هذه اعراضي والعلم عند الله

[وسوووم]

السلام عليكم ورحمة الله وبركاته

كيفكم اخباركم علومكم طيبين كيف الاهل
طبعا انا عضوة جديده هنا وتوني مسجله اليوم
وانا احب هالمنتدى من مبطي بس مالي خلق منتديات ومن مساع اشاور نفسي اسجل والا لا وكنت متردده لكن توكلت على الله وسجلت
قبل التسجيل كنت معاكم حماس ادخل واشوف اخر الاخبار افرح للي ربي رزقها وادعي للي ربي ماعطاها الذريه يرزقها الخير والصالح لها ولزوجها
انا متزوجه من خمس شهور وعمري 27 عندي في جعبتي حكايا
انا ياطويلات العمر والسلامه متفقه مع زوجي ما يبي بزران يقول يبي ينبسسط بالزواج زوجي مو كبير ذاك الزود عمره 32 بس يحب الدلع مع اني انا الحرمه المفروض انا اللي اتدلع وخايف العيال اذا جاو ان شاء الله ينسحب البساط من تحته
انا ما عندي مشكله اصبر سنه بس السالفه موب عندي عند الكبار امي وامه وابوه لانه بكرهم اما امي عندها اختي بتولد بعد شهر
امي اقول لها تو الناس تقول نجرب نشوف اذا تحملين بعدين اذا جبتي واحد قولي تو الناس. وصديقاتي يحنون من عقب ثالث شهر لي توني عروس ياجماعة ترا انا اللي بحمل وبتوحم وبولد وبربي واشيل واحط موب انتم واغلبوا صديقاتي اللي قالوا احملي عزابيات
الشهر اللي طاف تحمست وقلت بقراء وبشوف وكلمت ابو الشباب وانصرع وقال تو الناس بددري >>بديت احس انه بدري صدق
وشفت اختي قبل اسبوع عند اهلي ورحمتها في الثامن وموب قادره تنسدح مدوره الله يعينها
وتراجعت شوي وشفت ناس سمنوا وتراجعت وقلت تو الناس عشاني كنت سمينه ونحفت وابي افرح بالرشاقه شوي وان شاء الله اذا حملت ما اسمن لكن قبل كم يوم رجعت الفكره في راسي عشان جدت زوجي قالت جعلني اشوف عيالك قبل اموت وضاق صدري
بقولكم وش حسيت فيه هالشهر طبعا غير عن كل شهر انا من قبل الزواج دورتي منتظمه وحتى بعد الزواج بس زوجي يصب برا مو داخل وسمعت انه يمكن يصير حمل
المهم لي خمس دورات من تزوجت ماحسيت اللي حسيته اللحين من اسبوعين وهذا حالتي اول اسبوع بعد الدورة كنت ما انام زين وماغير معصبه على زوجي واصيح وكان الاسبوع اللي بعد الدورة نمت مع زوجي كل يوم وعقبها قلت بروح لاهلي عشان ما يطفش مني لاني حاولت القى سبب لصياحي مالقيت بس ماغير شايشه على هالرجال يوم رحت بيت اهلي بس نايمه بالليل وصاحيه بنهار وصمت اللي علي ويمكن عشاني صايمه كنت هاديه وبالاسبوع الثالث اللي هو هذا الاسبوع ومن يوم الاربعاء وانا معدتي تحرقني وصداع ما ادري من وين قلت يمكن عشان المكيف بعدين قلت يمكن عشان المالح وبعدين قلت يمكن فيني ضغط لكن ماش لو اكل شي بسيط واشرب مويه يضربني صداع وحرقان براس المعده ومن يومين صار زي كاني برجع بس احسها تقلب تقلب لكن ترجع تركد واحب النوم كثير واذا قمت من فراشي او اي مكان منسدحه منه كان احد صافقني على راسي تختفي الرؤيا ثاواني وبعدين ترجع شوي شوي ومع الم لاظهري يالمني ولا شي بس رجولي الم الدورة. ونغززات كانها دبوس مره مرتين في اليوم في المهبل ومامعي التهاب ولله الحمد واعرف نفسي اذا في التهاب قد مر علي من قبل وبس ان حامل الحمدلله واذا مو حامل برضوا الحمد لله حبيت ااسولف لكم بس

