أول أستشآرة لي / وماخاب من أستشار

[][عروسه2008][]

السلام عليكم

أخواتي بالمختصر أستشارتي عبارة عن أسأله


حينما تصل مشاكلك مع زوجك الى حد تفكرين به بالطلاق

هل قبل أن تقدمي على هذي الخطوه تطلعين على أحد من أهله تثقين برأيه ,, حتى يعرفون ولدهم على حقيقته ومدى تحملي له طول السنوات برغم أني لم أفكر بحياتي أن أفشي مشاكلي معه لأحد حتى أصبحوا يروني ملكة زماني ولا أشكي من شئ

أو لا تأيدون أن يدخل أهل الزوج بالموضوع ..


علما بأني تحملت بما فيه الكفاية على عصبيته وأسلوبه التحقيري لي بحجة أنه اذا عصب لايعلم مايقول ؟ هل مثل هذا الرجل تستمر معه الحياه لأخر العمر بهذي الطريقه ؟

هذا ماأفكر فيه ,, قبل أن أحمل بأكثر من طفل وتكون العلاقة صعبت أكثر


هل أتخذ معه أسلوب التأديب وأذهب الى أهلي فترة دون أن أتناقش معه لأني من تزوجته وأنا في نقاشات ولم يتغير أي شئ ..


أفيدوني قبل أن أقدم على هذي الخطوه جزيتم خير

[][عروسه2008][]

أم رزان ,, نسيم الصبا ,, مشاعل الدوسري

وين الناس أنتظر اجاباتكم بأسرع وقت

[مشاعل الدوسري]

و عليكم السلام هلا فيك اختي ..

انا شخصيا اذا صارت عندي بعض الاستفهامات من زوجي و تضايقت منه على الاخر اشتكي
حق حد يمون عليه يعني امه او خواته .. الاشخاص اللي مؤهلين للثقه
و استشيرهم لكن مو اي اخت .. الاخت الثقه و التكأنه و مو اي موضوع اقوله لامه ..
لان مافي اخت بتتكلم على اخوها و زوجة اخوها الطبيعي ..

و بخصوص العصبيه في رجال هذا عيب في بعض الرجال انا شخصيا عندي اخوي الكبير اذا
عصب ما يدري شنو يقول زوجته اصبرت عليه و الحمدالله مع الوقت صار يشوف ان زوجته و كلنا نستنكر افعاله من عصبيته و احنا نعامله كويس .. تدريجيا تغير ..

المهم في هذي النوعيه .. انك تبتعدي عن الاشياء اللي تعصبه و تلبين كل طلباته مثلا ملابسه جاهزه بيته مرتب و انتي مهتمه بنفسك و الصبر مفتاح الفرج ..
ووووو بس مو حل ابدا انك تروحين بيت اهلك عشان هو يتغير .. هذا طبع فيه مو ازمه مار فيها في فرق الطبع يبيله وقت و صبر لكن الازمه فتره و تعدي
انتي تقولين هو يقول هو مايحس بنفسه اذا عصب يعني ماراح تستفيدي شي اذا رحتي بيت اهلك بلعكس بيجي في باله هذي مو مهتمه و ماصدقت شالة قشها و راحت و و و و


خلك في بيتك و استعملي معاه الحقران بس بأسلوب راقي و ذووق الأدب و اللباقه و لسانك يقوووطر من الكلام الطيب
أنشالله على امرك يعطيك الف عافيه مشكور عساك على القوه ووو هيك كلمات ترحيب و سنع..

تخليه يفكر تدريجيا زوجتي كل شي ملبيه لي و سنع و كلام طيب و كل شي اطلبه موجود ليه انا اتعامل معاها كذا ..
بيراجع نفسه ...


طيب بخصوصك أنتي شخصيتك ..
هل فيها شي ما يحبه ابتعدي عنه تصرف مايحبه لا تسوينه ..

اسلوبك معاه عادي و لا تحسين انك اوقات تمصخينه بغض النظر عن انك صابره عليه و و و و

انتي طريقتك معاه فيها شي ينرفزه و لا ما تدرين ..

عشان زوجك عصبي بتتطلقين منه لا في طرررق للتعيش مع الزوج العصبي و زي ما قلت مسألة وقت ..


استمعي لكلام دكتور طارق الحبيب في شخصية الرجل العصبي و كيفية التعامل معاها ..

[مشاعل الدوسري]

انا اول وحده رديت بعد امري ههههههههههههه

تذكرت على حسب علاقتك بأهله انا شخصيا معاهم سمن على عسل مع اهله يحترمون و يقدروني و و و
لكن اذا انتي في بينكم نزاع او بعد بلمعرفه يعني ما تعرفينهم زين علاقتك فيهم سطحيه افضل انك تتكلمين مع امه و تقولين لها انا اعتبرك مثل امي و انا ماابي اتكلم في مشاكلي مع ولدك عند اهلي انتي تمونين عليه ولدك و انا ابيك تنصحيني ياخالتي
بتكبرين بعينه صدقيني ..

