صدمه هزت كياني الله يسامحك ياحبيبي

[حياتي بدر]

السلام عليكم ورحمة الله وبركاته

بنات مو عارفه ايش اقول امس اكتشفت شي عن زوجي ورب البيت ماقدرت انام ولا اتكلم مو مصدقه إلى شفته

امس دق عليه وهو برا وقالي افتحي الايميل وشوفي فاتورة الكهرباء كم فيها عشان اسددها قلت له اوك

رحت فتحت الايميل وبعد ماقلت له المبلغ قفل معايا انا جاني فضول اشوف الرسايل اللي عنده فقلبت ووصلت عند الرسائل المرسله وهنا لقيت المفاجأه لقيت رساله مرسله لايميل شخص ومكتوب فيها هذا الكلام

>>>السلام عليكم يااخوي أنا عقيم ونصحوني بمشتشفى فقيه والله ماعاد ادري ايش اسوي من يوم قريت القصه أفدني جزاك الله خير والله يلبسكم ثوب الصحه والعافيه <<<

بنات معقوله يكون فعلا عقيم وأنا مااعرف شي وربي بمووت من الهم ليش ساكت لو الكلام فعلا صح وربي مااقول شي دايما اقول له جانا عيال او ماجانا اهم شي انت بحياتي وسوى تحليل مرتين المره الاولى الدكتوره قالت عنده عدد الحيوانات قليل شويه بس ومافي اي مشكله ومشينا الوضع وماراح راجع بعدها وقبل كم يوم سوى واحد ثاني وانا ماوديته للدكتوره بس قالي ان الدكتور قاله العدد عندك كويس وفوق العدد الطبيعي يعنى انت مافيك شي وصدقت وحمدت ربي انه بخير ومافيه اي مشكله بس يوم شفت الرساله هز كياني بمافيه يالله معقوله خبى عليه وانا وياه عايشين على الحلوه والمره قسم بالله احس بشي من الحقد عليه لانه كذب عليه مااعرف اقوله والا اسكت وابطل من المستشفى الا مافيه فايده محتاره خواتي ساعدوني الله لا يوريكم مكروه يارب انتظر نصايحكم لا تطنشوني

اعتذر على الاطاله

استودعكم الله الذي لاتضيع ودائعه

[رحيق القلوب]

انا من رايي تفاتحيه بالموضوع بس ماتبيني له انك قريتي رساله ولا حاجه لانه ياقلبي هذا اكثر شي يجرح الرجل خصوصا لما يشوفك قريتي كلمة انا عقيم فلا تجرحينه وقدري كبرياء الرجل وتتنااااقشووون بعيييييييييد عن الخناق واذا عصب اسكتي وهدي الموضوع وبعدين فاتحيه وتناقشو بوقت يكون مروق وشوفو لكم حل افهمي منه انو المشكله لها حل والا لا وحاولو تتوصلو لحل والله يرزقك بالحمل عاجلا غير اجل يعني تنااقشي بالموضوع بس لااتجيبين سيرة الرساله
موفقه

[ارجوحه فرح]

يا أختي إذا رب العالمين كاتب لكِ أنك تكوني أم في يوم من الايام راح تكوني ام ما

فيه شئ بعيد على رب العالمين., و تخيلي لو أنو لا سمح الله أنتي عقيم هل ترضين أن

زوجكِ يترككِ ؟! إن شاء الله أفدتكِ باجابتي و الله يرزقكِ باللي تتمنينه يا رب ^^

[][عروسه2008][]

المشاركة الأصلية كتبت بواسطة ارجوحه فرح

يا أختي إذا رب العالمين كاتب لكِ أنك تكوني أم في يوم من الايام راح تكوني ام ما

فيه شئ بعيد على رب العالمين., و تخيلي لو أنو لا سمح الله أنتي عقيم هل ترضين أن

زوجكِ يترككِ ؟! إن شاء الله أفدتكِ باجابتي و الله يرزقكِ باللي تتمنينه يا رب ^^

بكل تأكيد أن مشاعر المرأه تختلف عن مشاعر الرجل !!

المرأه من تضحي ومن تؤمن ومن تصبر !!


