الحازوقه والشهر التاسع..!!

[يارب عفوك]

السلام عليكم ورحمة الله وبركاته

كيف حالكم ان شاء الله بخير..

المهم حبيت اسئل عن الحازوقه او ماايمسيها البعض بوفاق..او مثل النبض يصير
كل خمس ثواني..
انا تقريبآآ تجي لي هذي الحازقه اشعر بها يوم وترك

ودايمآآ تكون بالجانب الايسر..!!

بس حبيت اسئل..

الحازوقه بالجنب الايسر هل هذا يعني بإنه الجنين راسه بالايسر

والله خايفه حييييل إنه تكون معترضه

وانا عندي احساس بولد بعمليه

بس ياليت من راس البيبي تحت وتحس بالحازوقه بالجنب تفيدني

وتريح قلبي

[ذكريات الماضي]

كنت اتمنى افيدش بس ماعندي خلفيه

انشاء الله الباقي يفيدوش

والله يتمم لش على خير

[حنين الجنة]

وعليكم السلام ورحمة الله وبركاته

صراحه انا .. ماشعرت بهذا الاحساس وانا بالتاسع

بس انتى اكثري سجود..... علشان الراس تنزل تحت
وما تستسلميش لقولة عملية
الله يسهل ولادتك

[ولاااء]

الحازوقة احس فيها بس مانتبهت اي جهة يمكن كل الجهات لانها تدق الجسم كله ههههه
انا قالو لي انو راسه تحت من بداية الشهر الثامن وسألت الدكتورة عن احتمالية انه يعترض
قالت نادر الا اذا الله شاء بس غالبا من الشهر 8 خلاص

بس في جميع الاحوال لازم تشربي موية كثير عشان ينزل الجنين الحوض..

[يارب عفوك]

مشكورين يالغوالي ع الردود

واتمنى ردود كثير

طمنوني بليز..

على إنه كل الرفس الاغلب فوووق نارد مايكون تحت

[00ام اسيل00]

اختي عفوك ياليت عندي صوره لبطني اوريك كيف صاير شكله
بنتي كاها متعرضه بس راسها مايل شوي لتحت والرفس على جنبي الايمن من فووووق
وفي السونار تقول الدكتوره تقول وضعها كويس والرااس تحت
وانا ااشر على راس بنتي اقول لها بس انا اشوفه فووق
قالت انتي مافي خووف هاذا الراس تحت بس انتي يحسب فوووق
ولما جيت اولد طوول الوقت كت مركزه على بطني كيف بتنزل هلبنيه
وياسبحان الله تشوفي طبيعي يتعدل الوضع بشكل منااسب وتنزل
لا تخافي
ان شاء الله طبيعي وربي يبعد عنك القيصري

[ام شهودة]

طبيعي حبيبتى لا تخافي انا نفسك واخذت حجم راس الجنين من يومين قالت الراس تحت انا مثلك يجي ابوفاق للبيبي لمن اكون انا شبعانه بس واحس نفس الجهى با الايسر يعنى الجنين نازل

[يارب عفوك]

مشكورين مااقصرتو ريحتوني والله ..

وانا احس بالرفس من فوق بس الحازوقه تكون ع الجوانب..

وخايفه يكون معترضه

بس بسئلك ام شهد

لوكانت الحازوقه بالجانب الايمن يعني الجنين معترض والإ؟

[~*روز*~]

ياقلبي ياعفوك


طلعتي خوافه اكثر مني هههههههههه

انا الحمد لله راس البيبي تحت

واحس الحازوقه دائما باليسار ونادرا فوق

لااااااااتخااافي

^_^

[يارب عفوك]

ههههههههااي وش نسوي

هالحمل ماخلنا فينا عقل والله..

انا توني من ساعه حسيت فيها باليمين ودايم اكثر شي باليمين بس غلطت

كتبت باليسار

بس احسها بالوسط وشوي نازحه لليمين يعني مو بس الوسط بالضبط لا

ياليت كما ن اشوف ردود بليز