ولها طعم جلت اتخيل شكل اولادي شنو بسميهم ووين بدرسهم شلنو ااثث غرفتهم
وقتها كنت بالجامعه وتخصصي حيل صعب يعني كله اشياء ثقيله واعمال وتصميم
المهم
داومت عادي
وكانت عندي طلبات للجامعه رحت شريتها العصر ورديت البيت
بالليل الساعه 12 جاني قطرات دم وانتم بكرامه
بجد خووووووووفت بس قلت يمكن ارهاق وذا لان مالي خبره بهالامور
بس جلست المغص يجي ويروح
قلت لزوجي قال بوديك المستشفى رحت المستشفى قالت الطبيبه عادي طيبه روحي وتعاالي بعد 4ايام
روحت
حاولت انام بس ماجاني نوم ميته خوف
لمن جات 4 الفجر بدا يجيني الم فظيييييييع بظهري وبطني احس مو قادره اتنفس يالله قدرت صحيت زوجي ووداني المستشفى هناك قالت الدكتوره مافي نبض هنا بس توقف املي بالحياه هنا ماتت سعادتي قالت روحي وتعالي بكره
خرجت ورحت مستشفى ثاني
هناك نوموني اه يابنت وربي جاني الم عمري بدنيتي ماحسيته كنت مره مقدر اتنفس جسمي يتصبب عرق والالم اللي ببطني وظهري بيقضي علي كونت ابكي وادعي ربي يارب بس لو دقيقه ارتاح بس
ويوم جات الساعه 10 الصباح نزل الحمل ماتو املي وحياتي
ومات قلبي معهم كونت ابكي بكاء متواصل والله يابنات مع التعب والارهاق جلست يومين صاحيه ماغمضت لي عين وماكنت اكل الاشي بسيط شبس ولا عصير بقيت بالمستشفى 7 ايام الدكتور رافض انو اخرج لانو في خطر علي
المهم عدت الايام بمراره وصعوبه
ورحت عند ماما اهتمت فيني بس نفسيتي زفت مابي احد يجلس معي ولايكلمني بس ابكي ماكنت اتذمر واعترض لا بالعكس ساكته بس قلبي ينزف الم وحزن
عدت الايام
والحين لي سنتين من هالسااااالفه وماعندي اطفال ولاحملت اصلا
كل يوم تطلع لي عله
اول الهرمونات
الحليب والغده الدرقيه
وبعدينت التكيس
بس بنات انا قبل 5 ايام شفت شي غرررررررررررريب ابيكم تقولو لي ايش هوا
صحيت من النوم وروحت الحمام وانتم بكرامه بس جا دم وقطعتين فيهم شرايين صغيره ولون القطعه اجلكم ربي وردي فاتح بجد خوفت هم صغار القطع بس شكلها من جد حييييييييييرني
ابد مو دوره شي عجيب من برا املس ومن جوه محبب وخشن
بنات اذا تعرفون ايش قولو لي
اي بعدها وقف الدم يعني مرررررررره قطرات بس
بنات عفيه ساعدوني والله صاكه بي الدنيا نفسيتي زفت ماعدت اعرف من انا ولاوين
فيني هم من اول وجا هالموضوع وكمله
انا عارفه انو بمجرد انو ربي معي وبجنبي مايصير اخاف من شي واملي به كبييييييييييير
بس والله يابنات تعبت من كل شي حتى اخوي يقولي انتي اشفيك كذا احسك كانك مو اختي تغيرتي ماعدت اعرفك
هذا غير كلام الناس اللي يسم القلب
الكل ليه ماجبتي وليه مارحتي انتي اصلن مهمله عمرك
انتي اللي تبين تجلسين احسن بعدين بتندمين
يالغبيه يالهبله ذا كلام بالله
الله بس يسامحهم
ادعو لي يابنات ان ربي يعيني ويعين كل مسلم ومسلمه
وشورو علي ربي يسعدكم