حبيباتي"أنا في هم لايعلمه إلاالله"محتاجتكم لاتخلوني.

[اجاتا]

الله يفرج همك امين يااااااااااااااااارب العالمين

والله بعرف وحدة كان عندها مثلك ضعف تبويض وبعد العلاج بـ 5 سنوات الله رزقها 3 اولاد يعني توائم بجننو

بس هسا يا حرام بتحكي اواه على ايام زمان

[Baby doll]

الله يفرج همك ويرزقك الذرية الصالحة ..

[غصن البان]

شوفي حبيبتي الله يفرج همك يااااارب ويرزقك عن قريب..
بالنسبة لضعف التبويض فالحمد لله رب العالمين له علاج ولو انها المدة بطول لكن مع التوكل على الله والادوية والاعشاب الحمد لله بتنحل المشكلة..

وبالنسبة للاشعة فانتي لا تحملي هم ما لم ينزل بك وهاي بتنعمل بس ميشان التاكد انو ما في مشاكل وان شاء الله ما يكون فيه مشاكل اتوكلي على الله وكما قال عليه الصلاة والسلام تفاءلوا بالخير تجدوه..

انا ميعادي الاسبوع الجاي لاشعة الصبغة الله يستر ..صح خايفا شوي يكون فيه ألم بس رح اعتبروا مثل الالم اللي حسيت فيه اول مرة عملت التراساوند
الله بعين.. بدي اعملها واخلص.. وان شاء الله خير..

[وسناء]

الله يفرج همك ويرزقك الذرية الصالحة ويرزقنا ياارب

[loolito]

الله يفرج همك ويرزقك بالذريه الصالحه يارب

[عسولة فلسطين]

الله يفرج همك يارب ويجبر بخاطرك
حبيبتي أنا عندي ضعف بالمبايض وكتيييييييييييييير كمان مش ضعف بسيط
والحمدلله ع كل حال
فيه وحدة قالت لامي انه بنتها الكتورة قالتلها تبويضها صفر فعملت لها هالخلطة خلال فترة التبويض والدورة تشربهم عبارة عن قرفة وسمسم ابيض طبعا تغلي القرفة وبتحط عليها بس تخلص السمسم وتشرب زي الشاي وقالتلها انه تبويض بنتها تحسن
وهيني جربت هالخلطة + المرامية الشهر هادا وان شاء الله خير طبعا مع التوكل على الله
وأخدت ابر تنشيط اسمهم فيستمون + حبوب ديكورت وما تيأسي حالة ضعف المبايض كتير منتشرة والها علاجات والحمدلله ع كل حال
وبالنسبة للاشعة اول مرة اسمع فيها
لا ايش هي بالضبط؟

[سوزانا الشامي]

انا اختي كان عندها ضعف بالتبويض وكانت تاخد اتقل نوع ابر كلوميد وما كان يصير اباضه وضلت سنه على هالحال بعدين قالتلها الدكتوره عملي الابره الظليله وهي بياخدوا عن طريق المهبل مشان يشوفوا اذا في التصاقات بالانابيب ولازم بعد الدوره بيوم فورا تصير اختي كانت عم تاخد حب عادي كلوميد وبدون ما توصفوا الدكتوره الها يعني اجتهاد شخصي انتبهي حب مو ابر وما صار جماع لبعد الابره بيوم وفجأه كانت عم تتسلى بتحاليل الحمل متل عادتها قام طلعلها خطين ما سدقت عيونا وفكرت الجهاز مخربط تخيلي عادت التحليل كمان طلع خطين حللت دم طلع الهرمون 700 شوفي قدرة ربك ما راقبت الاباضه ولا اخدت ابر كلوميد ولا حتى ابر تفجير ولا نظمت الجماع ولا عملت اي شي يعني صار الحمل بقدرة الله مع العلم انو الدكتوره قالتلها مستحيل يصير حمل بعد الابره الظليله بس قدرة رب العالمين وارادتو فوق كل شي وليكها ماشالله عنها ولادتها الاسبوع الجاي ومعها ولد الله يقيمها بالسلامه وانتي خدي العبره من هالكلام واعلمي انو الحمل وكل شي بها الدنيا بارادة الجبار التجئيلو بالدعاء وببيكرمك انشاالله والله اختي وصلت لدرجه ماممكن تتخيليها من اليأس وكانت كل مره تنتظر بعد مراقبة الاباضه وابرة التفجير على امل الحمل وتجيها الدوره اما لما ما كانت القصه ببالها حملت بدون شي سبحان الله فلا كتير تاخدي بكلام الاطباء ملك الملوك اذا وهب لا تسألن عن السبب والله يفرجا عليكي يارب

[شجون الشمري]

الله يفرج عليك ويسهل امرك يارب

ويرزقك بالذريه الصالحه

ربي لا تزدني فرداً وانت خير الوارثين

[نور منوره]

الله يعين محد مرتاح

يابنت خلي املك بالله اكبر
انا افضل انك تروحين للمراءه تعطيك اعشاب تضبط لك التبويض
ولاتستعجلين على الصبغه
لان معروف ماحملتي لاني التبويض ضعيف فاليش تلجى للصبغه
واشربي اناناس بعد الدوره وربي وربي وربي مفعووووله مره ممتاز


وربي يفرج همي وهمك ويريحنا يارررب

[ops]

الله يرزقك بالذريه الصالحه و لايضيع لك تعب يارب