[][عروسه2008][]

آخ ياقلبي لاتحزن

كل ماعصب وقال لي ألفاظ ,, يقول منك انتي خليتيني كذا


ماهي حاله طيب ,, معناها أصير أصم أبكم بالبيت عشان حضرته لايتنرفز ؟

أخلاقه بخشمة طول الوقت لكن بالجوال مع أصحابه أسمع ضحك ماعمري سمعته

لما أسافر لأهلي اذا كلمته بدري يقول راجع للبيت ولما نكون عنده أخر الليل يرجع


والله نص اللي قولتيه منفذته بالحرف والحمد لله مامدح نفسي أصبر وماحب أبين مشاكلي لو كنت بأضيق أزمه


لكن خلاص أنا صرت أسأل نفسي ؟ ليكون هو خلاص مايبيني وعشان كذا كل فتره مسوي أزمه بالبيت بحجه أنه عصبي؟؟؟ ليش مافهمها من قاصرها وأمشي ,, حتى يفكر ويشوف


مع أني واثقه أنه يفضل حياة العزوبيه على المسؤليه



أشكرك على ردودك التفاؤليه دائما وأنا متابعتك

[][عروسه2008][]

تسلمين لي ,, بسميك أبو الحروف لسرعه الرد ,, على قلبي :)


علاقتي طيبه والحمد لله وصاحبة واجب ومجاملات أحيانا فوق طاقتي


أفضل أكلم أخواته لأن الأم مابي تهتز صورت الانسانه المعززه والواثقه بعينها وتعرف أني تعيسه


فهمتيني

[مشاعل الدوسري]

انتي صرفك مبالغ فيه و لا عادي طيب اقترحي عليه اجازه تسافرون و تغيرون جو او انه يسافر مع اصحابه .. يغير جو و يهدي اعصابه
هل انتي تعرفين مشاكله كلها

ازمات الدوام ازمات الماليه مشاكله مع اهله لا سمح الله ديون لو كان عنده لازم تكوني ملمه بكل شي بحياتك عشان تساعدينه ..

روقي و قولي له حبيبي اذا وجودي يخليك تعصب انا بروح بقعد في بيتكم كم يوم او في بيت اختك .. مو بيت اهلك انتي في فرق ..

الين تهدى ..
بيستغرب العاده الوحده لا بغت تروح بتروح بيت اهلها عشان ترتاح ..

او قوليله شرايك تأخذ اجازه و نغير الروتين اللي حنا فيه ..

ترى مهم تغير الروتين يكسر حواجز و مشاكل تنسى في بعض المفأجأت و الحركات الحلوه ..

[][عروسه2008][]

رجل يقول لك ( أنقلعي لأهلك خلاااص ) مهما كان السبب هل ترضينها أو هل تجلسين عنده

وأنتي لم تقصري معه

نعم أعلم أن لديه ضائقه ماليه وديون .. ولكن هو سببها لقله تدبيره لحياته وراتبه ضعيف ولكن مساهماته مع أصحابه مقدسه حتى لو تبقى من راتبه 500 أهم شي يساهم مع أصحابه بمصاريف أتوقع أن المنزل أولى بها\\\

هذا من غير أني ساعدته بكثير من الأمور والديون حتى مع أخوانه دون علمهم أنها مني ,, حتى لا أحرجه

وأتمنى أن يصارحني بكل مايضايقه أعين وأعاون

وهناك أمر مهم وأتوقع أن أهله لهم علاقه بما يمر به من نفسيه عصبيه ,, وهو مساهماتهم المستمره ومعاملته نفس من هم يملكون رواتب مقتدره ,, وهم يعلمون بحجم راتبه ومستلزماته

وأتوقع من خلال حياتنا المرفهه والحمد لله ولايعلمون أنها جميعا مني ,, وكأنهم يطلبون منه أن يعدل بيني وبينهم ؟؟ أو يحسسونه بالتقصير معهم ؟

هل يحق لي أن أفتح هذا الموضوع مع أحد أخوته !! بما أنه يسبب هذا الضيق والعصبيه التي هو فيها وبالتالي ينفجر علي لأي سبب كان بألفاظ لاتطاق وأنا أرى بأني لا أستحق منه سوى أفضل معامله بما أنا أقوم به معه

[][عروسه2008][]

لااتخلين ,, بتخذ القرار قريب والله طقـــــــــــــــــيت من شعور أنه ممكن يبيني أزعل وأترك البيت ,, لا ويهدد أنه بيكلم خالي الكبير لأنه زميله يشرح له أنه طفشان من حياته معي ؟؟ مدري بالظبط أيش راح يقول !! وأحس أنه طفشان من نفسه ومو قادر أنه مايتحمل مسؤليه
لأن محد يصبر على أسلوب زفت وهو مو مقصر

[][عروسه2008][]

60 مشاهدة ولا رد ؟؟؟

طيب دعوة !!