الروتين اليومي احتاجكم

[أميرة ببسمتي]

ودي استفيد منك ياحلوات
ياليت تقولي لي كيف روتينك اليومي يعني متى تنامي ومتى تصحي ومتى تنظفي البيت وكيف طريقتك بالتنظيف يعني كل شي تنظفينه بيوم واحد اوكيف ومتى تجلسي مع زوجك
لان لي سنتين متزوجه مالي نظام معين على حسب المزاج احس اني حووسه ودي ارتب نظامي
تفاعلوا معي يمكن استفيد منكم واسوي مثلكم

[مشاعل الدوسري]

السلام عليكم

حبيبتي يعتمد على وقت نومك و دوام زوجك ..
و اذا عندك كليه او معهد او اي نشاط يومي تسوينه ..
عندك اطفال نظام نومهم كيف ..

يعني انا شخصيا قبل اول ماتزوجت ..
زوجي من 7 الصباح يطلع من البيت او يطلع قبل
1- اغسل الحمام اذا محتاج تقريبا كل يومين اغسل الحمام ..
2- ارتب الصاله و اكنسها و امسحها كل ثلاث ايام اقلب الكنبات يعني تنظيف من الاعماق
3-المطبخ يكون نظيف لاني قبل لا انام اكون منظفته.. فا ارجع المواعين مكانها .. و اجهز للغداء و للعشاء اوقات ..
اجهز اغراض البيبي رضعات اسلق خضار و رز و اخليه بلثلاجه .. و كل 3 ايام انظف الثلااجه
4- اغسل الملابس ..
5- ارتب غرفة النوم و افتح الدولاب اشيك على ترتيب الملابس .. و ارتب التسريحه ..
6- اطبخ للغداء اوقات و لا و العشاء اجهز له لو في شي يحتاج يتبل و يضل كم ساعه بلثلاجه اتبله من بدري ..

تجي الساعه 12 انا مخلصه كل هذا الشغل ..و اوقات اخلص بدري يعني الساعه 10 خلاص ..كل شي مرتب ..

الساعه12 يصحى ولد زوجي اغير له و اقعد معاه اذا جاء زوجي نتغدى و اوقات يتغدى بلدوام فا اتغدى انا لوحدي
الساعه 1 الى 3 على النت و التلفزيون و العب مع ولد زوجي و بس ...
اذا في كوي اجيب الملابس للصاله و اكوي .. و اخلصهم و انا اتفرج على التلفزيون ..
ما خلصت اشيلهم و اكمل بعد المغرب ..
الساعه 3 بلضبط احط الفحم على النار ابخر البيت كله و اعطره و اشغل فواحة الغرفه ..

و لما يجي زوجي ننام الين الساعه 5 اوقات هو ينام لوحده .. المهم هذا النشاط اليومي




حاليا بوجود طفل 2 و الثالث جاي بلطريق..


نفس النظام لكنه مو مثله بكل التفاصيل.. في اهمال من نواحي لاني ثقيله مع الحمل ..

فا اللي اقدر عليه اسويه البيت امسحه و اكنسه قبل لا اام و انظفه على قد ما اقدر علشان لما اصحى ..

يكون البيت نظيف..
يعني شغل البيت اسويه بليل
..
1- انظف الصاله و المجلس اكنسهم و امسحهم و اشيل اي شي ممكن يضر بلاطفال..
2- امسح الممرات و اكنسهم
3- انظف حمام الأطفال بلاسبوع مره او مرتين ..
4- اغسل الملابس
5- انظف المطبخ .. اوقات ما اقدر اخلص شغل المطبخ فا اسوي اللي اقدر عليه و الباقي اذا صحيت من النوم ..
6- اكوي بدل زوجي حق الدوام .. و بس ..

بين كل كم يوم يصير ما عندي شغل كثير غير كوي الملابس و العشاء و الغداء فا ... اوقات اقدر و اوقات لا ..
على حسب العب اللي يجيني اذا اقدر ولا لا ..


و الله المعين ..


و بس ..

[مشاعل الدوسري]

صررت اهمل من ناحية اني ابخر البيت كله يادوب اوقات اتذكر اعطر الغرفه ..

و بس

[I wow]

انا برضوا انام بدري مع زوجي عشان اصحى بدري
ارميالملابس في الغسالة الاتوماتيكية
اسوي له قهوة للدوام الساعة 6 وبعد مايطلع ابدا اغسل الحمام واكنس البيت وامسح المجلس هذا اليومي
ماتجي 9 الا انا مخلصة

اريح واحيانا انام الى 12
اصلي الظهر واسوي الغدا

وبعد مانتغدا انظف المطبخ واخليه يرتاح بروحه

احيان اريح معه واحيان اكوي مايجي المغرب الا انا مخلصة شغل البيت

وبالنسبة للمرات وغرفة النوم كل 3 ايام امسحها ويومي ارتب وابخرها
لكن مدري وش راح يكون نظامي الجديد مع البيبي


لكن نصيحة لا تراكمي الكوي والغسيل عو الي راح يلخبط كل شي

[أميرة ببسمتي]

جزاكم الله خير ماقصرتوا

شغل البيت متعب صراحه ربنا يعين
وين البقيه؟؟؟؟

[نبض الغيم]

في موضوع حلو لوحده اسمها قرة عين زوجها تحمسك لشغل وتعطيك جدول كامل استفدت منها الله يجزاها خير موضوعها قديم بس مفيد الله يوفقها ...
وسبحان الله مع ان اخواتنا متزوجات إلا انهم الله يهديهم مايعطونك جدول تمشين عليه او يساعدونك المفروض يساعدونا وبعدين شوي شوي نعتمد على انفسنا صراحه شغل البيت تعببببببببببب وملل موضوعك حلو راجعتلك

[نبض الغيم]

بصراحه مشاعلى وiwowحريم سنعات ماشاء الله تبارك الله

[أميرة ببسمتي]

ماحصلت الموضوع

رفع

[ام ديالأ]

أنا انام الساعه4الفجر والسبب بنتي ماتنام الا فهذا الوقت الله يعين وقوم 12أو وحده الظهر أقوم اطبخ نتغدا بعدها انظف البيت وابخره ولاني حامل اكيد اتعب كثير اروح انام 2ساعتين الين بعد المغرب واقوم اتكشخ والملابس اغسلها كل 3ايام الحمامات نفس الحاله والكوي ماحب اكوي في البيت والله يعين

[أميرة ببسمتي]

حوامل انا نظامي حوسه
نومي ماتعدل ومرات اسوي غدا ومرات لا اكون نايمه
حووووسه مدري وش الحل انصحوني