لا تثقين بصدقات النت ابدا....... شوفي شصارلي

[مالك القلب]

السلام عليكم ورحمة الله وبركاته

مب عارفه كيف ابدا موضوعي بس انا وثقت فبنات من هالمنتدى وعديتهم خوات لي شكيتلهم همي ومشاكلي شاركتهم فرحي وحزني كانو يبينولي انهم دينات وعندهم اخلاق لدرجة حسيت انهم مطاوعه بس للاسف بعد صداقة دامت شهور بكل ما فيها من زين اكتشفت حقيقتهن من موقف بسيط بعد ما قلت رايي بشي ما عجبني طلعت ويهوهم الحقيقية وطاحت الاقنعه والله موقف تافه بس مب حلو بينهم على حقيقتهم قلبوا علي وقالو كلام في حقي والله انصدمت منهم من شي بسيط طلعوا على حقيقتهم المرة وانا اللي عديتهم خوات والله اني اتكلم وياهم بكل شي وواثقة فيهم اكثر من هليه اخذ نصيحتهم ومشورتهم بس سبحان الله الحمدلله اني عرفتهم على حقيقتهم وما انصدمت اكثر فيهم

صدقوني يا بنات مافي شي اسمه صداقه انترنت خصوصا من بنات مش من بلدج لان عادي عندهن يضرنج ولا راح تهمينهن مهما وصلت صداقتكن
اذا عرفتي حد عامليها معاملة رسمية ولا تقوليلها اي شي نصيحة

انا راح اترك المنتدى لاني مابا اشوف ردود حد منهم
اسفة على هالشي كنت احلم انه يكون لي صديقات من كل مكان وبدون استثناء والحين ما راح ارضى الا ببنات بلادي وراح اكون حذرة اكثر

انا بنسى اللي صارلي من هالبنات وراح يكون لي عبرة
اتمنى تذكروني بالخير

استغفر الله العظيم من كل ذنب عظيم

[قلب أحمد]

الله يكون في عونك

بس اصابعك مو سوء

خلك معنا في المنتدى وطنشيهم اذا شفتيهم يردون عليك او شي

ربي يحفظك

[دافئة المشاعر]

مالك القلب

ليش الغالية تتركينا شذنب المنتدى والي فيه
عشان ناس انصدمتي فيهم
عشان خاطري بهشر الفضيل لاترديني وتتركينا
والمسامح كريم
ممكن تتركينهم بس لاتتركين منتدى استفدتي منه وعشتي ايام حلوهـ

اما بخصوص صداقات النت
يافديتك ماحد يستحق الثقه بهزمن
وانا الحمدلله حريصه مااعمق علاقاتي خارج المنتدى
مو حابه احد يطيح من عيني ابي اشوف الكل مثل ماانظر لهم بلمنتدى
واتجنب اي نفسيه بلمستقبل وكذا مرتاحه الحمدلله ^^

ياليت الي تكتب تكتب بشخصيتها الحقيقيه ماتسوي فيها اقنعه ونقاء وصلاح ع الفاضي
والي تدخل لتعارف والصداقه بلمنتدى لا غير
والله ماراح تستفيد غير تضييع وقت

اتمنى تفهمين كلامي غلاي وتحسين بلي حابه اوصله لك

[لن أيئس]

الله يكون بعونك غلاتي

والله مدري وش اقولك ماأقول الا الله يوفقك ويسعدك يااااااااارب

[زينة الحياة الدنيا]

انتى يا أختى ليييييييه تنسحبى من المنتدى خليكى على ثقه فى نفسك واى اديرى وجهك عن اى شىء لايعجبك

[Mقمة البرااااائهM]

الغااااليه تعااااالي قمه موجوووووووووده بنت بلاااااادج يااااالله فديييييييييت بلاااااااااادج ياااااااااربي

حفظهاااااااااا ربي من كل شر وكيد يااااااااارب

[sweet moon]

بالنسبه للبنات اللي كتبتوا عنهم

للاسف شوهوا كلمة صداقه النت

وياليتهم يقرون كلامي عشان يعروفون دناءة اللي سوه ودناءه تفكيرهم الصغير

انا بتاتا مأرضى ان مبدأ الصداقه عن طريق النت يتشوه

بسبب بنات مايعرفون معنى كلمة الصداقه

ويستهينون بصداقه النت

وللمعلومه خير لك عرفتيهم على حقيقتهم

وخذي درس من هالتجربه ان الثقه ماتتسلم لاأي احد

لكن لاتقتنعين بداخلك ان صداقه النت فاشله

لان النت من افضل وسائل التواصل

اللي جمعت حبايب وقرايب واصحاب كثير

وتأكدي ان مايستحق انك تتركين هالمنتدى عشان بنات تفكيرهم محدود

[Mقمة البرااااائهM]

عااااااااااااااشت سوييييييييييت مووووون

صح صح كلاااامج عقبه الموضوع يغلق

ياااسلااام عليج

[((ام ليان))]

انا مع دافئة المشاعر

[اللؤلؤة اللامعة]

بصراحه بعض الصداقات تجيب وجع الراس وبعضهم والله انهم كفوا بس الوحده تبين مع الوقت مووووفقه