ابي مساعدتكم

[ريــوف]

سلااام / كيفكم

اخواتي انا عندي ولدي نجح في الفصل الاول في الصف الثاني الحمدالله بس احترت وش اهديه لانه باختصار يمل بسرعة من اي لعبة سوني مايجلس عليه دراجة يوقفها ويجلس معنا كل الي يخطر ببالكم جاه بس الولد اللعبة ماتطول معه اذا تنكسر يكسرها واذا ما تنكسر مل منها وتركها انا اقول يمكن لاننا لحالنا بالرياض اهلنا نصهم بالشرقية ونصهم بالجنوب بس عندي عيال جاراتي هم الي يلعب معهم
لا تقولون توها تذكرت تشتري له هدية بس صدقوني احترت معه
الي ما تقدر ترد تكفيني منها دعوة لولدي ان ربي يهديه ويسخره لي

[ملكة المشاعر]

الله يخليه لكِ يااااارب

جيبيلو مجموعة قصص حلوه

او طاوله كورسي حقت اطفال تنباع في المكاتب يذاكر عليها

[#ام جوان#]

اختي وديه معاك السوق وقولي له يختار اللي يعجبه
وقولي له انها هدية نجاحه
والله يحفظه لك ان شاء الله ويرزقك بره

[أحلى حلم]

الله يهديه ويسخره لك يارب العالمين...

[غزالة]

الله يهدي وليدك ويخله لك
حلو إنك تاخذينه معك ويختار هديته

[سيدة الغرام]

الله يسخر ولدك لكي يارب ويحفظه من كل شر
انتي خذي ولدك وخلي يختار هديته