ايش اسهل لترويش الطفل ؟ الاسفنجة ام الكرسي؟

[ام اسكندر]

السلام عليكم

بسألكم يا أمهات عن الملحقات لاستحمام الطفل اللي هيا اسفنجة الترويش والكرسي كمان

هذي صورة الكرسي:




وينحط الطفل فيه كذا:





وهذي صور الاسفنجة:











مليت الموضوع صور

بس عشان تتضح الصورة اكثر لكم

الزبدة:

أيت شفتيه اسهل وافضل للطفل ؟
أيت العملي فيهم اكثر؟ الكرسي ام الاسفنجة؟

انا ولدي عمره ثلاثة شهور انا اشتريتله البانيو حق الاطفال بس
وأمس دخلنا محل وشفنا القطعتين

زوجي يقول الكرسي احسن واسهل لي في ترويش البيبي

وانا اشوف ان السفنجة عملية اكثر بحيث اني اقدر اقلبه واغسل ظهره بسهولة وسط البانيو

انتو من خبرتكم تنصحوني اشتري ايش؟

[ريــوف]

الاسفنجة والبانيو انا من رائيي اسهل زي ماقلتي يسهل عليك انك تقلبين الطفل بسهولة

[أإأم ع‘ـــزُوـوزُ]

الكرسي افضل عشان تاخذي راحتك في ترويشه وترتاحي وانتي ترويشيه ولا تخافي ابد ....

[نبع الكوثر]

خدي الى يريحك ياقلبي اذا انتي ترتاحي على الاسفنجه اكثر خلاص خديها كل وحدة ترتاح على شيء غير عن الثانيه انا مثلا في بنتي الاولى ارتحت على الكرسي والحين في بنتي الثانيه رغم اني استخدم نفس الكرسي الى اني مارتحت ابد واحس اني مانضف جسمها عدل وصرت استخدم الاسفنجه وارتاح عليها اكثر

[ام تركي-]

انصحك حبيبتي من الولاده الى 6شهور بالاسفنجه بماانه صغير ومايقدر يجلس,,,اما من بعد 6شهور اذابدى يجلس الكرسي مررره مريح له ,,,,هذا من واقع خبرتي لاني ام لـــ6اطفال واصغرهم عمره 6شهووور واستخدمله الكرسي مره مريح ويعلمه الجلوس ,,,تقبلي مروووري,,,

[ريآنهـ..!]

افضل الاسفنجة ع الكرسي

والنونو صغير اما اذا كبر ويعرف

يجلس خلاص ما عاد بحاجتها

[ام اسكندر]

مشكورين يالغوالي
اعتقد كذا عرفت قراري وايش ح اشتري

[لنا]

انا عندي حوض وفيه سرير مخرم من تحت ويتربط عليه الطفل.. ياريت لو أقدر ارفعلك صورته... بس مره مريح ويناسب جميع الاعمار بما فيهم المواليد وتقدري تقلبي الطفل زي ماتبغي.. وكمان تتحكمي في السرير وترفعيه شويه يصير كرسي!
ياريت أكون افدتك..

[ღ..وســـــن..ღ]

كرسي مرررررره اسهل وآآمن للطفل

لان يمكن يزلق منك من المويه والصابون والطفل اصلا يتحرك لما تروشينه

لكن الكرسي يثبته واحسن بالنسبه لي

[كروزه]

الكرسي لا لا لا

نصيحه الكرسي للاطفال تحت 5 شهور لاتسخدموه

انا ولدي استخدمته له من كان عمره شهرين ولما جاتني وحده تمرخ الاطفال قالت

قالت بدري عليه الكرسي استخدمي الاسفنجه ومرخته والحمد الله ولدي دحين احسن

بكثير من اول