اللي عايزه جوزها يموت في التراب اللي بتمشي عليه تتفضل

[ام عائش]

كل واحدة بتحب جوزها تتبع الخطوات دي عشان يحبها اكتر ويموووووووووووت فيها
اول حاجةالرقة اكتر حاجة الراجل يكرهها الصوت العالي لما تتكلمي خليكي رقيقة وهادية حتي لما تتضايقي متتنرفزيش انت لو اتكلمتي بصوت واطي وبهدوء هو كمان هيعمل كده والحوار هيعدي بسلام
الصراحة احكيلو حاجات حصلت في غيابو وحسسيه كأنو كان معاكي ونصيحة لو عايزاه هو كمان يحكيلك كل حاجة حسسيه بالأمان وقوليلوكلمة مهمة جدا** أنت لما تحكيلي الحاجة حتي لو ضايقتني وقتها احسن ما تخبي او تكذب و اتضايق اضعاف اضعاف** وكدة هيحكي كل حاجة ولو قالك حاجة تضايقك افتكري انه كان ممكن مايقولهلكيش ف طولي بالك وخللي بينكم ثقة ومناقشة وصراحة
تاني حاجه
الاهتمام بيه يعني لما ييجي من برة تستقبليه بإبتسامة رقيقة وحضن رقيق ولو كان جايب طلبات البيت شيليها منه وقوليلو شكرا يا حبيبي تعبت نفسك وتقدري انه تعب في شراء الحاجة في الشمس ورخامه البياعين وطلوع السلم
وتكوني محضره له الحمام و تكوني محضره الغدا
وقبل كل ده يكون *شكلك حلو* مش هقولك البسي عالموضة ولا سبسبي شعرك بالساعات ولا اتمكيجي في 3 ساعات .....لأ
استحمي ..حطي مزيل عرق,,البسي قميص نضيف
سرحي شعرك لو منكوشة ارفعيه ونزلي قصص رقيقة او لو ناعم فكيه اعملي بودرة حوالين عينيكي مسكرا خفيفة ولمسة روجاجو وجلوس شفاف
رشي برفان رقيق وعلي فكرة تظبيط نفسك مش هياخد غير 10 دقايق
اسعديه دايما خليكي بشوشة ابتسمي له كل ما يبصلك كوني مصدر سعادة ليه مش نكد وبوز حرام
لما تطلبي طلبات قولي بعد اذنك يا حبيبي عايزة كذا وكذا
لو بيحب مطشات الكورة اقعدي معاه وشجعي وممكن كمان تشجعي الفريق اللي ضده وتتراهنو علي اي حاجة في حالة الكسب والخسارة وتتضحكو سوا
من الاخر امني له جو بيت دافئ و سعيد عشان يحب بيته ويموووووووووووووووت فيكي ويقعد يكلم اصحابه علي حلاوة وجمال الجواز
الاهتمام بأهله وخصوصا مامته ولو بيحب باباه اكتر تتقربي من باباه وتعرفيهم دايما قد ايه انك بتحبي جوزك و سعيدة معاه واوعي تقللي من شأنه قدام حد كل حاجة حاضر وطيب
ولما حماتك مثلا مش عاجبها حاجه في البيت اعملي اللي هي عاوزاه وبعد كدة اعملي اللي انتي عايزاه براحتك
بكدة الناس هيشكرو فيكي و جوزك هيهتم بيكي ويحبك اكتر
وتقولي له كل فتره حماتي عاملة ايه علي فكره انا بحبهااوي ربنا يخليهالنا
الخصوصيةالكلام اللي بينكم ميطلعش لاهلك ولا لأهله عشان يحس انكم واحد وعلشان محدش من الاهل يقول حاجة قدامو ويبقي شكلك وحش
ولو في مناقشة في البيت يستحسن متبقاش قدام الاولاد في اوضة النوم و الكلام ميطلعش برة الاوضة
المفاجآت اي حد بيحب المفاجات وقولي بطريقة غير مباشرة انك بتحبي المفاجات عشان مخه يشتغل ويحاول يعملك حاجة
من غير مناسبة ابعتي رسالة وهو في الشغل بحبك وحشتني او مستنياك علي نار او البيت وحش من غيرك
او كلميه فجأة في الشغل وهو هيتخض ويقولك في حاجة قوليلو اه وحشتني البيت وحش من غيرك كنت بطمن عليك مع السلامه يا قلبي
كل فتره احجزي اوضة مش لازم في فندق غالي غيري مكان يعني
وزوقيه وخليه انتي حلو من جوا وابعتي له رسالة مستنياك في........
ظروفه المادية راعي ظروفه المادية ومتضايقهوش بالطلبات اللي مالهاش لازمة وخصووووصا في اخر الشهر
لو زعلانه منه بسيطة افتكريله الحجات الحلوه اللي عملهالك ونصيحة مني كل ما يعمل حاجه و لو بسيطة و لو كلمه او نظرة سجليها عشان احنا بطبيعتنا بننسى الحلو !!!! وفكريه بيها من فتره للثانيه .كده يبقي علي طول معاكي كويس ان شاء الله
وانا مثلا لو مزاجي متغير اقوم آكل حاجه حلوه مع شاي مثلا ولااعمل جلسه صفاء مع نفسي و لو عايزه اعيط بعيط مافيهاش حاجه و ساعات بقوم كده اتشيك و احط ميكياج و اقعد اتأمل نفسي عشان معنوياتي ترتفع عشان انا هنا لوحدي اما لو عندي صاحبات اقعد معاهم و اكلم حد قريب افضفضله . و ساعات بدور في النت على برامج كوميديه و اقعد اضحك ههههههه يعني في ميه طريقه و طريقه عشان تغيري مزاجك المهم انك تعرفي نفسك كويييييييس و تعرفي مزاجك مبيتغير ازاي
من الحاجات اللي بتفيدني اوي اسمع لشيخ بحبه و اشوف برامج دينيه او برامج تطوير الذات اوسع اهتماماتي عشان ما أخليش فتافيت الملل و التعب تقهرني

