حبيباتى سيدات ليبيا تفضلو لأعرف ما حالكم

[هدية الخالق]

المشاركة الأصلية كتبت بواسطة أم أجنادين 80

أكـــــــيد رايكم كلكم يهمني

انتي بزيادة سوسو " مش تزعلوا "

لان سوسو من نفس مدينتي وعاداتنا زي بعض فاهمة طباعنا

والله فكرتك حلوة بالنسبة للبس

الليلة نلبس بدلة قصيرة عنابية حلوة وندير شعري فوق

وغدوة في الكسوة لو كانت قريبة من الليل نلبس الصدرة ونقعد بيها

كان هدا نلبس حرير علي بلوزة هندية وفي الليل البدلة الصغيرة

صح واحد من الأسباب لبس الحرير هيا تريح من قصة الشعر والسبب الثاني

حتي لو نكررها عادي اكثر من مرة

وكان هدا بنقعد نخمم في لبس جديد من ناحية ماعنديش حاجات نازكة حلوة

كله رسمي لبسي وحاليا مانبيش نشري لبس علي خاطر المشروع المحتمل


وهدا كله وان شاء الله باليل لزوجي كان حاله كويس

لان البارح ارتفعتله الحرارة والصبح كلمت سلفي رفعه للمستشفي

هوا عنده اللوز ديمة يتعبوا فيه

كل مرة نزيد نتاكد ان المراة لازم تتعلم القياده مش شرط تسوق حتي علي اي ظرف

لو نفرضوا سلافي مش موجودين كيف بندير ؟؟؟؟

وتوا الحمد لله حاله كويس اعطيته الدواء ورقد وحرارته نقصت

لو حاله كويس نمشي كان هدا مش ماشية

لاباس علي راجلك جنودة ان شاء الله ربي يشفيه
شكله اني مايهمك رايي او ماعجبكش اقتراحي
ماعلقتيش علي ردي ؟؟!!!!!!!!!

[dr.loly]

وهذه مسابقه جديدة عشان ماينزعلش مني؟؟؟؟؟؟؟؟؟؟.............http://forum.hwaml.com/t266991.html

[dr.loly]

http://forum.hwaml.com/t266991.html



http://forum.hwaml.com/t266846-16.html

[dr.loly]

هدية نورتــــــــــــــــــــــي...

شن الجو عندكم نحن مطر وسقـــــــع

[هدية الخالق]

المشاركة الأصلية كتبت بواسطة *ام فراس*

هدية ماشاء الله ... بنوتك حصلت الجنسيه والجواز الكندي
تلقاهن في المستقبل ان شاء الله خصيصا لو حبت تدرس بالخااارج

ولهالموضوع بالذااات انشجعك بقوه انك تحملي...


هنا في بريطانيا مافيش الصلاحيات هذه للاجانب ولو هذا لدولة باكستان كلها اصبحت عندها الجنسيه هههههه


ف صدقت الملكة اليزابيت بعد لغت هالشئ...

ايه الحمد لله اكثر حاجة فرحت بيها وحسيت اني استفدت منها
في قعدتي اهني الجنسية
وطبعا صار الطمع في بنيتي من تو باديييين يخطبوا فيها ههههههههههه
شكله عندكم الباكستانيين كاترين غادي
احني الصبنيين بشكللللل معششين اهني تعشيشة صح
مافيش مكان تمشيله الا ماتلقيهم فق وجهك اكثر من الكنديين
ومستفيدين من الجنسية طبعا
لكن حتي احني توا بيلغوها معادش بيعطوها خلاااااااااااص
باهي بعد خدتها بنيتي واطمنت عليها عادي خلهم يلغوها
ههههههههههه

[dr.loly]

ههههههههههههههه عطك الخير ضحكتيني

[dr.loly]

اه بكل باكستااان...هنا اكثر من الانجليز ههههههههههه
لدرجة دايرين محلات ملابس خاصه بهم وبدالي هنديه وباكستانيه حاجة روووعه م الاخير
مش قلت مره اني درت واكسنق ف بوتيك باكستانيه واتدير حتي ف الحنه

ومستفيدين من متاجرهم لان متوفر في جميع البهااااااااااااااااااارات ...

[هدية الخالق]

المشاركة الأصلية كتبت بواسطة *ام فراس*

هدية نورتــــــــــــــــــــــي...

شن الجو عندكم نحن مطر وسقـــــــع

اهلين بيك حبيبتي
والله مازال ماشفت الجو برا لأني قاعدة تحت الغطا في السرير
هههههههههههه غير قلت منشوفكم قبل ماانوض لاني معادش منفضي بعد مانوض مش حنفضي يادوب نفطروا ومنعدي عندي موعد اسنان
لكن شكله الجو نو شوية
تعرفي راجلي رن المنبه امتاعه غميت وجهي ودرت روحي راقدة
مانبيش ينوضني توا ههههههههههه
قاعدة نعسامة الحق امبارح دارتلي حالة سوما
الله يهديها عياطات بدون سبب وتوا عندنا الساعه
9

[dr.loly]

عياطات بلا سبب اساليني نا عليهن حاسه بيك والله ...
نحن الشرفات متاع الحوش كبار ف كل مكان باين الجو هههههه ماعدا دار النوم مظلمينها ع الاخر


الحوش مظلم والجو واضح جدا برااا بس بم ان الحوش لوووح ف دافي جدا

[هدية الخالق]

سوسو الصورة الرمزية امتاعي هاذي حديقة فيكتوريا
ثاني اجمل حديقة في العالم الللللللله سبحانك ياربي ابدااااااع
تقول مرسومة رسم وكبييييييرة في يوم ماتكمليهاش
لكن للأسف ياخسارة لما مشينالها كنت حامل وتعبانة ونتوحم
ماحسينش بيها ولا ادهورت زي الناس
مقعمزة في جهة وخلااااص
قلت لراجلي نبي نعدولها مرة ثانية لاني بصدق ملحسيتش
بيها ولا تمتعت وخديت صور حلوة
كل صوري فيها يصور فيا راجلي واني مقعمزة ودايخة شكلي باااااااااااااااااااايخ وباين عليا المرض