لكن لاتضحكين على نفسك وعليها وتقولين حطيه مكانك !! الرجل يفكر بنفسه أولا وأخيرا وبكل الأحوال ومستحيل راح يضحي نفسها ..


الله يرزقك ياارب

[lilian]

شي طبيعي ياختي يخبي عليكي لان الرجال له شخصيته وهذا الشي يأثر على نفسيته بالذات قدام زوجته
اذا كان ع قلة الحيوانات المنويه هذي علاجها بسيط بس هو مكبر الموضوع
انتي لا تجرحي احساسه بأنك عرفتي ....حرام
كلميه بسياسه . سايسيه واذا كلمك وصارحك لا تعملي نفسك انك انصدمتي خلي الموضوع عادي عشان لا يتحسس انتي ماتعرفي قد ايش هذا الموضوع كبير عند الرجال ياحرام
وقفي جنب زوجك وان شاءالله ربي يرزقكم الذريه عاجل غير اجل

[حياتي بدر]

الله يسعدكم يارب بس والله ماتوقعت يخبي عليه مو من طبعه يسوي كذا احنا اتفقنا نتفاهم في كل شي اللين النهايه بس حركته اثرت فيني وربي الله يهديه بس و إن شاء الله اكون فاهمه غلط بس

[ام شوووق]

حبيبيتي ليش تحقدي عليه
لوماكان يحبك ماكان يخبي عليك ويرسل من وراك يدور العلاج هذا لانه شاريك
الله يرزقكم ويسعدكم ويهدي سركم
لاتقولي عن الرساله بس لمحي له
ويمكن مشكلته بسيطه وهو مكبرها

[قمر بيت أبوها]

أقول لك شي بس مو تحيز له ولا تقليل بصدمتك
زوجك وربي علي نياته
تدرين ليش؟؟!!
لانه عطاكي الرقم الباسبورد ومافكر بالرسائل المرسله
دليل انه مايعرف لاسلوب الخداع عن الرجال
ومن ناحيه يمكن يدور حل لمشكلته بالانجاب لان هو اللي عنده المشكله مو انتي فيبحث بنفسه مو تجاهل لك
صدقيني بس مايبغي يشيلك هم العلاج والنتايج
ومن راي لا تكلمينه هالفتره
كل فتره شيكي علي ايميله من غير مايدري
ولو تبغين تتاكدين من حسن نيته
ارسلي له اعلان عن مستشفي لعلاج العقم من ايميل ثاني
راآآآآآآآآآآآآح يدرك عليكي وراح تجين تقولين ظلمته
والانجاب وربي له حل
كم حرمه قابتلها بالمستشفي تقول ماجبت واساله وش اسباب عقمك تقول والله
مافي اسباب كل شي سليم بس ربي ماكتب
والعقم مرض ترا مثله مثلي اي مرض
وانتي انتظري هالفتره وربي اني احس ان زوجك نيته صافيه
ولو مستعجله علي الخلفه كلميه بس مو الان انتظر احد من اقاربكم يولدج وقتها افتحي هالموضوع كان توهه همك
الله يرزقكم ويعينه رحمته ماادري ليه

[حياتي بدر]

الله يسعدك حبيبتي ام شوق هو مو حقد بمعناه بس والله حز في نفسي انا كنت صريحه معاه من البدايه ماخبيت عليه اي شي

بس تعرفي عجبتني كلمه خبى عليه لانه شاريني ويحبني مااعرف ابتسمت على طول اول ماقريتها

الله يسعدك يارب

[ام شوووق]

المشاركة الأصلية كتبت بواسطة حياتي بدر

الله يسعدك حبيبتي ام شوق هو مو حقد بمعناه بس والله حز في نفسي انا كنت صريحه معاه من البدايه ماخبيت عليه اي شي

بس تعرفي عجبتني كلمه خبى عليه لانه شاريني ويحبني مااعرف ابتسمت على طول اول ماقريتها

الله يسعدك يارب

كذا حبيبتي ابتسمي وتفائلي وادعي ربك
حافظي على زوجك ولاتستعجلي عالخلفه
ويارب قريب تبشرينا بحملك
ولاتفاتحي زوجك اذا تحبيه اصبري يالغلا