نصيحه للستات اللي بتشتكي من الصمت اول حاجه لازم تعرفي اني ده اسلوبه مش بالضروره ساكت لانه زعلان او مش طايقك و حلها....انك تردي عليه بالمثل ... معلش عارفه انها صعبه انا كمان كنت حطق بس الحمد لله انا كنت بعملها من غير قصد بس لما شفت النتيجه بدأت اخطط ........
خليكي يومين كده مفرفشه و ثرثاره و عادي حتى لو ملوش مزاج يرد عليكي بس لاززم تعرفي حدودك المهم انه يلاحظ نشاطك و بعدين من غير سبب صمت.مش بوز و زعل و فوران لأ صمت هادئ و رقيق ابتسمي بس من فوق كده و خلي كلامك رقيق حبتين و ما تتكلميش معاه الا للضروره زي اول حب كده هههه سرحان و عالم ثاني.. المهم يكون الجو هادئ غير اللي اتعود يشوفه .. ممكن في الاول ما تفرقش معاه بس مع الوقت حيبتدي هو يتكلم و يحاول يخرجك من الصمت ده و يعرف وراكي ايه بالضبط عشان الراااجل بيحب الغموض و حل الألغاااااااز فخليكي لغز و هو حينطق
الحرية سيبي وقت لنفسه ولأصحابه وخليه ينطلق ويفرفش لأن "صدقيني" لما يخرج هيشتاق لك ولازم تديه الثقة ومطلق الحرية وساعات كمان تقوليله ماتنزل مع اصحابك غير جو...
الثقة لازم تديه الثقة وتحسسيه بكدة و تقوليله علي طول علي فكرة يا حبيبي انا بثق فيك وبكدة هتكسبي في الحالتين لو هو قد الثقة هيفرح بكلمتك دي ويعمل مجهود اكتر عشان يثبتلك كده ولو هو مش قد الثقة وكان بيلعب بديله هيحس بعقدة الذنب ويحس انه قد ايه انه صغير
وربنا يسعد كل زوجين مع بعض
والسلام عليكم ورحمة الله وبركاته

[ام عائش]

واحلي حاجه ان حبيبتي طيوف هي المشرفه علي القسم

[حنين الجنة]

خليكي يومين كده مفرفشه و ثرثاره و عادي حتى لو ملوش مزاج يرد عليكي بس لاززم تعرفي حدودك المهم انه يلاحظ نشاطك و بعدين من غير سبب صمت.مش بوز و زعل و فوران لأ صمت هادئ و رقيق ابتسمي بس من فوق كده و خلي كلامك رقيق حبتين و ما تتكلميش معاه الا للضروره زي اول حب كده هههه سرحان و عالم ثاني..






دى بئه مجرباها واو تأثيرها روعه نصيحه جربوها
ميرسي ام عيوشه على التوبيك الرائع

[حنين الجنة]

طيوف ادارية يا عسوله
يعى مشرفه عاامه على كل المنتديات

[ام عائش]

جزاكي الله خيرا مصريه وانتي برضو غلاوتك ماتقلش عن طيف

[الصبورة]

الكلام سهل

[نوادر]

مشكوره على الموضوع المميز

[ام عائش]

الصبوره جزاكي الله خيرا علي المرور حبيبتي وربنا يعينك علي اسعاد زوجك لو كنتي متزوجه

[ام عائش]

جزاكي الله كل خير نوادر علي المرور تسلميلي ويارب يسعدك ويحفظك

[ام قمر]

نصايح فعلا مرررررررررة روعة

ومفيدة

بس....

كل فتره احجزي اوضة مش لازم في فندق غالي غيري مكان يعني
وزوقيه وخليه انتي حلو من جوا وابعتي له رسالة مستنياك في........

أخاف يسويلي مشكلة كيف تحجزي بدون ما ادري؟
ومتى؟ وكيف رحتي؟ ههههههههههههه

خلينا في السليم احسن

شكرااااااااااااا على الموضوع الروعة