[حياتي توأمي]

حبيبتي نورتي المنتدى



بخصوص أعراضك ياقلبي احتمال حمل واحتمال من قرب الدورة
اذا عدى موعد دورتك حللي بتست منزلي وان شاء الله ربي يفرحلك قلبك

[حنان معوض]

حبيبتى هلا بيكى
بنصحك حبيبتى اذا ماهو حمل انك لا تحملين الا بموافقت زوجك حتى تكون السعادة مشتركه
وواضح من كلامك على زوجك انه ممكن يتعصب عليكى ويزعل اذا سعيتى للحمل وهو مت\اهو راضى
اما اهله اذا احد كلمك قوليلهم شوفوا ابنكم هو اللى ما يريد حتى لا يوجعون قلبك وراسك
ونصيحه ﻻ تبعدين عن زوجك وخاصتا انكم فى اول الزواج
لان ترا الحمل يحتاج الى علاقة منتظمه حتى يتعود جسمك على زوجك ويكون مستعد للحمل

[وسوووم]

علاقتي الحمد لله منتظمه مع زوجي وما احب ارده لو طلبني احسه مو زين وعشان ماتروح عينه برا ومن ناحيه الحمل انا مو مستعجله واللي كاتبه ربي بيصير وهو اساسا يبعد الحيوانات المنويه عشان ما تتلقح البويضه ويصير حمل يقول تو الناس وانا عادي اذا صار كتبت ربي واكيد ماراح اعترض عليها وان ماصار الحمدلله واحسه صدق بدري بس وش اسوي في شيبانا تفكير اول اغلب الل ي يتزوجون اللحين يجلسون اقل شي سنه واهلنا موب راضيين همه من كلام الحريم يعني اللي ما تحمل على طول فيها شي مافينا الا العافيه ان شاء الله بس نبي نوسع صدورنا شوي

[الأمورة سوس]

الله يسعدك حبيبتي إن شاء الله
بس حقيقة توكم عرسان في نفس الوقت اعماركم مو صغيرة حتى توناس للحمل
فهيك يكون منظور اهلك يمكن ودهم بعد يفرحو بطفلك و تأجيل كثير يأثر على الانجاب
مشاكل الانجاب مشاكل لا تنتهي كثرة بهذا الوقت بشكل ملحوظ ويمكن يخاف عليك
زي ماكان حالي نريد نستانس سنة بعدها صرنا نحسب سنوات عشان أحمل
الله يوفقك

[فروووحه a]

ممكن يكون حمل اذا زوجك نزل جوا

[ام توته باذن الله]

حبيبتي حياك الله بمنتدانا
صحيح حبيبتي توكم عرسان انبسطي الله يهنيكم يارب
واذا زوجك نزل جوه احتمال كبير تكونين حامل
ماقلتيلنا متى موعد دورتك ؟
الله يكتبلكم اللي فيه الخير يارب()

[ahlam-f]

حيااك حبيبتي بين خوواتك وراح تستفيدي من خبرات البنات وراح تلقي الفايده منهن ان شااء الله ..

وياارب اذا كنت مشتهيه الحمل ان يرزقك الشهر هذا الحمل السليم ..

[ندى الوردة]

أناماأظن حمل إذاكان يرمي برا اطمني
بس أحب أقولك العيال نعمة والمرأة إذاوصلت الثلاثين قلت عندها فرص الحمل وكمان إذا حملت تكون نسبة الصعوبات عندها أكثر من أصحاب العشرينآت ومابتروح غير عليك أما زوجك فكري وإحسبيها صح بالنسبه لزوجك تقدري تقنعيه وإنتي وشطارتك

[وسوووم]

دورتي ان شاء الله يوم الخميس وترا زوجي اشطر مني في الاقناع اذا قلت له عطاني نظرة الطفل الحزين ويكسر خاطري